Daily Archives: October 11, 2017
अनुपं खेर् – पूणे चलचित्र निकायस्य अध्यक्षः।
विख्यातः चलचित्रनटः अनुपं खेर् महाभागः पूणे चलचित्रनिकायस्य अध्यक्षत्वेन चितः। गजेन्द्र चौहानस्य विरामानन्तरं निकायस्यास्य अध्यक्षस्थाने अधुनैव नियुक्तिः जाता।
पञ्चशताधिकेषु चलचित्रेषु नायक-प्रतिनायक-विदूषकवेषेषु अभिनीय पद्मश्री पद्मभूषण् पुरस्काराभ्याम् अयं सम्मानितः भवति। केन्द्रीय चलचित्रनिरीक्षक समितेः तथा राष्ट्रिय नाटक निकायस्य़ च अध्यक्षश्च अयम् विख्यातः नाटकाभिनेता च भवति।
साम्पत्तिकमान्द्यमवरोद्धुं समितेः अवलोकनम् अद्य।
नवदिल्ली – प्रधानमन्त्रिणो आर्थिक-परामर्श-प्रदानार्थं सद्य संघटिता परिषद् अद्य नवदिल्ल्यां नीत्यायोगभवने इदंप्रथमतया सम्मिलति। भारतीय अर्थव्यवस्थायां साम्प्रतम् अवलोक्यमानं मान्द्यमवरोद्धुं प्रधानमन्त्रिणा श्री नरेन्द्रमोदिना आर्थिक-विषय-विशेषज्ञानां पञ्चसदस्यात्मिका काचन समितिः विगतमासान्ते संघटितासीत्।
