Daily Archives: October 21, 2017
उपराष्ट्रपतिः चिकित्सालयात् प्रतिनिवृत्तः
नवदिल्लीस्थे अखिलभारतीय वैद्यकशास्त्रसंस्थाने (AIIMS) ह्यः आकस्मिकचिकित्सार्थं प्रवेशितः उपराष्ट्रपतिः श्री वेङ्कय्य नायिडू अद्य चिकित्सालयात् प्रतिनिवृत्तः। वैद्याः तस्मै आन्जियोग्रां नामिकां शुश्रूषां प्रायच्छन्। अपि च त्रिदिवसीयं विश्रमं तस्मै निरदिशन्। सन्दर्शकाः निरुद्धाः।
ब्राह्मणेतरान् अर्चकत्वेन नियोक्तुं निर्णय एव यथार्थः विप्लवः, कुम्मनम्।
तिरुवितांकूर् देवस्थानाधीनेषु मन्दिरेषु ब्राह्मणेतरान् अर्चकत्वेन नियोक्तुं सर्वकारस्य निर्णयः यथार्थतः विप्लव एवेति भा.ज.पा. दलस्य राज्याध्यक्षः कुम्मनं राजशेखरः अवादीत्। परवूर् जनपदे हिन्दू ऐक्यवेदी इति दलस्य नेतृत्वे कर्मणा ब्राह्मण्यं प्राप्तान् समादृत्य भाषमाणः आसीत् सः। एदत् ऐतिहासिकं मुहूर्तं भवति सममेव अभिमानकरः असामान्यश्च अनुभवः। एतादृशः निमेषः जीवने अपूर्व एवेति स असूचयत्।
आरक्षि-स्मृति-दिवसः।
अद्य अशेषे∫पि देशे आरक्षि-स्मृति-दिवसः आयोजयिष्यते। गृहमन्त्री राजनाथसिंहः आरक्षि-स्मारक-प्राङ्गणे वीरतां गतेभ्यो भटेभ्यः श्रद्धाञ्जलीन् समर्पयिष्यति। ध्यानास्पदं वर्तते यद् गतशताब्द्याः ऊनषष्टितमे वर्षे एतस्मिन्नेव दिनाङ्के चीन-संलग्न-सीम्नि देशरक्षायां लग्नाः दशरक्षिभटाः वीरतां गताः आसन्। तेषामेव स्मृतौ दिवसो∫यं परिपाल्यते।
