कन्याकुमारि- बुरेवी चक्रवातस्य आशङ्कायां केरलदेशः। अद्य चतुर्षु मण्डलेषु जाग्रतानिर्देशः घोषितः। मध्यकेरले अपि तीव्रवृष्टिर्भविता।

     दक्षिणपूर्व वंगसमुद्रे रूपमापन्नः बुरैवि चक्रवातः ह्यस्तने रात्रावेव श्रीलङ्कातीरं सम्प्राप्ताः। अद्य प्रातः कन्याकुमारीतीरं प्राप्नोतीति प्रवचनमस्ति। पाम्पन् तीरे सम्प्राप्यमाने चक्रवातस्य वेगः प्रतिहोरं 70  तः 80 कि.मी. भविष्यति। केरलेषु तीरमण्डले देशियदुरन्तसेनादलानि विन्यस्तानि। तिरुवनन्तपुरं पत्तनंतिट्टा, कोल्लम्, आलप्पुषा मण्डलेषु रक्तजाग्रता घोषिता।

    जाग्रतानिर्दिष्टमेखलायां जनां बहिः न गच्छेयुरिति सूचना अस्ति।

ब्यूणस् ऐरिस्- पादकन्दुकक्रीडाक्षेत्रे इतिहासतारं डीगो अरमान्डो मारडोणा अन्तरितः। स 60 वयस्कः आसीत्। मस्तिष्के रक्तं घनीभूय अवशतां प्राप्तः स गतदिने शस्त्रक्रियाम् अधिगतवानासीत्। अपि च प्रत्यावर्तिसूचनामपि तस्मिन्नासीत्। मरणकारणं हृदयाघात एव।

     1960 ओक्टोबर् मासे अर्जन्टीना राष्ट्रे ब्यूणस् ऐरिस् स्थले विल्ल फियोरित्तो प्रविश्यायां लानस् जनपदे एव तस्य जन्म अभवत्। नवमे वयसि एव स्व प्रदेशे उत्कृष्टः पादकन्दुकक्रीडकः इति ख्यातिमवाप्तवानयम्।

     2003 पर्यन्तं अर्जन्टीना क्रीडकसंघे अयं वयसा कनिष्ठः आसीत्। 1976 थः 1981 पर्यन्तं 166 प्रतियोगितासु क्रीडयन्नयं 111 लक्ष्यकन्दुकं प्राप्तवान्। विश्वचषकक्रीडायां बहुवारं स अर्जन्टीना राष्ट्रस्य कृते क्रीडाङ्गणं प्रविष्टवान्। 1997 वर्षे स्वकीये जन्मदिने स पादकन्दुकक्रीडाक्षेत्रात् विरराम।

वेल्लिङ्टण्- न्यूसिलान्ट् संसदे चितः भारतवंशजः संस्कृते सत्यशपथमग्रहीत्। गौरव् शर्मा नामकः न्यूसिलाण्ट् संसत्सदस्यः एव गतदिने संसदि संस्कृते शपथं स्वीकृत्य इतिहासपात्रमभवत्। हिमाचलप्रदेशस्थः भवति ३३ वयस्कः गौरव् शर्मा। हामिल्टण् पश्चिमप्रान्तात् लेबर् पार्टीति दलस्य प्रत्याशित्वेन सदस्यत्वमाप।

न्यूसिलान्ट् संसदं प्रति चितः कनिष्ठः सदस्यः इतिरूपेणापि प्रसिद्धिमाप गौरव् शर्मा। न्यूसिलान्टस्य गोत्रवंशीयानां मावोरी इति भाषायामपि केतन शपथम् अग्रहीषुः। संस्कृतं सर्वासां भाषाणां जननीरूपा भाषा इत्यतः शपथग्रहणाय संस्कृतं स्वीकृतवानिति स अब्रवीत्।

