Daily Archives: October 3, 2017
अमेरिकायां गोलिकावर्षणम् – ५० मृताः।
लास् वेगस् – अमेरिकायां लास् वागस-स्थे संगीतकार्यक्रमे ह्यो दुरापादिते भीषणे गोलिकावर्षणे न्यूनान्न्यूनाः ऊनषष्टिर्जनाः मृताः, सप्तविशत्यधिकाः पञ्चशतं च क्षताः संजाताः सूच्यन्ते। कश्चन आतङ्कवादी मुक्ताकाशे प्रवर्तमाने संगीतकार्यक्रमे समवेतान् जनान् लक्षीकृत्य सहसा अविरलं गोलिकावर्षणम् आरब्धवान्।
कोच्ची मेट्रो- द्वितीयश्रेण्याः उद्घाटनम् अद्य।
कोच्ची- कोच्ची मेट्रो योजनायाः द्वितीयश्रेणी पालारिवट्टं प्रदेशात् महाराजकलाशाला पर्यन्तं भागः यात्रायै सुसज्जः अभवत्। अस्योद्घाटनम् अद्य प्रातः १०.३० वादने मुख्यमन्त्री श्री पिणरायि विजयः निर्वक्ष्यति। केन्द्रमन्त्री श्री हर्दीप् सिंह पुरी वर्यः, विपक्षदलनेता रमेश् चेन्नित्तला, मन्त्रिणः नियमसभासामाजिकाः महानगरसभाध्यक्षप्रभृतयः सन्निहिताः भविष्यन्ति। जेवहर् लाल् नेह्रु क्रीडाङ्गणे उद्धाटनकार्य़क्रमः अयोजितः।
