मलम्पुषा- साहसिकयात्रां कुर्वन् गिरिमध्ये संलग्नं बाबु नामकं युवकं ४० होरापर्यन्तेन कठिनप्रयत्नेन समरक्षयत् भारतीयस्थलसेनासंघः।

४० होरापर्यन्ताम् आशङ्कां दूरीकृत्य बाबुं सुरक्षितस्थानं प्रापयत्। तस्य स्वास्थ्यं संरक्षितुं वैद्यसङ्घेपि सन्नद्धः अस्तीति मुख्यमन्त्री पिणरायि विजयः असूचयत्।

रक्षाप्रवर्तनेषु नेतृत्वे प्रवर्तितान् भारतसेनायाः मद्रास् रजिमेन्ट् सैनिकान्। पारा रजिमन्ट् सैनिकान्, दक्षिणभारतमेखल मुख्यादेशकः लेफ्टनेन्ट् जनरल् अरुण् प्रभृतीन् मुख्यमन्त्री कृतज्ञताम् आवेदयत्।
रक्षाप्रवर्तनेन सहकृतवतां वायुसेनाधिकारिणां, तीरदेशसेनानां, अग्निरक्षासेनानां केरलारक्षिदलानां, देशीयदुरन्तनिवारणसेनानां, वनविभागानां वैद्यकीयसंघानां जनप्रतिनिधीनां च कृते मुख्यमन्त्री कृतज्ञतां व्याहृतवान्।

मुम्बै- भारतस्य गानकोकिलं लतामङ्केष्कर् वर्या कालकबलिता अभवत्। सा ९२ वयस्का आसीत्। चलचित्रपार्श्वगायिका इयं बहुषु भाषासु चलचित्रगीतम् आलापयामास। सङ्गीतस्य कृते प्रायः सर्वे पुरस्काराः अनया अतुल्य प्रतिभया अवाप्ता।

जनुवरी अष्टमे दिनाङ्के कोविड्बाधया सा चिकित्सालयं प्रवेशिता। मुम्बै नगरे निजीयचिकित्सालये अतितीव्रपरिचरणविभागे चिकित्सायां वर्तमानायां तस्यां न्यूमोणिया बाधा अभवत्। अतः स्वास्थ्यावस्था गुरुतरा जाता। अद्य प्रात एव तस्याः देहवियोगः सञ्जातः।

तिरुवनन्तपुरम्- राज्ये कोविड् नियन्त्रणे अधिकं समाश्वासं दातुम् अवलोकनाधिवेशनस्य निर्णयः। कलालयानां प्रवर्तनं सप्तमदिनाङ्कात् प्रभृति, तथा विद्यालयेषु प्रथमतः नवमपर्यन्तं कक्ष्याणां प्रवर्तनं १४ दिनाङ्कात् प्रभृति पुनरारभते।

रविवासरे पिधानसमानं नियन्त्रणम् अनुवर्तते। परं देवालयेषु आराधना अनुमिता। २० जनाः एव आराधनार्थं गन्तुं पारयन्ति।

कोट्टयम् – सर्पं गृहीत्वा पोटले निक्षिप्यमाने वावा सुरेष् इति विख्यातः व्यालग्राही सर्पदंशनेन चिकित्सालयं नीतः। कोट्टयं वैद्यकीयकलालये तीव्रपरिचरणविभागे तं प्रावेशयत्। सोमवासरे सायं चतुर्वादने आसीत् इयं घटना।

चङ्ङनाश्शेरि समीपे कुरिच्चि पञ्चायत् स्थले कस्यांचित् गोशालायं दिनत्रयात् पूर्वमेव सर्पः दृष्टः। सर्पं गृहीतुं तद्देशीयाः बहुयतमानाः अपि सफलतां नापुः। अतः अस्मिन् कार्ये विदग्धं वावा सुरेष् वर्यं न्यमन्त्रयन्। स आगत्य कृष्णशिलान्तराले निहितं सर्पम् अनायासेन गृहीतवान्।  पुनः तं सर्पं पोटले निक्षिप्य नेतुं निश्चिकाय। पोटले निक्षिप्यमाने सर्पः तस्य ऊरुभागे अदशत्। अचिरादेव अबोधावस्थां प्राप्तं  तं चिकित्सालयम् अनयत्।

