Daily Archives: December 16, 2017
केरला-स्कूल् कलोत्सवस्य अवलोकनसभा सम्पन्ना।
तृश्शिवपुरम् – केरला स्कूल् कलोत्सवस्य सम्यक् चालनार्थं कार्यकर्तृणाम् अवलोकनयोगः मातृका-बालिका-विद्यालयस्य वेदिकायां सुसम्पन्नः। शिक्षामन्त्री प्रॊफ. रवीन्द्रनाथः, कृषिमन्त्री श्री सुनिलकुमारः, सामान्यशिक्षाविभागस्य अध्यक्षः श्री मोहनकुमार् ऐ.ए.एस् प्रभृतयः भागं गृहीतवन्तः। तस्मिन् शिक्षामन्त्रिणा अवोचत् यत् कौमारकलोत्सवः मालिन्यमुक्तः, ललितः, आक्षेपरहितः च भवितव्य इति। कृषिमन्त्रिणा सुनिलकुमारेण निगदितं यत् कलोत्सवः निश्चयेन परिस्थिति-सौहृदपरः (ग्रीन् – क्लीन्)भवितव्यः। अपि च भक्ष्यविभवाः सर्वे कीटनाशिनि-मुक्त-जैवशाकादीनि उपयोक्तव्यानि। योगेfस्मिन् संस्कृतोत्सवस्य उपकर्तृणा श्री विवेकमहदयेन संस्कृतोत्सवस्य विचारसभायाः च कार्यक्रमाः समग्रतया आसूत्रणं कृताः इति प्रख्यापितम्। विचारसभामध्ये नववाणीसंरंभस्य समुद्घाटनं शिक्षामन्त्रिणा करणीयमिति वेदिकायामेव प्रार्थितवानयम्। सामान्यशिक्षाधिकारिणी डो.सुनीतीदेवी प्रभृतयः सन्निहिताः आसन्।
नववाणी संरंभः संस्कृतोत्सव-विचारसभामध्ये विद्याभ्यासमन्त्रिः उद्घाटयिष्यति।
तृश्शूर् – नववाणी – मोबैल् आप् – संरंभः केरला-स्कूल्-कलोत्सवस्य राज्यस्तरीय-संस्कृतविचारसभायाः वेदिकायां केरलशिक्षामन्त्रिणा प्रॊफ. रवीन्द्रनाथमहोदयेन उद्घाटयिष्यते। अयं संरंभः केरलीयानां संस्कृतप्रेमिणां चिरकालाभिलाष एव आसीत्।
केरलेषु प्रप्रथमम् इरिङ्ङालक्कुटा शिक्षामण्डले संस्कृत- अक्कादमिक- समितिः १०-०२-२०१० तमे वर्षे नववाणीनामकस्य संस्कृतजालपुटस्य आरम्भमकरोत्। केरलस्य शिक्षाक्षेत्रेषु संस्कृतपठनपाठनरीतीः आधुनिकीकर्तुं नववाणयाः अनिषेध्यं योगदानमस्ति।
इदानीं नववाणी नामकं मॊबैल् आप् द्वारा संस्कृतविषयकं सर्वमपि कार्यं सर्वेषां कृते कुर्वन् विराजते। तदर्थं सस्कृतलोकः नववाणीं प्रति कृतज्ञप्रकाशकाः भवेयुः।
