Daily Archives: November 2, 2017
अपघाते पतितानां कृते ४८ होरापर्यन्तं निःशुल्का चिकित्सा।
तिरुवनन्तपुरम् – रथ्यायाम् अपघाते पतित्वा चिकित्सालयं प्रवेशितानां कृते ४८ होरा पर्यन्तं निश्शुल्कां चिकित्सां प्रदातुं केरलसर्वकारः निरणयत्। एतदर्थं ट्रोमा केयर् नामिका परियोजना आविष्करणीया इति मुख्यमन्त्रिणः पिणरायि विजयस्य आध्यक्ष्ये सम्पन्ने उन्नतसमितेः अधिवेशने निर्णयो जातः।
चिकित्सालये प्रविष्टे सति ४८ होरावधि रोगिणः बन्धुभ्यो वा धनस्वीकारं विनैव चिकित्सा प्रदानार्थं निर्देशमेव परिगणयति। ४८ होराभ्यन्तरे क्रियमाणायाः अत्यासन्नचिकित्सायाः व्ययः सर्वकारेण दीयते। एषा धनराशिः अभिरक्षानिगमात् सर्वकारेण स्वीक्रियते च।
उदयभानोः पश्चात् प्रमुखाः निगृहीष्यन्ते।
एरणाकुलम् – भूविक्रयानुयोजकस्य राजीवस्य हत्याकाण्डे अभिभाषकः उदयभानुः तादृशाः प्रमुखाश्च गृहीताः। तदनु केचन प्रगल्भाः विषये∫स्मिन् प्रतिसन्धिमेष्यति इति सूचना। राजीवस्य हत्यायाः पृष्ठभूमौ भूविक्रयानुबन्धाः अत्याचाराः एवेति स्पष्टमभवत्। तान् सर्वान् गृहीतुं अत्याचारिणः नियमपरिधौ नेतुं च सुसन्नद्धं भवति रक्षिदलम्।
स्त्रीसुरक्षा विषये गोवा प्रथमस्थाने, केरलस्य द्वितीयं स्थानम्।
नवदिल्ली- भारते स्त्रीसुरक्षापट्टिकायां केरलं द्वितीयस्थाने। शिक्षा स्वास्थ्यं आक्रमणात् सुरक्षा इत्येतान् घटकान् परीक्ष्य सज्जीकृता भवति पट्टिकेयम्। प्रथमल्थाने गोवा राज्यं भवति। २०११ आरभ्य जनगणतिप्रभृतिभ्यः दत्ताभ्यः अंशान् स्वीकृत्य पट्टिका निर्मिता।
