बङ्गलूरु- राष्ट्रिय-पाठ्यपद्धतिनीतेः आधारेण पाठ्यचर्याबन्धस्य(Curriculum Framework) सज्जीकरणाय अनुशासनपत्रं(Mandate Document) केन्द्रसर्वकारेण शुक्रवासरे प्रकाशितम्। राष्ट्रे शिक्षासम्प्रदायम् औपनिवेशीकरणात् मोचयितुं समर्थः पदविन्यासः एवेदमिति अनुशासनपत्रं प्रकाशयन् केन्द्रीय शिक्षामन्त्री धर्मेन्द्र प्रधान् वर्यः अवदत्।

ऱाष्ट्रिय-शिक्षानीतिरेव तत्त्वम्। राष्ट्रिय- पाठ्यचर्याबन्ध एव मार्गः। अधुना प्रकाशितम् अनुशासनपत्रमेव संविधानम्। इति मन्त्री सूचितवान्। के कस्तूरि रंगन् वर्यस्य आध्यक्ष्ये एतदर्थं मार्गनिर्देशक समितिरपि रूपवत्कृता।

सामान्यजनेभ्यः निरदेशान् स्वीकर्तुं मोबैल् आप् सज्जीकरोति। राष्ट्रिय- पाठ्यपद्धतिं प्रति निर्देशान् समर्पयितुं राष्ट्रतले 25 राज्यस्तरीयं केन्द्रबिन्दुसंधं न्ययोजयत्। मण्डलस्तरात् राष्ट्रस्तरं यावत् शिक्षासंस्थानानि, कर्मकराः, नयरूपवत्करणसमितयः इत्यादीनि केन्द्रीकृत्य सर्वेक्षणानि समालोचनानि च समायोज्यैव केन्द्रबिन्दुसंघः पाठ्यपद्धतिं प्रति निर्देशान् समर्पयिष्यतिॆ।

 कोच्ची- शिक्षामण्डले कोविड्पूर्वकालः कोविडनन्तरकालः इति विभजनम् अवश्यम्भावी इति सार्वजनीनशिक्षामन्त्री वी शिवन् कुट्टिवर्यः अवदत्।

राज्य-शैक्षिकानुसन्धान-प्रशिक्षणपरिषदः नेतृत्वे आयोजितम् अध्यापकसंगमं-२०२२ एस्-आर्-जी शक्तीकरणस्य राज्यस्तरीयम् उद्घाटनं विधास्यन् भाषमाणः आसीत् मन्त्री।

२०२२-२३ अध्य।नवर्षः जूण् प्रथमदिनाङ्के प्रारभते। छात्राणां रक्षाकर्तृणां च परिवर्तनानुसारम् अध्यापकानामपि परिवर्तनम् आवश्यकम्। सम्यगासूत्रणेन सहयोगप्रवर्तनेन च शिक्षाक्षेत्रे श्रेष्ठतामवाप्तुं शक्यते इत्यपि मन्त्रिणा उक्तम्।

एरणाकुले कलूर् रिन्यूवल् सेन्टर् स्थले आयोजिते अघिवेशने एरणाकुलं शिक्षा उपनिदेशिका हणी अलक्स्ण्डर् अध्यक्षा आसीत्।

कोच्ची – कैरलीचलच्चित्रमण्डले प्रसिद्धः पटकथाकारः जोण् पोल् वर्यः कालकबलितोभवत्। स ७२ वयस्कः आसीत्। चलच्चित्ररंगात् बहुकालं बहिस्स्थितस्य अस्य अन्त्यं चिकित्सालये आसीत्। कैरलीचलच्चित्ररंगं सम्पूर्णतये तस्य कृते प्रार्थनायामासीत्। प्रतीक्षां विफलीकृत्य अयं शनिवासरे मध्याह्ने अस्माल्लोकान्निरगात्।

१९८० तमे वर्षे चामरम् इति कैरलीचलच्चित्रस्य कृते पटकथां रचयन्नेवासौ चलचित्रमण्डलमागतः। अनन्तरं शक्ताः पटकथाः विरचय्य केरलान् अग्भुतस्तब्धान् अकरोत्।

नवदिल्ली- भारतीय स्थलसेनायाः नूतनमेधाविपदे लफ्-जनरल् मनोज् पाण्डे वर्यः नियुक्तः। अधुना सेनायाः उपाध्यक्षः भवत्ययम्।

जनरल् एं-ए नरवने वर्यस्य पश्चाद्गामी अयम् अस्मिन् मासे ३० दिनाङ्के स्वपदं गृहीष्यति। सेनायाः २९ तमः अध्यक्षः भवति मनोज् पाण्डे वर्यः। अभियन्तृविभागात् सेनाध्यक्षपदम् प्राप्तः प्रथमः सेनानी च भवत्ययम्।

नवदिल्ली-  एकस्मिन्नेव समये द्वयोः बिरुदवर्गयोः अध्ययनं कर्तुं  छात्राः अनुवदनीयाः इति विश्वविद्यालयानुदानायोगस्य अध्यक्षः जगदीष् कुमार् वर्यः अवदत्। एकस्मिन्नेव विश्वविद्यालयाद्वा विभिन्नेभ्योभ्यो विश्वविद्यालयेभ्यो वा एकस्मिन्नेव काले पूर्णसमयबिरुदार्थम् अध्येतुं छात्राः प्रभविष्यन्ति। एतदनुसारं मार्गनिर्देशम् अचिरेण दास्यतीति अध्यक्षः असूचयत्।

नूतनशिक्षानीतेः भागत्वेनैवायं निर्णयः। विविधेषु विषयेषु एकस्मिन्नेव कालपरिधौ प्रावीण्यं सम्पादयितुं छात्रान् प्राप्तान् कर्तुमेवायं निर्णयः। आधिजालिकरूपेणापि विरुदवर्गे अध्येतुमपि छात्राः प्रभवन्ति। एकस्मै बिरुदाय कलाशालां गत्वा इतरस्मै बिरुदाय आधिजालिकद्वारा च पठितुम् अधिकारः अस्ति। अनेन शास्त्र-मानविकविषयेषु एककाले अध्येतुम् अवसरं लभन्ते छात्राः।