तिरुवनन्तपुरम्- केरला पोलीस् इति आरक्षिदलस्याधीने समायोजितायां स्टुडन्ट् पोलीस् कैडट् इति पद्धत्यां धर्मपरः वेषः नानुवदनीय इति राज्यसर्वकारः असूचयत्। लिङ्गनिरपेक्षं गणवस्त्रमेव कैडट् छात्राणां वेषः। अस्मिन् धर्मपरः चिह्नः नानुवदनीयः।

हिजाब् तथा दीर्घहस्तनिचोलश्च अनुवदनीयः इति सूचयन्ती काचन छात्रा उच्चन्यायालयं समुपगता आसीत्। वस्तुतेयं परीक्ष्य आवेदनीया इति न्यायालयः सर्वकारं निरदिशत्। अस्य प्रतिवचने एव सर्वकारः स्वकीयं निर्णयमसूचयत्।

तिरुवनन्तपुरम्-  कोविड् तृतीयतरङ्गे शक्ते जाते नियन्त्रणानि पञ्चायत् तले शक्तीकर्तुं मन्त्रिमण्डलाधिवेशने निर्णयो जातः। एतदर्थं पञ्चायत् अध्यक्षाणाम् अधिवेशनम् आयोजनीयमिति मुख्यमन्त्री निरदिशत्। पञ्चायत् तले नियन्त्रितमेखलां समुपस्थाप्य पूर्णपिधानसमं नियन्त्रणानि आयोजयितुमेव समालोचना। अद्य आयोज्यमाने कोविडवलोकनाधिवेशने अन्तिमनिर्णयो भविष्यति। अवश्यसेवामात्रम् अनूद्य पञ्चायत् तले पूर्णपिधानम् आयोज्यते चेत् रोगिणां संख्या नियन्त्रयितुं शक्यते इति मन्त्रिमण्डलाधिवेशनेन कट्वालोचितम्।

तिरुवनन्तपुरम्- विद्यालयेषु कलालयेषु च  दिनत्रयंयावत् छात्राणाम् उपस्थितिः 40 शतमितात् न्यूना चेत् तत्संस्थानं 15 दिनं यावत् पिहितं भवेत्। तादृशसंस्थानानि  कोवि़ड् निकायरूपेण परिगणयितुं च मुख्यमन्त्रिणः पिणरायि विजयन् वर्यस्य आध्यक्ष्ये संविष्टे कोविडवलोकनाधिवेशने निर्णयो जातः। पिहितेषु दिनेषु आधिजालिककक्ष्या भविष्यति।

जिल्लास्तरे  कोविड् व्यापनं निर्णेतुं स्वीकृतं ए.बी.सी.  इति वर्गीकरणं च कुजवासरात् प्रभृति प्राबल्ये भविष्यति। राज्ये कोविड्व्यापनं तथा चिकित्सालयं प्रवेशितानां संख्या च प्रतिदिनं प्रवर्धते इति अधिवेशने सूचितम्।  राज्ये  परिशोधनालयेषु  यावच्छक्यं कोविड् निर्णयपरिशोधना करणीया इति मुख्यमन्त्री निरदिशत्। गृहेषु स्वयं क्रियमाणा परिशोधना कदाचित् विपरीतफलं प्रददाति, तद्वारा रोगसंक्रमणं अधिकमपि भवेत्।

तिरुवनन्तपुरम्- जनुवरी २१ आरभ्य केरलेषु पुनरपि विद्यालयनां विरामो भविता। नवमकक्ष्यापर्यन्तं छात्राः गृहे स्थित्वा आधिजालिकम् अध्ययनं कुर्युः इति मुख्यमन्त्रिणः आध्यक्ष्ये आयोजिते कोविड् अवलोकनाधिवेशने निर्णयो जातः। फिब्रुवरी द्वितीयवारे पुनरवलोकनं भविता।

विद्यालये कोविड् रोगस्य निकायः संदृश्यते चेत् सप्ताहद्वयपर्यन्तं विद्यालयानं पिधानं विधातुं प्रांशुपालेभ्यो अधिकारं दास्यति।

सर्वकारीयकार्यालये कर्म कुर्वन्त्यः अन्तर्वत्यः गृहे एव स्थित्वा कार्यं विधातुं पारयन्ति। सर्वकारीय कार्यक्रमाः सर्वे आधिजालिकरूपेणैव प्रचलिष्यन्ति।

