Daily Archives: July 31, 2020
अङ्कीयशिक्षारीतिः आराष्ट्रं श्रद्धामावहद् इति मुख्यमन्त्री पिणरायि विजयन् वर्यः l
केरलसर्वकारेण आयोजिता अङ्कीयशिक्षारीतिः आराष्ट्रं श्रद्धामावहद् इति मुख्यमन्त्री पिणरायि विजयन् वर्यः अब्रवीत्। भारते विदूरशिक्षा अभियानमधिकृत्य मानवसंसाधनमन्त्रालयस्य आवेदने आदर्शरूपेण केरलमेव अवातरत् इति तेन निगदितम्। एतत् केरलाय अभिमानास्पदम् इति कोविडवलोकनार्थमायोजिते वार्ताहरमेलने मुख्यमन्त्री अवदत्।
अङ्कीयकक्ष्या जालाधारितप्रवेशनम्, तान्त्रिकविद्याप्रयोगशालाप्रभृतिषु षोडश मानदण्डेषु पञ्चदश केरलेन आर्जितमिति आवेदने सूचितमस्ति। सार्वजनीनविद्यालयेषु जालाधारिककक्ष्या कार्य़क्षमतया प्रचलति, परं निजीयविद्यालयेषु समयक्रमः पुनरायोजनीयः इत्यपि मुख्यमन्त्रिणा सूचितम्।