वाषिङ्टण्- तृतीयसोपानपरीक्षणं ९५ प्रतिशतं फलप्रदमिति विज्ञाते साहचर्ये कोविड्प्रतिरोधकौषधस्य वितरणं डिसम्बर् मासार्धेन अमेरिक्कायाम् अरप्स्यते इति फैसर् आख्यः औषधनिर्माणसंघः । डिसम्बर् मासार्धेन अमेरिका भक्ष्य-औषध प्रशासकम् औषधवितरणाय अनुमतिं प्रदास्यतीति प्रतीक्षते। फैसर् इति संघस्य जर्मन् सहयोगी बयोण् टक् इत्यस्य मेधावी युगुर् साहिन् वर्यः अवदत्।

परीक्षणे भागं भजितेषु ४३००० सन्नद्धप्रवर्तकेषु केवलं १७० प्रवर्तकानामेव कोविड् बाधा जाता। प्रतिरोधकस्य कार्यक्षमता ९५ प्रतिशतमिति अनेन अवगतम् इति फैसर् संघः सूचयति।

कोल्कत्ता- वंगचलचित्रे विख्यातः नटः  सौमित्र चाट्टर्जी वर्यः कालकबलितः अभववत्। स 85 वयस्कः आसीत्। कोविड् बाधया ओक्टोबर् षष्ठे दिने स चिकित्सालयं नीतः आसीत्। स्व्स्थ्ये सन्निग्धे जाते स तीव्रपरिचरण विभागं नीतः। कोविड् ऋणावस्थां प्राप्तोपि  स मृत्युना अपहृतः।

     सत्यजित् राय वर्येण सह दशकत्रयं यावत् प्रवर्तननिरतः चाट्टर्जीवर्यः वंगचलचित्रे सार्वकालीनः कलाकारः आसीत्। अभिनेता, कविः, लेखकः, निदेशक इत्यादिषु रूपेषु स भारतीयचलचित्रस्य कीर्तिं आविश्वं प्रासारयत्।

     आकाशवाण्यां कर्म कुर्वन् स सत्यजित् राय् वर्येण मैत्रीं सम्पादितवान्। अनेन सौहार्देन स चलचित्ररंगं प्राप्तवान्। सत्यजित् राय वर्यस्य पञ्चजश चलचित्रेषु स नायकः आसीत्।

दुबाय्- नवम्बर् 27 दिनाङ्के आरभमाणाय आस्ट्रेलियापर्यटनाय भारतक्रिक्केट्संघः प्रस्थितः। द्विमासपर्यन्तं आयामं वर्तते भारतस्य आस्ट्रेलियापर्यटनम्। ऐ,पि.एल्. वेलायाम् अवसितायां बयो सेक्यूर् बबिल्तः बहिरागतानि संघाङ्गानि दुबाय्यां सम्मिलितानि आसन्।

     पृथक् वैयक्तिकसुरक्षावस्त्रं धृत्वा तिष्ठतां क्रीडकाणां चित्रं बी.सी.सी.ऐ. संस्थया वहीरानीतम्। आस्ट्रेलियां प्राप्यमाणः संघः प्रथमं सम्पर्करोधने प्रविशति।

     नवम्बर् 27 दिनाङ्के सिड्न्यां प्रथमं एकदिनमत्सरं भविता। आनेन सहैव भारतस्य पर्यटनप्रारम्भ। त्रीणि एकदिनमत्सराणि , त्रीणि 20-20 मत्सराणि, चत्वारि टेस्ट् मत्सराणि च परम्परायां सन्ति।

तिरुवनन्तपुरम्- केरलेषु तद्देशस्वयंप्रशासनस्थापनेषु सामाजिकानां चयनार्थं निर्वाचनस्य समयक्रमः घोषितः। कोविड् मानदण्डमनुसृत्यैव निर्वाचनं भविता। छन्दाकलनाय सोपानत्रयं कल्पितम्।

