Daily Archives: July 10, 2020
एकस्यां दीर्घपीठिकायाम् एकः छात्रः, महाराष्ट्र राज्ये द्वयोः मण्डलयोः विद्यालयाः प्रवर्तनमारब्धाः।
मुम्बै- एकस्मिन् वर्गे १५ छात्राः इति क्रमेण महाराष्ट्र राज्ये विद्यालयाः पुनरुद्घाटिताः। मुखावरणं धृत्वा एकस्मिन् दीर्घासन्दे एकः छात्रः इति क्रमेण द्वयोः मण्डलयोः विद्यालयाः एव प्रवर्तनमारब्धाः। चन्द्रपुर् गाद्चरोलि मण्डलयोः एव विद्यालयाः प्रवर्तनमारब्धाः।
एतयोः मण्डलयोः कोविड् रेगबाधितानां संख्या न्यूना जाता इत्यतः ९,१०,१२ वर्गाणां प्रारम्भाय राज्यशिक्षाविभागः जूण्-१५ दिनाङ्के मार्गनिर्देशमदात्।
जूलै ३१ पर्यन्तं राष्ट्रे विद्यालयाः पिहिताः भवेयुरिति केन्द्रसर्वकारस्य निर्देशमस्ति। तं निर्देशं विरुध्यैव महाराष्ट्रे विद्यालयानां पुनरुद्घाटनाय निर्णयो जातः।
