Daily Archives: October 17, 2017
शबरिमला विकासपद्धतेः उद्घाटनम्।
शबरिमला विकासपद्धतेः भागत्वेन द्वयोःपद्धत्योः शिलास्थापनं मुख्यमन्त्री पिणरायि विजयः अद्य निरवहत्। पर्यटकानां कृते पुण्यदर्शनम् इति समुच्चयः देवस्थानसमितेः नेतृत्वे निर्मीयमाना जलसम्भरणी च अनयोः पद्धत्योः अन्तर्भवतः। देवस्थानसमीपं प्रचलिते शिलास्थापनसमारोहे मन्त्रिणः श्रीमन्तः कटकंपल्ली सुरेन्द्रः, के. राजू, मात्यू.टि तोमस्, नियमसभासदस्यः राजू एब्रहां देवस्थानसमित्यध्यक्षः प्रयार् गोपालकृष्णः च सन्निहिताः आसन्।
अद्य अखिललोकाायुर्वेददिवसः।
नवदिल्ली – प्रधानमन्त्री नरेन्द्रमोदी राष्ट्रीयायुर्वेद-दिवसावसरे नवदिल्ल्यां सरिताविहारे अखिलभारतीय-आयुर्वेदसंस्थानम् उद्घाटयिष्यति। अखिलभारतीय-आयुर्विज्ञान-संस्थानसदृशम् इदं तावत् प्रथमम् अखिल-भारतीय-आयुर्वेद-संस्थानं स्थापितमस्ति। आयुष् मन्त्रालयस्य अन्तर्गतं यत् स्थापितेन अनेन सर्वोच्चसंस्थानेन आयुर्विज्ञानस्य पारम्परिक-आधुनिक-ज्ञानयोर्मध्ये सहक्रियां विधास्यते।
