Daily Archives: December 13, 2017
ओखी दुरन्ते मृतानां संख्या ६४, प्रत्यभिज्ञां विना ३६ मतशरीराणि।
तिरुवनन्तपुरम् – ओखी दुरन्ते इतः पर्यन्तं ६४ कर्मकराः मृताः इति औद्योगिकी विज्ञप्तिः। बुधवासरे प्रातः विविधजिल्लासु सागरतीरेभ्यः सप्त मृतदेहाः लब्धाः। बेप्पूर् पोन्नानि चेल्लानं प्रभृतिभ्यः तीरेभ्यः एव एते लब्धाः। सागरे मत्स्यबन्धनार्थं गताः कर्मकराः एव मृतदेहान् दृष्टवन्तः। तेषां सूचनानुसारं तीरदेशरक्षिदलम् आगत्य मृतशरीराणि तीरमनयत्।
एतस्मिन्नन्तरे राज्यस्थेषु विविधेषु चिकित्सालयेषु विना प्रत्यभिज्ञानं ३६ मृतदेहाः सन्तीति अधिकृतैः विज्ञापितम्।
सौदि-अरबियाराज्ये चलचित्रनिरोधनस्य समाप्तिः।
सौदि-अरबियादेशेन चलचित्रगृहेषु चिरादारोपितः प्रतिबन्धः सम्प्रति दूरीकृतः। ह्यः एतम्-विषयिणीम् उद्घोषणामाचरिता तत्रत्येन संस्कृति-सूचना-विभागीय-मन्त्रिणा प्रोक्तं यत् चलचित्रगृहेषु चलचित्राणां प्रदर्शनेन देशस्य आर्थिक-विकासो भविष्यति।
