नवदिल्ली- एकोनषष्टितमः ज्ञानपीठपुरस्कारः घोषितः। हिन्दी साहित्यकारः विनोद् कुमार् शुक्लवर्यः पुरस्काराय चितः। छत्तीस्गढ् राज्यात् ज्ञानपीठेन पुरस्कृता प्रथमा व्यक्तिः भवति विनोद् कुमार् शुक्ला। समकालिक हिन्दीसाहित्ये विख्यातो भवत्ययम्। हिन्दीसाहित्यात् ज्ञानपीठेनपुरस्कृतः द्वादशतमश्च भवत्ययं महानुभावः। ज्ञानपीठजेत्र्या प्रतिभा राय् वर्यया नेतृत्वमापन्ना समितिरेव पुरस्कारनिर्णयमकरोत्। एकादशलक्षं रूप्यकाणि फलकं च पुरस्कारे अन्तर्भवति।