बालका बालका मामकप्रिया:
भारतस्य भाविकालवीरपूरुषा:
पाठशाला: घाटिताः वर्णमोहना:
भिन्नवर्णैः लेपिता: कौतुका वहा:।

तत्र तत्र गच्छत मित्रकै: सह
तोषपूर्वं पठत सर्वे संस्कृतं महत्
सुगमरीत्या भवतु यूयं चोत्तमोत्तमाः
भवतु प्रगतिरत्र जीवनेषु सर्व जीविनाम्॥

Vijayan V Pattambi

संस्कृतस्य प्रचाराय
यतमानेषु चाग्रणीः ।
अशोक : कश्चिदासीन्मे
पुरनाट्टुकरास्थले । ।

संस्कृताध्यापक : सो /यं
रामकृष्णकलालये ।
छात्राणां क्षेमलाभाय
चाकरोत्कर्म निर्भयम् ॥

सुरेन्द्रस्य सहाय्येन
कटक्कोट्देशवासिनः ।
केरलेषु स सर्वत्र
चोदयामास संस्कृतम् ॥

स्थितं विभिन्नभागेषु
प्रसृतं गुरूमण्डलम् ।
सूत्रे गुम्फितमालेव
योजयमास केसरी ॥

नाटके भाषणे तस्य
प्रागल्भ्यं बहुविश्रुतम् ।
नाटकानि बहून्येष
विलिख्य रङ्गमानयत्॥

संस्कृतस्य प्रचाराय
मासिकीं काञ्चिदुत्तमाम्
प्राकाशयच्च स धीमान्
त्रिंशद्वर्षमितं ततः ॥

कलोत्सवस्य कालेषु
तत्प्रचालनतत्परः ।
छात्राणां विजयायैव
यतमानश्चादृश्यत॥

अकाले गतवान् स्वर्गं
त्यक्त्वा संस्कृतवाङ्मयम् ।
प्लावयन् तत्सुहृल्लोकं
दुःखसागरवीचिषु ॥

नास्त्यत्र शाश्वतं किञ्चित्
केवलं तु यशः स्मृतम् ।
तस्य स्मृतिदिनं चाद्य
चाल्यते त्रिश्शिवान्तिके ॥

आद्रियन्ते संस्कृतज्ञाः
पुरस्कारश्चदीयते ।
तस्यां शुभवेलायां
शंसये सर्वमड्गलम् ॥

विजयन् वि पट्टाम्पि

जलं हि जीवनं प्राहुः
जीविनां प्राणरक्षकम् ।
जीवने पोषणे चैव
जलमेव प्रधानकम् ॥

न केवलं निदाघे तु
सर्वदा जलजीविनाम् ।
जलमवश्यमित्यस्मात्
जलममृतमुच्यते ॥

जलं सकलजन्तूनां
जीवनाय सहायकम् ।
पिपासाशमकं क्षीरं
क्षीणप्रशमकं सदा ॥

हरिद्वारे च गङ्गायां
गोदवर्यां निलातटे ।
नर्मदायां च कावेर्यां
जलं पावनमेव तत्॥

वृक्षाणां चापि सस्यानां
सर्वेषां प्राणिनां तथा ।
जलमेवानिवार्यं हि
सृष्टि स्थिति प्रवर्धने ॥

पञ्चभूतेषु यत् दिव्यं
प्रथमं सर्वतोमुखम् ।
प्रयुज्यते हि सर्वत्र
सलिलं पुण्यकर्मसु ॥

जलमेव परं धर्म :
जलमेव परं धनम् ।
जलं हि सर्वजन्तूनां
सुखाय परिकल्पितम् ॥

अनुस्मार्य तु प्राधान्यं
नीरस्य हि महाजनै:
आयोजितं दिनं कञ्चित्
जलप्राधान्यहेतुकम् ॥

जलं विना न जीवन्ति
नैके भूमिषु जन्तवः ।
किं पुन : लघुसस्यानि
जलाशयसुजीविनः ॥

सर्वभूतहितं चैतत्
सर्वदेहेषु संस्थितम् ।
जलं हि चौषधं प्राहुः
स्वास्थ्यशास्त्रविशारदाः ॥

ग्रीष्मातपे विषण्णानां
शीतं वारि तु भेषजम् ।
पानेन जायते सर्वे
श्रममुक्ताश्च शीतलाः ॥

असाध्यं जीवितं चात्र
सर्वेषां प्रणिनां तथा
तरुवर्गलतादीनां
तस्मात् रक्ष जलं सदा ॥

व्ययीकृतं जलं सर्वं
पुनरायाति भूतलम् ।
वृष्टिहेतोः तथा कूपात्
जलं नाशविहीनकम् ॥

जलादुदयते लोकः
जलेन वृद्धिमेति च ।
अन्ते जलं बुधाः प्राहुः
विश्वस्य नाशकारणम् ॥

आप : वारि जलं प्राहुः
सलिलं कमलं तथा
पयः कीलालममृतं
जीवनंभुवनं वनम् ॥

कबन्धमुदकं पाथः
पुष्करं सर्वतोमुखम् ।
अम्भोर्णस्तोयपानीय
निरक्षिरम्बुशम्बरम् ॥

ग्रन्थे चामरकोशे तु
दत्तानि च पदानि वै ।
जलनामानि नैकानि
साधूनां बोधनाय हि ॥

Vijayan V Pattambi

नववर्ष शुभाशयाः

नूतनं हि क्रैस्तवीयं वर्षमागतम्
चादरेण स्वागतं व्याहराम भोः ।
जीवनं तु तोषदं सर्वसौख्यदं
शान्तिशक्तिदायकं नित्यहर्षदम् ।।

