नवदिल्ली- राष्ट्रे कोविड्  कोविड् प्रतिरोधकौषधस्य उपयोगाय औषधबलाध्यक्षः अनुमतिमदात्। आपातकाले उपयोगायैव अनुमतः। ओक्स्फर्ड् विश्वविद्यालयेन संयोज्य सिरम् इन्स्टिट्यूट् इति संस्थया विकासितं कोविषील्ड् इति निवारकौषधं, तथा भारत् बयोटेक् संस्थया विकासितं कोवाक्सिन् इति निवारकौषधं च एवमनुमतेषु अन्तर्भवतः। सोडस् काडिला इति संस्थायाः सैकोव् -डि इत्यस्य तृतीयचरणपरीक्षणायापि अनुमतिम् अदात्।

     केन्द्रीय-औषधगुणवत्ता नियन्त्रकसंधस्य (शी.डी.एस्.सी.ओ) विषयविशेषज्ञसमितिरेव कोवाक्सिन् इति निवारकस्य आपदि उपयोगाय नियन्त्रणेन सह फलोदयसूचनाम् अदात्। अनया अनुमत्या कोविड् निवारकौषधं वितरणाय सज्जं भवेत्।।

तिरुवनन्तपुरम् –  नूतने वर्षे विद्यालयानां पुनरुद्घाटने प्रथमवारे एकस्मिन् दीर्घपीठिकायाम् एकः छात्रः इति क्रमेण कक्ष्याः क्रमीकर्तुं निर्देशः। छात्राः मिथः द्विमीट्टर् अन्तरे तिष्ठेयुः। एकस्मिन् समये  प्रतिशतं  50 छात्राः एव अनुमिताः भवन्ति।

     रक्षाकर्तृणां सम्मतपत्रेण साकम् आगच्छति चेदेव प्रवेशः कर्तव्यः इति सार्वजनीनशिक्षानिदेशकः मारगनिरदेशे सूचयति। 10,12 वर्गयोः कृते एव कक्ष्या आरभ्यते।

अन्ये मारगनिर्देशाः एवम्-

कक्ष्याप्रकोष्ठानां द्वाराणि, दीर्घोत्पीठिकाः, मार्जन्यः इत्यादीनि द्विहोरान्तरे अणुविमुक्तानि करणीयानि।

300 अधिकं छात्राः 10.12 कक्ष्यासु सन्ति चेत् ताजृशेषु विद्यालयेषु 25 प्रतिशतं छात्राः एव एकस्मिन् समये प्रवेष्टव्याः।

एकत्र स्थित्वा भोजनं न कर्तव्यम्,  भोजनानि, शुद्धजलानि च परस्परविनिमयानि न करणीयीनि।

विद्यालयीययानेषु सुरक्षितान्तरम् अवश्यम्भावि। यानारूढसमये तापमापनम् अवश्यं करणीयम्।

मुखावरणम् अवश्यं धर्तव्यम्।

अवश्यं चेत् छात्राः शिक्षकाश्च स्वास्थयपरिशोधनां कुर्युः।

तिरुवनन्तपुरम्-  मानवजीवनस्य याथार्थ्यतां हृदयस्पृग्रूपेण स्वकवितया आविष्कृतवती कैरल्याः प्रियतमा कवयित्री सुगतकुमारीवर्या नित्यतायां लीना अभवत्। कोविड् विषाणुबाधया तिरुवनन्तपुरे वैद्यकीयकलाशालाचिकित्सालये चिकित्सायामासीत्। अर्धशतकाधिकेन कालेन  स्वकीयकाव्यजीवने अशरणानां आ  श्रयरूपेण स्थिता आसीत् इयं महोदया। अपिच परिस्थिति- जनकीयप्रक्षोभेषु  समरनायिका चासीत्।

     प्रशस्तः कविः स्वतन्त्रतासंग्रामसेनानी बोधेश्वरः, तिरुवनन्तपुरं वनितााकलालये भुतपूर्वसंस्कृतप्राचार्या कार्त्यायनी अम्मा च अस्याः पितरौ। सा 1934 जनुवरी 22 दिनाङ्के भूजाता अभवत्।  तत्त्वशास्त्रे स्नातकोत्तरबिरुदं सम्पादितवती सुगतकुमारी तलिर् इति बालमासिक्याः सम्पादिका, राज्य वनिता आयोगस्य अध्यक्षा, तिरुवनन्तपुरं बालभवनस्य मेधावी चासीत्। परिस्थितिसंरक्षणाय स्वकविताद्वारा निरन्तरं रणं कुर्वती सा अगतीना स्त्रीणां कृते अत्ताणी इति भवनम्, मानसिकरोगिणां कृते परिचरणालयं, अभयग्रामं च संस्थाप्य समाजस्य मुख्यधारायं स्थिता अभवत्।

