Daily Archives: November 25, 2017
राज्ये मीसिल्स्-रूबेल्ला निवारकौषधानां प्रदानाय कालपरिधिः दीर्घिता।
अनन्तपुरी – मीसिल्स्-रूबल्ला रोगयोः निवारणार्थं दीयमानं सूच्यौषधं प्रदातुं समयपरिधिः डिसम्बर् प्रथमदिनं यावत् दीर्घिता। पूर्वं द्विवारम् एवं दीर्घिता आसीत्। परन्तु सर्वकारस्य लक्ष्यं सफलं न जातमित्यतः निवारकसूच्यौषधप्रदानाय समयपरिधिः पुनरपि दीर्घिता।
नवमासादारभ्य पञ्चदशवर्षं यावत् वयस्काः ७६ लक्षं आर्भकाः राज्ये सन्ति। तेषां सर्वेषां सूच्यौषधदानमासीत् प्राशासनिकं लक्ष्यम्। परन्तु ६१ लक्षम् अर्भकेभ्य एव इतः पर्यन्तम् अौषधं दत्तम्। एतत् लक्ष्यस्य ८३ शतमितमेव।