ओमिक्रोणस्य व्यापने स्वास्थ्यविभागः जागरूकतया कार्याणि निर्वहति। १०,११,१२ कक्ष्याः विद्यालयेष्वेव प्रचलिष्यति। तत्रस्थानां छात्राणां कृते निवारकौषधं विद्यालये एव दास्यति। एतदर्थं स्वास्थ्य-शिक्षाविभागौ सहयोगेन कार्यं निर्वहताम् इत्यपि मुख्यमन्त्री निरदिशत्।

तिरुवनन्तपुरम्- केरल-राज्यस्तरीयः संस्कृतदिवससमारोहः २०२२ जनुवरी १८ दिनाङ्के तिरुवनन्तपुरं मणक्काट् सर्वकारीय उच्चविद्यालये सम्पत्स्यते। तद्दिने प्रातः ९-३० वादने केरलीयशिक्षामन्त्री वि-शिवन् कुट्टि वर्यः कार्यक्रमस्य उद्घाटनं निर्वक्ष्यति। संस्कृतसमितेः राज्यस्तरीय-निर्वाहकसमित्यङ्गानि तिरुवनन्तपुरं जिल्लातः उपजिल्लाकार्यकर्तारश्च भागं गृहीष्यन्ते।
कोविड् मानदण्डम् अनुवर्तते इत्यतः अस्मिन् वर्षे कार्यक्रमस्य वैपुल्यं नानुवर्तते। परिमितानि अङ्गान्येव कार्यक्रमे भागं स्वीकरिष्यन्ति। कार्यक्रममिममभिलक्ष्य समायोजिते साहित्यमत्सरे भागं गृहीतानां कृते साक्ष्यपत्राणि पारितोषिकान् च समारोहे वितरिष्यन्ति।
मत्सरे भागं गृहीत्वा सम्मानितानां नामानि एवम्-
समस्यापुरणमत्सरः
प्रथमस्थानम्- रमा टी-के-, टी-डी-एच़्-एस्-एस्- आलप्पुषा।
द्वितीयस्थानम्- श्रीजा -टी-, एच्-एस्- पेरिङ्ङोट्, पालक्काट्।
तृतीयस्थानम्- रमेश् नम्पीशन्, देवतार् एच्०एस० तानूर्।

कवितामत्सरः-
प्रथमः – रम्या पुलियन्नूर्, षेणायी स्मारक एच्०एस्० पय्यन्नूर्-
द्वितीयः-रणजित् के, जि-यु-पि-एस्- वट्टोली, वटकरा।
तृतीयः-ऊर्मिला- जी-यु०पि०एस्० कुट्टूर् कण्णूर्।

ह्रस्वचलचित्रमत्सरः
प्रथमः-अतिजीवनम्- फा० जि-के-एं- एच्-एस्- कणियारम्, वयनाट्।
द्वितीयः-एकं सत् -जी-वी०एच्-एस्- वेल्लनाट्, तिरुवनन्तपुरम्।
तृतीयः-मम सौभाग्यम् -पि-एस्-एन्-एं० यु-पिय स्कूल्, वेलियन्नूर्, नेटुमङ्ङाट्, तिरुवनन्तपुरम्।

ह्रस्वचलचित्रमत्सरे भागं गृहीतानां सर्वेषां विद्यालयानां कृते साक्ष्यपत्राणि दास्यन्ति।

तृशूर्- महाकवेः जि शङ्करक्कुरुप् वर्यस्य स्मरणार्थं गुरुवायूर् न्यासेन समायोजिताय ओटक्कुषल् पुरस्काराय अस्मिन् वर्षे सारा जोसफ् महाभागा अर्हा अभवत्। मातृभूमिः इति साप्ताहिक्यां खण्डशः प्रकाशितं बुधिनि इति नोवल् एव ५१ तमं ओटक्कुषल् पुरस्काराय ताम् अर्हामकरोत्।

३०००० रूप्यकाणि प्रशस्तिपत्रं फलकं च पुरस्कारे अन्तर्भवन्ति। महाकवेः शङ्करक्कुरुप् वर्यस्य ४४ तमे चरमवार्षिके -फिब्रवरि-२ दिनाङ्के डो एं लीलावतीवर्या पुरस्कारं दास्यति।