1961 आरभ्य तस्याः वह्यः कविताः प्रकाशिताः। तेषु प्रथमं मुत्तुच्चिप्पी नामिका भवति। रात्रिमषा इति कविता केन्द्र साहित्य अक्कादम्या पुरस्कृता। साहित्ये समग्रयोगदानं पुरस्कृत्य एषुत्तच्छन् पुरस्कारः. सामाजिकसेवार्थं लक्ष्मीपुरस्कारः,  केरलसाहित्य अक्कादमीपुरस्कारः. वयलार् पुरस्कारः, आशान् पुरस्कारः, ललिताम्बिका अन्त्रजनपुरस्कारः, वल्लत्तोळ् पुरस्कारः, इत्यादिभिः सा बहुमानिता अभवत्।

नवदिल्ली- व्रिट्टन् प्रभृतिषु यूरोपीयराष्ट्रेषु तीव्रव्यापनशीलस्य विषाणोः सान्निध्ये परिभ्रमस्य आवश्यकता नास्तीति  केन्द्रीयस्वास्थ्यमन्त्रालयः। नूतनाः स्थितिगतीः अधिकृत्य गवेषकाः शास्त्रज्ञाश्च अवधानतया निरीक्षन्ते। अत्र भयस्य आवश्यकता नास्तीति स्वास्थ्यमन्त्रालयस्य़ सूचना।

    जनितकव्यतियानं प्राप्ता नूतनविषाणुः व्रिट्टने एव दृष्टाः। अपि च इट्टली, डेन्मार्क्, होलन्ट्, इत्यादिषु यूरोपीय राष्ट्रेषु, दक्षिणाफ्रिक्का, औस्ट्रेलिया  प्रभृतिष्वपि रोगबाधा दृष्टा।

     अस्मिन्नन्तरे लण्टने विषाणुव्यापनकारणात् पुनरपि पिधानं सञ्जातम्। सौदी अरेब्या  स्थल-व्योम-समुद्रसीमाः एकसप्ताहं यावत्  पिधातुं निरणयत्।

कोषिक्कोट्- सौरयूथे गुरुः शनिॆॆश्च बृहत्ग्रहौ भवतः। एतौ एकत्र एकरेखायामिव अवस्थीयेते अद्य। एतद्दृश्यं   सर्वेषां दृष्टिगोचरं भवति। एतयोः सामीप्यं 400 वर्षाभ्यन्तरे महासङ्गमरूपेण अद्यैव सम्भवति। इतः परं 2080 मार्च 15 दिनाङ्के एव एतद्दृश्यं भविष्यतीति विशेषता अस्ति। इतः पूर्वं 1623 तमे वर्षे एव एतौ ग्रहौ समीपमागतौ।

     ज्योतिश्शास्त्रे अयं प्रतिभासः महासङ्गमः इत्युच्यते। नग्ननेत्राभ्यां पश्यति चेत् द्वावपि ग्रहौ परस्परं सम्भूय तिष्ठतीति प्रतीयते। परं यथार्थतः एतौ 75 कोटि किलोममीट्टर् परिमिते दूरे तिष्ठतः। सूर्यास्तमयानन्तरं एतं प्रतिभासं द्रष्टुं शक्यते। गुरुग्रहस्य सूर्यपरिक्रमणकालः 12 वर्षाणि भवति। परं शनिग्रहस्य परिक्रमणाय 30 वर्षाणि अपेक्षितानि। द्वावपि पश्चिमदिशः पूर्वं प्रति परिक्रामतः। अतः प्रति विंशतिवर्षेभ्यः गुरुग्रहः आकाशे शनिग्रहमतिक्रामते।

कोषिक्कोट्- रसना- संस्कृतमासपत्रिकया संस्कृतसंवर्धनप्रतिष्ठानस्य सहयोगेन समायोज्यमाना द्विदिवसीया राष्ट्रियान्त्जालसङ्गोष्ठी अद्य प्रातः दशवादने समारभ्यते।डिसम्बर् १८,१९ दिनाङ्कयोः प्रातः दशवादनात् द्वादशवादनपर्यन्तं  सङ्गोष्ठी प्रचलिष्यति। सूम्  इति अनुप्रयोगद्वारा  भागं स्वीकर्तुं सर्वे संस्कृतानुरागिणः प्रभवन्ति। ते भागं स्वीकृत्य एनम् उद्यमं सफलं कुर्वन्तु इति रसना मासिक्याः प्रबन्धकसम्पादकः के. एम्. जनार्दनवर्यः सूचितवान्। संस्कृतमाध्यमानां नूतनप्रवणताः इति विषये भारतस्य प्रमुखाः संस्कृतपण्डिताः भाषणं करिष्यन्ति। पद्मश्री. च मू कृष्णशास्त्री, वरिष्ठः संस्कृतवार्ता-प्रवाचकः डा. बलदेवानन्द सागरः, सुधर्मा पत्रिकायाः सम्पादकः विद्वान् हेच् वी. नागराजः. महामहोपाध्यायः डा. जी. गङ्गाधरन् नायर् महोदयः, दूरदर्शनस्य वार्तावली कार्यक्रमस्य अवतारकः डा. नारायणदत्त मिश्रः अन्ये विद्वांसः च भागभाजः भविष्यन्ति।

