Daily Archives: October 23, 2017
गुरुवायुपुरमन्दिरे अहिन्दूनां प्रवेशः, सर्वकारेण पुरो गन्तव्यम् – तन्त्री।
गुरुपवनपुरमन्दिरे हैन्दवेतराणां प्रवेशसम्बन्धिनि विषये सर्वकारस्य पादन्यासः आवश्यकः इति मन्दिरस्य तन्त्री चेन्नास् दिनेशन् नम्पूतिरिवर्यः। अस्मिन् विषये तन्त्री-पण्डितसमाजैः सह सम्मन्त्र्य कार्याणि कुर्यात् इति स न्यवेदयत्।
आचाराणां कालानुसृतं परिवर्तनम् आवश्यकम्। एतादृक्षु विषयेषु सर्वकाराणां निर्णयः परमप्रधाऩः इति स अवोचत्। सर्वकारस्य निर्णयेन सहकर्तुं सन्नद्ध इत्यपि सो/सूचयत्।
कौमारकेरळानाम् आवेगस्य अद्य परिसमाप्तिः
क्रीडाप्रेमिषु उत्साहं पूरयन् एकषष्ठितमः विद्यालयीयक्रीडासमारोहः पालानगरस्थे नूतने सांस्लेषिकरेखामार्गे अद्य समाप्तिमेष्यति। सायं ४.३० वादने क्रीडाङ्कणे सम्पद्यमानं समापनसमापोहं विपक्षिदलनेता रमेश् चेन्नित्तला वर्यःउद्घाटयिष्यति। पाला सदस्यस्य श्रीमतः के.एं. माणी वर्यस्य आध्यक्ष्ये शिक्षामन्त्री प्रोफ. रवीन्द्रनाथः चषकपुरस्कादीन् वितरिष्यति।
क्रीडामेलायां २०५ अङ्कैः एरणाकुलं जिल्ला अग्रे सरति।१७५ विभागाः इतःपर्यन्तं समाप्ताः। २२ विभागाः अवशिष्टाः। द्वितीयस्थाने १३४ अङ्कैः पालक्काट्, तृतीयस्थाने ८६अङ्कैः काषिक्कोट् च एरणाकुलम् अनुगछतः।