प्रथमसोपाने तिरुवनन्तपुरम्, कोल्लम्, पत्तनं तिट्टा, आलप्पुषा,इटुक्की मण्डलेषु डिसम्बर् ८ दिनाङ्के निर्वाचनं भविता। द्वितीयसोपाने कोट्टयम्, एरणाकुलम्, तृशूर्, पालक्काट्, वयनाट् मण्डलेषु डिसम्बर् १० दिनाङ्के निर्वाचनं भविष्यति। तृतीयसोपाने मलप्पुरम्, कोषिक्कोट्, कण्णूर्, कासरगोड् इति चतुर्षु मण्डलेषु डिसम्बर् १४ दिनाङ्के निर्वाचनं कल्पितम्। मतगणना डिसम्बर् १६ दिनाङ्के निश्चिता।

कोविड् रोगिणां कृते पत्रालयद्वारा मतदानाय व्यवस्था कल्पिता। कोविड् काले कल्पितं निर्वाचनमित्यतः अस्य निर्वाचनस्य अतीव प्राधान्यमस्ति। निर्वाचनस्य सर्वेषु रङ्गेषु कोविड् मानदण्डः पालनीयः भवति।

निर्वाचनार्थं औद्योगिकं विज्ञापनं नवम्बर् १२ दिनाङ्के भविष्यति। नवम्बर् १२ तः स्थानाशिनः नामनिर्देशं समर्पितुं पारयन्ति। नवम्बर् १९ दिनाङ्के नामनिर्देशनस्य प्रत्यावर्तनाय व्यवस्था अस्ति।

आलूर्/इरिङ्ङालक्कुटा – आजीवं संस्कृतस्य प्रचारकत्वव्रतमापन्न : आलूर चुङ्कन् गृहनाथः श्री. सि.वि. जोस् अल्पमात्र सम्पदः 4 सेन्ट्र भूमिः अङ्गन वाटिकायै समर्पितेति सर्वेषाम् आनन्दाय अलम् । स्वगृहस्य समीपे शिशूनां संरक्षणाय संवर्धनाय च संस्थैका आवश्यकीति समाजस्य अभ्यर्थनां शिरसा वहन्नयं महादानाय सन्नद्धो∫भवत् । माप्राणंं होलिक्रोस् उच्चविद्यालये संस्कृताध्यापकः भवति श्री जोस् महाशयः । ०५-११-२०२० दिनाङ्के स्वगृहसमीपे समायोजितायां लघुसभायां इरिङ्ङालक्कुटा नीयमसभामण्डलं सामाजिकः प्रोफ. के.यु. अरुणन्  महात्मने भूमेः रेखां समार्पयत् । आलूर्  ग्रामपञ्चायत्त्ध्यक्षा श्रीमति सन्ध्या नैसन्, उपाध्यक्षः श्री ए. आर् डेविस् प्रभृतयः  सन्निहिताश्चासन्।

वाषिङ्‍टण्- डी.सी.- अमेरिका प्रशासकनिर्वाचनस्य फलप्रख्यापने पुरोगच्छति सति विजयी भविष्यति चेत् प्रथमं कर्तव्यं स्वयम् उद्घोषयति डमोक्राट्टिक् दलस्य स्थानाशी जो बैडन् वर्यः।

ट्रम्प् वर्यस्य अलीकनिर्णयानां संशोधनं विधास्यतीति बैडन् महोदयः अवदत्। अस्य भागत्वेन पारीस् समयातः प्रत्यावर्तननिर्णयं पुनरालोच्यते इत्यपि तेन निगदितम्। ७७ दिनाभ्यन्तरे पारीस् समया पुनस्स्थाप्यते।

अस्मिन्नन्तरे निर्वाचनस्य विश्वास्यता विनष्टेति रिप्पब्लिक्कन् दलस्य स्थानाशी तथा अधुनातनप्रशासकश्च डोनाल्ट् ट्रम्प् वर्यः अवोचत्। पत्रालयद्वारा आयोजिते मतदाने मृषामतानि अधिकानि इत्यारोप्य ट्रम्प् वर्यः सर्वोच्चन्यायालये व्यवहाराय गतः। अतः अमेरिका निर्वाचनस्य फलप्रख्यापने विलम्बः सुनिश्चितः अभवत्।