कोषिक्कोट्- जनानां जीवनं दुस्सहं कुर्वाणं तैलेन्धनमूल्यम् अद्यापि वर्धापितम्। पेट्रोलस्य ४४ पैसां तथा डीजलस्य ४२ पैसां च अवर्धयत्। दशदिनाभ्यन्तरे पेट्रोल् मूल्यं ९-१५ रूप्यकाणि डीजल् मूल्यं-८-८४ रूप्यकाणि प्रवर्धितानि।

अनेन पेट्रोल् मूल्यं प्रतिलिट्टर् तिरुवनन्तपुरे-११५-५४
कोच्ची-११३-४६
कोषिक्कोट्- ११३-६४
डीजल् मूल्यं तिरुवनन्तपुरम् १०२-२५, कोच्ची १००-४० कोषिक्कोट् १००-५८ च अद्यतनं मूल्यम्।

मृत्तैलस्य मूल्यमपि प्रावर्धयत्। मृत्तैलस्य विहितं ४० शतमितं न्यूनीकृतम्। अपि च अस्य मूल्यं २८ रूप्यकाणि प्रतिलिट्टर् वर्धितं च। अनेन मृत्तैलस्य मूल्यं प्रतिलिट्टर् ८१ रूप्यकाणि जातम्।

मूल्यवर्धनं साधारणजनान् मत्स्यकर्मकरान् च प्रतिकूलतया बाधते इति मत्स्यविभागमन्त्री सजी चेरियान् वर्यः अवदत्।

तिरुवनन्तपुरम्- २०१८-१९ अध्ययनवर्षादारभ्य क्रियान्विता सर्वकारस्य स्वप्नपरियोजना भवति वाचनवसन्तनामिका ग्रन्थालयनवीकरणपद्धतिः। मुख्यमन्त्रिणः शिक्षामन्त्रिणश्च विशेषतात्पर्यानुसारम् अस्मिन् वर्षेपि सर्वकारस्य शतदिनकर्मयोजनायां परिगणय्य १० कोटिरूप्यकाणां व्ययेन पाठशालाग्रन्थालयपरियोजनां प्रवृत्तिपथमानेतुं निर्णयो जातः।

पूर्वं प्रथमवर्षे सर्वकारीय उच्चविद्यालयानां माध्यमिकविद्यालयानां तथा प्रलये ग्रन्थनष्टमापन्नानां निजीयविद्यालयानां च कृते ६ कोटि रूप्यकाणां व्ययेन पुस्तकानि अदात्। द्वितीयवर्षे धनादत्तनिजीय उच्चविद्यालयानां कृते ४ कोटि रूप्यकाणां व्ययेन पुस्तकानि ददौ।

गते वर्षद्वये अनया परियोजनया पुस्तकानि अलभमानानां विद्यालयानां कृते एव अस्मिन् वर्षे पुस्तकानि वितरीतुं निरणयत्।

मलप्पुरम्- केरलेषु मलप्पुरं जिल्लायां कालिकाव् प्राथमिकविद्यालयक्रीडाङ्गणे समायोजितायाम् अखिलभारतीय पादकन्दुकस्पर्धायां (सप्तजनीनम्) दर्शकमञ्जस्य भञ्जनमभवत्। अपघाते क्रीडादरशनार्थमागताः पञ्चाशदधिकाः जनाः रुग्णाः जाताः। रुग्णाः मञ्जेरी वैद्यकीयकलाशालाचिकित्सालयं नीताः। एषु १५ जनाः अतीवगुरुतरावस्थायां सन्ति। शनिवासरे रात्रावेव अपघातो जातः। मञ्जके सीमातीताः जनाः आसन् इति सूचना अस्ति। अष्टशताधिकाः जनाः स्पर्धां द्रष्टुमागता इति निवेद्यते।

मलप्पुरे अतिप्रशस्ता सप्तजनीन-पादकन्दुकप्रतियोगिता भवतीयम्। अत एव अन्तिमचरणप्रतियोगितायां सीमातीताः जनाः समागताः।

गतदिने सञ्जाता वृष्टिः मञ्जकस्य बलक्षये कारणमभवत् इति प्राथमिकी सूचना।

एरणाकुलम्- केरलीय संस्कृतशिक्षाक्षेत्रे श्रद्धेया व्यक्तिः भवति विशिष्टाधिकारिणी डो- टी डी सुनीतीदेवी वर्या। धर्मानुष्ठानमिव स्वकर्म परिगणयन्ती एषा विदुषी केरलीय-संस्कृतछात्राणां शिक्षकाणां च कृते उपकारकाणि बहूनि कार्याणि कृतवती, कुर्वन्ती चास्ति। पञ्चविंशतिवर्षात् पूर्वम् अस्यां पदव्यां नियुक्ता सा स्वकीयैः वैभवै‌ः संस्कृतशिक्षाक्षेत्रे निर्णायकानि परिवर्तनानि समायोजयत्। संस्कृतछात्राणां कृते छात्रवृत्ति परीक्षा, शिक्षकाणां कृते साहित्यरचनाप्रतियोगिता, संभाषणवर्गः इत्यादयः कार्यक्रमेषु केचन सन्ति।

