Daily Archives: April 25, 2018
वर्णच्छत्राणि वानमुत्थितानि। पूराघोषप्रेमिणां मनस्सु उत्साहं पूरयन् त्रिशिवपुरे पूराघोषे छत्रविन्यासः।
तृशूर्-वर्णछत्राणि एकैकक्रमेण वानमुदगच्छत्। पूरप्रेमिणां मनसि अत्युत्साहं जनयन् छत्रविन्यासः। छत्रेषु श्रेष्ठतायै तिरुवम्पाटी पारमेक्काव् देवस्थाने परस्परं स्पर्द्धमाने पूराघोषाय आगतानां जनलक्षाणां मनांसि चोरयन् तेक्किन् काट् स्थलमेकं वर्णोद्यानमभवत्। तदन्तरे अभ्यूहानां विरामं कुर्वन् विस्फोटकवस्तूनां प्रयोगाय अनुमतिं च प्राप। तिरुवम्पाटी पारमेक्काव् देवस्थानयोः एतत्सम्बन्धी निर्देशः दत्तः। श्वः प्रात एव विस्फोटकप्रयोगः। पूर्वम् एतदर्थम् अनुमतिं न लब्धा इत्यतः महान् प्रतिषेधः अवर्तत। अधुना तु सर्वं शुभमभवत्।
केरलेषु माध्यमिकस्तरपर्यन्तं पठन्तेभ्यः छात्रेभ्य निश्शुल्कं गणवस्त्रदानम्। वितरणम् अस्मिन् मासे पूर्णं भविष्यति।
तिरुवनन्तपुरम्- राज्यस्थानां प्राथमिक-माध्यमिकस्तरीयाणां छात्राणां कृते मूल्यस्वीकारं विना गणवस्त्राणि दीयन्ते। एषां वितरणम् अस्मिन् मासे एव पूर्णं भविष्यति। सार्धचतुर्लक्षं छात्राः अस्याः पद्धतेः गुणभोक्तारः भवन्ति।हस्तवेमनिर्मितानि वस्त्राण्येव एतदर्थमुपयुज्यन्ते। विद्यालयाधिष्ठितं वर्णवैविध्यं भवेत् इत्यतः विविधेषु वर्णेषु २३ लक्षं मीट्टर् पटाः हान्टेक्स् हान्वीव् संस्थाभ्याम् एतदर्थं सज्जीकृताः सन्ति। तिरुवनन्तपुरतः एरणाकुलपर्यन्तानां सप्तानां दक्षिणजनपदानां कृते हान्टेक्स् संस्था, इतरेषाम् उत्तरजनपदानां कृते हान्वीव् संस्था च गणवस्त्राणि दातुं सन्नद्धे भवतः।प्रतिछात्रं द्वियुगलं गणवस्त्रं दीयते।
