Daily Archives: December 11, 2017
ओखी दुरन्ते फ्रान्सिस् मार्पापा अन्वशोचत्।
वत्तिक्कान् – ओखी दुरन्ते अनुशोचनम् आशङ्कां च सूचयन् क्रैस्तवानां परमाध्यक्षः फ्रान्सिस् मार्पापा। केरले तमिल् नाटु राज्ये च दुरितमनुभवद्भिः सहैव मम हृदयमपीति मार्पापा वर्यः वत्तिक्कान् नगरे अवोचत्। तिरोभूतानां मत्स्यबन्धनकर्मकराणां परिवारेभ्यः सः स्वकीयं साहाय्यम् आवेदयत्। सेय्न्ट् पीट्टेर्स् चत्वरे प्रार्थनायाः अनन्तरमेव मार्पापा ओखी दुरन्तबाधितान् अन्वस्मरत्।
राजभवनं प्रति मत्स्यबन्धनकर्मकराणां पथसञ्चलनं प्रारभत।
तिरुवनन्तपुरम् – ओखी दुरन्तनिवारणप्रवर्तनेषु केन्द्र-राज्य प्राशासनिकानां दायित्वं फलप्रदं नास्तीति संसूच्य मत्स्यबन्धनकर्मकराणां राजभवनपथसञ्चलनं आनन्तपुर्यां प्रारभत। प्रातः ११.३० वादने लत्तीन् क्रैस्तवीयानां सभाध्यक्षः डो.एं सूसैपाक्यं पथसञ्चलनम् उदघाटयत्। पथसञ्चलने ५०००० अधिकाः कर्मकराः भागं गृहीताः। दुरन्ते तिरोभूतान् कर्मकरान् सपदि गोचरान् कर्तुं सुविधा आयोजनीया, ओखी राष्ट्रियदुरन्तत्वेन परिगणनीया, नष्टमनुभूतान् पुनरधिवस्तुं पद्धतयः आसूत्रणीयाः इत्येवमादयः तेषां चोदनाः।
