Daily Archives: November 7, 2017
एष्यन् मुष्टियुद्धस्पर्धायां मेरी कोम् अन्तिमचरणं प्राप्ता।
भारतस्य क्रीडकप्रतिभा मेरी कों वर्या एष्या मुष्टिप्रहरयुद्धस्पर्धायाः अन्तिमचरणं प्रविष्टा। जापानस्य टाबस् कोमुरा महाभागं विजित्यैव एषा प्राप्तिः। पूर्वं पञ्चवारं विश्वविजेता भवति मेरी कोम्। अधुना एष्या वैभवस्पर्धायाः अन्तिमे चरणे सा स्पर्धिता। अस्यां स्पर्धायां अस्याः पञ्चमा अन्तिमचरणस्पर्धा भवतीयम्। अत्र विजेष्यति चेत् एष्या स्पर्धायाम् अस्याः प्रथमं सुवर्णपतकं भविष्यति।
गेयिल् विरुद्धसमरः, अद्य निर्णयो भविष्यति।
कोषिक्कोट् – गेयिल् विरुद्धसमरस्य विरामार्थं राज्यसर्वकारस्य परिश्रमः विजयपथं प्राप्नोति। ह्यस्तने आयोजिते सार्वदलीयाधिवेशने आशङ्काः सामान्यतः परिहृताः आसीत्। गेयिल् परियोजनां प्रति जनमनसि सञ्जातः मिथ्याबोधः नूनम् अवसीयते इति उद्योगमन्त्री ए.सी. मोय्तीन् वर्यः प्रत्याशां प्राकटयत्। गृहं नष्टवतां पुनरधिवासः निश्चितः भवतीति सार्वदलीयाधिवेशनानन्तरं मन्त्रिवर्यः सूचितवान्। जनानाम् आशङ्कापरिबारार्थं ग्रामतलेषु सेवासङ्घः (हेल्प् डेस्क्) आयोजयिष्यते। सुरक्षां दृढयितुं सर्वाणि कार्याणि स्वीकरिष्यतीत्यपि स न्यगादीत्।
