Daily Archives: December 30, 2017
पद्मावती चलनचित्रस्य सोपाधिकम् प्रदर्शनानुमतिपत्रम्।
नवदिल्ली – सञ्जय् लीला बन्सारी वर्यस्य निदेशने निर्मितस्य पद्मावती इति विवादचलनचित्रस्य उपाधीः अनुसृत्य प्रदर्शनानुमतिं दातुं केन्द्रिय अभिवीक्षकमण्डलं निरणयत्। चित्रस्थानि २६ दृश्यानि निष्कासनीयानि। अपि च नाम पद्मावती इत्यस्य स्थाने पद्मावत् इति परिवर्तनीयम्। दीपिका पदुकोण् नायिका तथा रण्वीर् सिंह् नायकश्च भवति अस्मिन् चित्रे। रजपुत्राणां निन्दारूपाणि दृश्यानि परामर्शाश्च सन्ति अस्मिन् चलचित्रे इति विवादमुन्नीय केचन जनाः चलचित्रस्य निदेशकं नायिकानायकौ च विरुद्ध्य प्रक्षोभं कुर्वन्नासीत्। दिनानि यावत् सांस्कृतिकनेतृणां चलचित्रनिरूपकाणां च चर्चायाः कारणमभूदिदम्। दिनद्वयेन अस्मिन् विषये अन्तिमनिर्णयः भविष्यति।