तिरुवनन्तपुरम्- कोविड् जागरूकतां परिपाल्य केरलेषु चरणत्रयेण प्रवृत्तस्य निर्वाचनस्य मतगणना आद्य प्रातः अष्टवादने आरभ्यते। मध्याह्नेन सम्पूर्णं फलं ज्ञातुं शक्यते। निर्वाचितानि अङ्गानि आगामिनि सोमवासरे शपथं गृहीत्वा पदवीं स्वीकरिष्यन्ति।

     प्रादेशिकस्वयंप्रशासनव्यवस्थामनुसृत्य 1199 प्रादेशिकसंस्थासु 21861 निर्वाचनक्षेत्राणि केरलेषु सन्ति। एषप 941 ग्रामपञ्चायत्, 152 व्लोक् पञ्चायत्, 14 जिल्ला पञ्चायत्, 86 नगरसभाः, 6 महानगरसभाश्च भवन्ति। आहत्य 74899 स्थानाशिनः सन्ति। आहत्य 244 मतगणनाकेन्द्राणि सन्ति। एतानि प्रतिमण्डलं दशतः विंशतिपर्यन्तं व्याप्य तिष्ठन्ति।

 वर्कला- अष्टाशीतितमं शिवगिरतीर्वथाटनं  समायोजयितुं सज्जीकरणम् आरब्धम्। कोविड् मानदण्डं परिपाल्यैव अस्मिन् वर्षे तीर्थाटनं भविष्यति। जनसम्मर्दमपहातुं प्रतिदिनं सहस्रपरिमितान् जनानेव प्रवेशयिष्यति।

     डिसम्बर् 30, 31, जनुलरि 1 दिनाङ्केषु अयाथार्थ्यरुपेणैव तीर्थाटनम् आयोजयिष्यति इति शिवगिरिमठाधिकारिणः असूचयन्। पूर्ववत् महासम्मेलनानि कार्यक्रमाश्च अस्मिन् वर्षे न भविष्यति। प्रमुखानां प्रभाषणानि डिसम्बर् 25 आरभ्य शिवगिरि टी.वी. द्वारा सम्प्रेषयिष्यति।

     सम्मर्दन्यूनिकरणस्य भागत्वेन विशेषबस्यान रेलयानसेवाः अस्मिन् वर्षे नायोजयिष्यति। स्नानघट्टादीनि अणुविमुक्तानि करिष्यति इत्यपि अधिकारिणः अब्रुवन्।

नवदिल्ली-  नूतनस्य संसन्मन्दिरस्य शिलान्यासं कर्तुं शक्यते। परं निर्माणम्  अधुना न कर्तव्यम् इति सर्वोच्चन्यायालयः। अधुना स्थितस्य मन्दिरस्य पाटनं वृक्षाणां नाशनं वा न कर्तव्यम् इत्यपि सर्वोच्चन्यायालयः केन्द्रसर्वकाराय निर्देशमदात्। न्यायालयस्य निर्देशः अवश्यं पालयतीति सर्वकारः अवदत्।

     नूतनस्य संसन्मण्डलस्य निरमाणाय 20000 कोटि रूप्यकाणां परियोजनां् विरुध्य समर्पिते आवेदने अन्तिमनिर्णयम् आदम्यमाने मन्दिरनिर्माणप्रवर्तनेन पुरोगच्छन्तः सर्वकारस्य उद्यमे न्यायाधधिपाः अतृप्तिं प्राकटयन्।

     न्यायालयस्य सूचनां स्वीकृत्य सर्वकारस्य प्रवृत्तौ  प्राड्विवाकः सर्वकारस्य कृते खेदं प्राकटयत्। शिलान्यासादृते अन्यानि प्रवर्तनानि अधुना न करिष्यतीति सर्वकारस्य वादं स्वीकृत्य न्यायालय शिलान्यासाय सोपाधिकाम् अनुमतिम् अदात्।