Daily Archives: April 2, 2018
चीनीयबहिराकाशनिलयः शान्तसमुद्रे अपतत्।
बेय्जिङ् – चीनीयः बहिराकाशनिलयः टियान्गोङ्-१ नष्टनियन्त्रणः सन् दक्षिणशान्तसमुद्रे अपतत्। सोमवासरे प्रातः त्रिवादनकल्पमेव निलयः भूमावपतत् इत्येवानेदनम्। बहिराकाशनिलयः भौमान्तरिक्षे प्रविष्टे आसमन्तात् अग्निसादभवदिति शास्त्रज्ञाः असूचयन्।
सोमवासरे ०.१५ वादने टियान्गोङ्-१ भौमान्तरिक्षं प्राविशदिति चीनीयभौमशास्त्रज्ञाः असूचयन्। भ्रमणपथापग्रथनसङ्केतानुसारं निलयस्य प्रत्यागमनम् अमेरिकाराष्ट्रेणापि स्थिरीकृतमासीत्।
ग्रीष्मविरामकाले विद्यालयेषु कक्ष्याप्रचालनं निरुद्धम्।
तिरुवनन्तपुरम्- ग्रीष्मविरामकाले विद्यालयेषु विशेषकक्ष्याप्रचालनविषये सामान्यशिक्षाविभागस्य जाग्रतानिर्देशः। निर्देशं विरुद्ध्य कक्ष्याप्रचालने यतते चेत् तीक्ष्णः दण्डः भवेदिति शिक्षाविभागः सूचनामदात्।
केचन विद्यालयाः विरामकाले कक्ष्यां प्रचालयन्तीति अनुसूचनयैव शिक्षाविभागस्यायं निर्णयः। सी.बी.एस्.ई. ऐ.सी.एस्.ई. सहितानां सर्वेषां विद्यालयानां बाधको/यं निर्णयः। छात्राःक्रीडायां सामाजिकसम्पर्के च रताः भवेयुः इति विभाव्यैव एवं विज्ञापनं कृतमस्ति।
पूर्वानुमत्या सप्तदिवसीयं शिबिरमायोजयितुं निरोधः नास्तीत्यपि विज्ञापने सूचितम्।
