Daily Archives: November 4, 2017
राष्ट्रीयविचारसत्रं तृप्पूणित्तुरा संस्कृतकलाशालायाम्।
तृप्पूणित्तुरा – नवम्बर् ६तः १ पर्यन्तं तृप्पूणित्तुरा संस्कृतकलाशालायां राष्ट्रीयविचारसत्रम् आयोज्यते। ब्रह्मसूत्रभाष्यं भामितीं चाधारीकृत्यैव विचारसभा प्रचाल्यते। विचारसभायां प्रसिद्धः वेदान्तपण्डितः मणिद्रविडशास्त्री, श्रीपादसुब्रमण्यं, महाबलेश्वरभट्टः, इत्येते महाशयाः प्रबन्धान् प्रस्तुवन्ति।
मादकांशयुक्तानाम् औषधानां नियन्त्रणम्।
अनन्तपुरम् – उन्मादकांशयुक्तान् औषधान् औषधशालायां विक्रेतुं सर्वकारः नियन्त्रणमायोजयति। एतादृशमौषधम् इतः परं विक्रेतुं क्रेतुं च चिकित्सकस्य निर्देशयुक्तं कागदपत्रम् आवश्यकम्। औषधविक्रेता एतत् स्वीकृत्य स्वशालायां पञ्चीकुर्यात्। औषधशालासु निरीक्षणं शक्तं कर्तुं स्वास्थ्यविभागः निरणयत्।
मादकावस्थाप्राप्तये एतादृषमौषधं बहवः उपयुञ्जति। एषा रीतिः स्वास्थ्याय हानिकरा भवति। अतः एव सर्वकारेण नियन्त्रणमायोजितम्।
अद्य गुरुनानाक् जयन्ती।
अद्य अशेषे∫पि देशे गुरुनानाक जयन्ती समायोज्यते। सिख-धर्मावलम्बिनां कृते दिवसो∫यं पवित्रतमदिवसेन आमान्यते। सिख-धर्मस्थापकस्य गुरुनानाकदेवस्य शिक्षां स्मारयितुं दिवसो∫यं परिपाल्यते। सर्वेषां सिख-धर्मावलम्बिनां कृते नववाण्याः शुभाशयाः।
