Daily Archives: November 20, 2017
४८ तमस्य गोवा चलचित्रोत्सवस्य प्रौढगम्भीरः आरम्भः।
पणजी. – गोवा चलचित्रोत्सवाय दीपं प्राज्वालयत्। गोवा मुख्यमन्त्री मनोहर् परीखर्, केन्द्रमन्त्री स्मृती इरानी प्रभृतयः भागम् अभजन्। बोलीवुड् तारं षा रुक् खान् विशिष्टातिथिः आसीत्। प्रसिद्धस्य इरानियन् निदेशकस्य बियोण्ट् द क्लौट् आख्यं चलचित्रम् आसीत् उद्घाटनचित्रम्। सम्पूर्णे सदसि एव चित्रं प्रदर्शितम्। चलचित्रस्य नायकः इषान् घट्टार् नायिका मालविका मोहनश्च उद्घाटनसमारोहे भागम् अभजताम्।
भूतपूर्वः केन्द्रमन्त्री प्रियरञ्जन् दास् मुन्षी दिवंगतः।
नवदिल्ली – काण्ग्रेस् दलस्य नेता तथा भूतपूर्वः केन्द्रीय सूचनाप्रसारणमन्त्री च प्रियरञ्जनदास् मुन्षी वर्यः निर्यातः अभवत्। स ७२ वयस्कः आसीत्। आमयपीडया वर्षाणि यावत् चिकित्सायामासीत्। अद्य मध्यान्हे १२.१० वादने नवदिल्याम् अप्पोलो आतुरालये आसीत् अन्त्यम्।
पक्षाघातात् परं २००८ तः अबोधावस्थायां स्थितः सः जीवरक्षोपकरणानां साहाय्येन जीवन्नासीत्। मस्तिष्कं प्रति रुधिरप्रवाहस्थगनेन नाडीदौर्बल्यं सञ्जातम्। तद्वारा आशयविनिमयशेषी विनष्टा च अभवत्।
१९९९ -२००९ काले स पश्चिमवंगस्य रायिगञ्ज् मण्डलात् लोकसभासदस्यः आसीत्। २००५ – २००८ काले मन्मोहन् सिंह् मन्त्रिमण्डले अयं संसदीयकार्यस्य तथा सूचना प्रसारणकार्यस्य च मन्त्रित्वेन असेवत।
२० वर्षाणि यावत् आल् इन्ड्या फूट्बोल् फेडरेषन् आख्यस्य पादकन्दुकसङ्घस्य अध्यक्षः आसीत्। विश्वचषक पादकन्दुकस्पर्धायां स्पर्धाकार्यदर्शीरूपेण कर्म कृतः प्रथमः भारतीयश्चासीदयम्।
विद्यालयीयकलोत्सवः, पञ्चविंशति वेदिकाः, तेक्किन् काट् मुख्यवेदिका।
तृशूर् – २०१८ जनवरिमासे त्रिशिवपुरे सम्पत्स्यमानस्य विद्यालयीयकलोत्सवस्य सङेघाटकसमितिः जाता। जनुवरि मासस्य ६ तः १० पर्यन्तमेव एष्यायाः सर्वोच्चः अयं कलोत्सवः प्रचलिष्यति। तृशिवपुरुत्तनमेव अस्मिन् वर्षे कलोत्सवस्य आतिथेयत्वं विधास्यति। अत्र तेक्किन् काट् प्रतोलिका एव मुख्या वेदिका इति विद्याभ्यासमन्त्री प्रोफ. सी. रवीन्द्रनाथवर्यः अवदत्। अवरतः द्वे वेदिके तेक्किन् काटे भविता। परमतः पञ्चविंशतिः वेदिकाः भवेयुः। आवश्यकं चेत् अधिकां वेदिकाम् आयोजयिष्यते। कलोत्सवस्य विधिनिर्णयोपि अन्यूनं कर्तुं पद्धतिः आव्ष्कृता। ये पूर्वं द्विवारं विधिनिर्णेतारः आसन् तादृशान् पट्टिकातः निष्कासयिष्यते। छात्राणां शेषीमापनमेव अत्रभवेत्। कलोत्सवस्य रूपरेखासंहारः परिष्कृतः अस्ति। तस्य प्रकाशनमपि कृषिमन्त्रिणे सुनिल्कुमाराय प्रतिकृतिं दत्वा मन्त्री प्रोफ. रवीन्द्रनाथः कृतवान्।
कलोत्सवसंघाटनार्थं २१ समितीनां रूपवत्करणमपि सम्पन्नम्। मन्त्रिवर्ययोः सान्निध्ये समितेः प्रथमम् अधिवेशनमपि प्राचलत्।
कार्यक्रमे नगरपालिका अजिता जयराजः, जिल्ला पञ्चायत् अध्यक्षा षीला विजयकुमारः, सामाजिकः के. राजन्, भूतपूर्वः सामाजिकः टी.वी. चन्द्रमोहन्, उपनगरपालः वर्गीस् कण्टंकुलत्ती प्रभृतयः भागं गृहीतवन्तः।
