Daily Archives: April 17, 2018
राष्ट्रे मुद्रादौर्लभ्यं रूक्षम्, स्वयंप्रवृत्तिकोशाः शून्याः, सामान्यजनाः दुरितह्रदे, तात्कालिकमिति अरुण् जेट्ली।
नवदिल्ली- राष्ट्रे धनपत्रदौर्लभ्यं रूक्षमभवत्। स्वयंप्रवृत्तिकोशयन्त्राणि शून्यान्यभवन्। हस्ते मुद्रापत्राभावात् जनाः बहुकष्टमनुभवन्ति। एतस्मिन्नन्तरे एषा स्थितिः तात्कालिकी इति वित्तमन्त्री अरुण् जेट्लीवर्यः अवदत्।
कर्णाटका, महाराष्ट्रा, राजस्थान्, उत्तरप्रदेशं, मध्यप्रदेशं, आन्ध्राप्रदेशं, तेलङ्गाना राज्येष्वेव मुद्रादौर्लभ्यम् अतिरूक्षमनुभूयन्ते। राजधान्यां दिल्यां ए.टी.एम् यन्त्राणि शून्यानि अभवन्निति आवेदनमस्ति। दक्षिणदिल्लीस्थेषु आर्.के.पुरं, कान्पुर् प्रभृतिषु स्थलेषु ए.टी.एम्. यन्त्रेभ्यः मुद्रां स्वीकर्तुं न शक्यते इत्यपि सूचना अस्ति।
