Daily Archives: October 14, 2017
प्रभावर्मा महोदयाय पद्मप्रभापुरस्कारः।
कल्पट्टा- प्रसिद्धः कविः प्रभावर्मा पद्मप्रभापुरस्कारार्थं चितः। अस्मिन् वर्षे वल्लत्तोल् पुरस्कारेणापि अयमादृतः आसीत्। ७५००० रूप्यकाणि पद्मरागखचितं फलकं प्रशस्तिपत्रं च पुरस्कारे अन्तर्भवन्ति। राज्यसभा सदस्यस्य एं.पी. वीरेन्द्रकुमार् महाभागस्य पितुः स्वर्गीयस्य पद्मप्रभा वर्यस्य नामधेये आयोजितो भवत्ययं पुरस्कारः।
केरलस्य धर्मनिरपेक्ष-संस्कृतपठनम् – विचारसभा।
इरिङ्गालक्कुटा – श्री शङ्कराचार्यसंस्कृतसर्वकलाशालायाः साहाय्येन केरलस्य धर्मनिरपेक्ष-संस्कृतपठनमित्यस्मिन् विषये नटवरम्ब् उच्चतरविद्यालये विचारसभा सुसम्पन्ना। डो. एम्.वि. नटेशः कार्यक्रमस्यास्य उद्घाटनं विषयावतरणञ्चाकरोत्। सन्दर्भे∫स्मिन् संस्कृतस्य कृते योगदानं पुरस्कृत्य सि.वि. जोस्, अम्बिका, अरविन्दाक्षप्रभृतयः समादृताः। प्रधानाध्यापिका पि.एम् ऱोसी स्वागतभाषणं, पि.टि.ए अध्यक्षः एम्.के मोहनः अध्यक्षभाषणं, सि.सि. सुरेष् बाबु कृतज्ञताभाषणं च अकुर्वन्।