असौ महाशया अगामिनि मेय् मासे वृत्तितः विरमिष्यते। विरामात् पूर्वं एरणाकुले समायोजिते राज्यस्तरीय-संस्कृतसमित्यङ्गानाम् अधिवेशने सा उचितरूपेण उपहृता अभवत्। सार्वजनीनशिक्षानिदेशकः जीवन् बाबूवर्यः तस्यै संस्कृतसमित्यङ्गानाम् उपहारं समार्पयत्। समारोहेस्मिन् राज्यस्तरीयः संस्कृतसमितिकार्यदर्शी एस् श्रीकुमार्, मण्डलस्तरीयकार्यगर्शिनः च सन्निहिताः आसन्।
साहित्यरचनामत्सरे विजेतृणाम् अध्यापकानां कृते उपहारान् साक्ष्यपत्राणि च अस्मिन् समारोहे अदात्।

मोस्को- युक्रेन् राष्ट्रे सुमि,खार्खीव, लिवीव् नगरेषु स्थगितान् भारतीयान् बहिरानेतुं रूस् राष्ट्रेण अल्पकालीनः सङ्घर्षविरामः घोषितः। प्रतिरोधमन्त्रालयं समुद्धृत्य रूस् माध्यमाः एव कार्यमिदम् आवेदयन्। प्रान्तसमयः प्रातः 10 वादने एव सङ्घर्षविरामः घोषितः। प्रथमं मरिया पोल्, वोल्डोक्वो इत्येतयोः नगरयोरेव सङ्घर्षविरामः।

     युद्धं समारभ्य दशमे दिने एव सामयिकः सङ्घर्षविरामः अत्र घोषितः। ओपरेशन् गङ्गा परियोजनाद्वारा गतदिनेषु 25000 परिमिताः भारतीयाः बहिरानीताः। इतः परमपि 2000 पर्यन्तं छात्राः सुमि, खर्खीव इत्येतयोः नगरयोः स्थगिताः सन्ति। रक्षादौत्यं मन्दगतावेव,  सङ्घर्षविरामेनैव तान् बहिरानेतुं  शक्यते इति ह्यस्तने विदेशकार्यमन्त्रालयः असूचयदासीत्।

     रूस् राष्ट्रस्य सहयोगमस्ति चेत् स्थगितान् छात्रान् अनायासेन बहिरानेतुं शक्यते। अनेन सङ्घर्षविरामः सामयिकः अपि तस्मिन्नन्तरे स्थगितान् बहिरानेतुं शक्यत इति भारतस्य प्रतीक्ष।

कीव्स्- युक्रैन् राष्ट्रात् भारतीयानां रक्षाप्रवर्तंनं -ओपरेशन् गङ्गा- प्रगतिं प्राप्नोति। रूमेनिया हङ्गरी इति राष्ट्रद्वयद्वारा 907 भारतीयाः स्वदेशं प्रापिताः। माळ्डोवा द्वारा रक्षाप्रवर्तनाय भारतस्य परिश्रमः अनुवर्तते। पोलऩ्ट् सीमायां भारतीयनयतन्त्रालयः 10 बस्यानं समायोजयत्। पोलन्ट् सीमानमतिक्रान्तेषु 153 भारतीयेषु 80 जनाः केरलीयाः।

मुख्यमन्त्रिणः पिणरायि विजयस्य निर्देशं परिगणय्य एव माळ्डोवा द्वारा रक्षाप्रवर्तनाय चर्चां समारभत। दक्षिणयुक्रैने स्थिताः भारतीयाः  माळडोवाद्वारा स्वदेशगमनाय प्रभवन्तीति गणनायामेव विदेशकार्यमन्त्रालयः। भारतस्य विदेशकार्यमन्त्री जयशङ्कर् वर्यः माळ्डोवा विदेशकार्यमन्त्रिणा सह सम्भाषणं कृतवान्। तथा पोलन्ट् सीमनि स्थगितानां केरलीयानां कार्ये अनिश्चितत्वमवसितम्। 50 छात्राणां पोलन्ट् राष्ट्रं प्रति प्रोशनम् अनुमितम्। यात्रिकाणां सङ्ख्यामनुसृत्य विमानम् आयोजयिष्यतीति विदेशकार्यवक्त्रा निगदितम्।

युक्रैन्- युद्धभीतिभूमिकायां युक्रैन् राष्ट्रे 30 दीवसीया अपातस्थितिः तद्राष्ट्रप्रशासनेन घोषिता। राष्ट्रस्य पश्चिमसीम्नि रूस् राष्ट्रेण अधिकं सैन्यं विन्यस्तं। अस्य उपग्रहदृश्यानि लब्धानि।

 अमेरिक्का युरोपीयराष्ट्राणि च रष्यायाः प्रक्रमे कट्वालोचनाम् आवेदयन्। रष्यां प्रति न कापि समया नास्तीति अमेरिका राष्ट्राध्यक्षः जो बैडन् वर्यः असूचयत्। रष्यायाः सेनासु अशीतिप्रतिशतं युक्रैन् आक्रमणाय सन्नह्यतीति अमेरिका स्फष्ट्यकरोत्।

विश्वमापाततः अपघातम् अभिमुखीकरोतीति ऐक्यराष्ट्रसभा सचिवोत्तमः अन्टोणियो गुट्टरेस् सूचितवान्। नयतन्त्रचर्चार्थं रष्या सदा सन्नद्धा भवति, परं रष्यायाः तात्पर्यहानिकरान् निर्णयान् न स्वीकरिष्यतीति रूस् अध्यक्षः व्लादिमिर् पुटिन् अवदत्। वबुभिः राष्ट्राध्यक्षैः पुटिनेन साकं साक्षात्कारं कृतमस्ति।

कोच्ची- विख्याता कैरलीचलचित्रनटी के पि ए सि ललिता अस्माल्लोकान्निरगात्। सा ७४ वयस्का आसीत्। यकृत् सम्बन्धेन आमयेन पीडिता चिकित्सायामासीत्। पूर्णत्रयीपुरे स्वपुत्रस्य सिद्धार्थ भरतस्य गृहे ह्यस्तने रात्रौ आसीत् मृत्युः।
अद्य प्रातः ८-३० तः ११-३० वादनपर्यन्तम् अस्याः भौतिकदेहं पूर्णत्रयीपुरे लायं वेदिकायां दर्शनार्थं स्थाप्य तदनन्तरं तृशूर् वटक्काञ्चेरी देशे तदीयं भवनं नेष्यति। तत्र सायं संस्कारः भविष्यति।

नाटकाभिनये प्रवीणा ललिता के पि ए सि इति नाटकसङ्घे प्रमुखा आसीत्। तदानीं महेश्वरी इति नाम आसीत्। चलच्चित्ररंगमागता सा स्वनाम ललिता इति परिवर्तिता। अपि च नाटकसंघस्य नाम स्वनाम्नः पूर्वं योजिता च।

चलच्चित्रेषु नाटकेषु दूरदर्शनेषु च निरवधिकानि कथापात्राणि तया सह सजीवानि जातानि। कैरलीप्रेक्षकाणां मनसि अस्याः नाम चिरस्थायि भवति।

तिरुवनन्तपुरम्- विद्यालयेषु प्रथमतः नवमपर्यन्तं वर्गेषु पाठभागान् मार्च् 31 दिनाङ्कं यावत् अध्यापयितुं, तथा तेषां वार्षिकपरीक्षा एप्रिल् प्रथमे सप्ताहे आयोजयितुं च सार्वजनीनशिक्षामन्त्रिणः आध्यक्ष्ये समायोजिते  गुणवत्तावर्धकपद्धत्यधिवेशने निर्णयो जातः। वार्षिकपरीक्षार्थं प्रश्नपत्राणां समायोजनं राज्य-शैक्षिकानुसन्धान-प्रशिक्षणपरिषद् निर्वक्ष्यति।

एस्.एस्.एल्.सि., हयर् सेक्कन्टरि परीक्षातिथौ तथा पाठानां केन्द्रितमेखलासु च परिवर्तनं न भविष्यतीति मन्त्रिणा निगदितम्।

फ्ब्रुवरी 21 तः विद्यालयेषु पूर्णरूपेण प्रवर्तनं भविष्यति। तदर्थं मण्डलाधिकारिणः जि्ला पञ्चायत् अध्यक्षाः इत्येतेषां नेतृत्वे अवलोकनाधिवेशनम् आयोजयिष्यति। 21 आरभ्य आधिजालिककक्ष्या ऐच्छिकरूपेण कर्तुं शक्यते। फिब्रुवरी मार्च् मासयोः शनिवासरे विद्यालयेषु अध्ययनं भविष्यतीत्यपि अधिवेशने सूचना जाता।

तिरुवनन्तपुरम्- कैट् विक्टेर्स् नालिकाद्वारा संप्रेष्यमाणानां कक्ष्याणाम् अनुवर्तनरूपेण दशम-द्वादशकक्ष्ययोः पाठानां कार्यदर्शाय पृथक् श्रव्यसञ्चिका सज्जीकृता अस्ति। तासां प्रकाशनं केरलीय-सार्वजनीनशिक्षामन्त्री वी शिवन्कुट्टिवर्यः निरवहत्।

दशमकक्ष्यायाः सर्वेषां विषयाणां आवर्तनकक्ष्याः दशहोराभ्यन्तरे श्रोतुं शक्याः श्रव्यसञ्चिकाः कैट् जालपुटे लभ्याः भवन्ति। कैट् मुख्यनिर्वहणाधिकारी अन्वर् सादत् वर्यः पद्धत्याः विशदीकरणं कृतवान्।

प्रतिकक्षं सार्धैकहोरा दैर्घ्ययुक्ता द्वादशकक्ष्यायाः वर्गाः अपि फेब्रुवरी २१ आरभ्य लभ्याः भविष्यन्ति। यथा आकाशवाणीं शृण्वन्ति तथा कक्ष्यामपि श्रोतुं छात्राः अनेन शक्नुवन्ति।

Click here….