( . . .नूतनं हि क्रैस्तवीयं . . )

लसतु मानसेषु ते संस्कृते रतिः
भवतु सन्मुखेषु ते भाषणे मतिः
जयतु कर्म तावकं धर्मसंयुतं
हरतु भीति मिश्वरो लोकनायक: ।।
( नूतनं हि क्रैस्तवीयं . . )

संस्कृतं तत् भवतु ते शक्तिरुज्वला
संस्कृतेन भवतु ते भाषणं वरम् ।
संस्कृताय भवतु ते कर्मणः फलम्
संस्कृतेषु स्निह्यतात् तावकं मनः ।।
(नूतनं हि क्रैस्तवीयं . .)

नास्तु ते कदापि भेदभावना
नास्तु कलुषतादिदोषचिन्तनम्
नास्तु सूनृतात्तु भेदचिन्तनं
मास्तु ते कदापि दुष्टसङ्गति : ॥

( नूतनं हि क्रैस्तवीयं . .)

नव्यचिन्ता मानसेषु भासताञ्चिरं
त्यागभाव : तावकेषु वर्धताञ्चिरम् ।
मानवस्य सेवया शेभतां मनः
भवतु वर्ष एव ते सुखद :शीतलः॥
( नूतनं हि क्रैस्तवीयं . . )

Vijayan V Pattambi

जनयित्री प्रसूर्माता
जननी जन्मदा तथा।
अम्बा मातेति नामानि
मातृसम्बन्धकानि वै ॥

यथा सर्वंसहा भूमिः
यथोन्नतहिमाचलम् ।
तथा माता महाधन्या
विशाला चोन्नता वरा ॥

माता तु सर्वथा वन्द्या
माता हि करुणापरा ।
समेषां जीवजालानां
माता तु देवता परा ॥

नाशिका सर्वदुःखानां
सर्वसौख्यप्रदायिनी ।
सदा स्नेहमयी काचित्
गृहदीपसमा सदा ॥

माता पिता गुरुर्दैवं
इत्यस्ति महती प्रथा ।
प्रथमोक्ता प्रथायुक्ता
जननी मम देवता ॥

कारुण्यस्य च त्यागस्य
मूर्तीभूता तपस्विनी ।
सर्वेषां जीवजालानां
माता प्रत्यक्षदेवता ॥

वहनात् गर्भभारस्य
क्षीणा वमनभीषणा ।
सुखेन शयना चापि
सहमाना च वेदनाम् ॥

या तु पाययति स्तन्यं
लालयति तथा पुनः ।
स्नापनं स्वापनं तस्या :
तोषवर्धनहेतुकम् ॥

सर्जने तु महापीडां
वर्धने क्लेशजीवनम् ।
चिन्ताक्लेशस्तु वार्धक्ये
स्वपुत्रोन्नतिहेतुकः ॥

या जीवति परार्थाय
परसौख्यं हि कांक्षते ।
आद्याक्षरप्रदानेन
गुरुणां हि गुरुश्च सा ॥

विना स्वापं विना खेदं
विना स्नानविलेपनम् ।
यया हि जीवनं नीता
पुत्रपौत्रहिताय सा ॥

इहामुत्र तु या पुण्या
भक्त्या हि स्मर्यते सदा ।
आजीवं स्मरणीया मे
देवतां मातरं सदा॥

Vijayan V Pattambi

जननी सर्व भाषाणां

संस्कृतं विश्ववन्दितम् ।

येन वागुच्यते शुद्धं
तं नित्यं प्रणमाम्यहम् ॥

आर्षसंस्कृतिसम्पन्ना
देववाणीति कीर्तिता ।
सा भाषा सर्वतोभद्रा
वेद वेदाङ्गसंयुता ॥

अनृता सरला भद्रा
विमला सर्वमङ्गला ।
ज्ञानविज्ञानसम्पन्ना
देवभाषा हि संस्कृतम् ॥

सर्वशास्त्रार्थसम्पन्ना
विशालकुलसम्भवा ।
पुराणापि नवा हृद्या
सर्वचित्तनिवासिनी ॥

विबुधैराश्रिता वाणी
शास्त्रभाषैव संस्कृतम् ।
कालिदासकवीन्द्रेण
पूजिता नाकसम्मिता ॥

नानार्थपदसम्पन्ना
काव्यालङ्कारसंयुता ।
इतिहासपुराणैश्च
दीव्यमाना सुराङ्गना ॥

यो पठति तां नित्यं
सादरं च सभक्तिकम् ।
तस्मिन् हि जायते शुद्ध –
भाषाज्ञानं सुमङ्गलम् ॥

भाषया भाषते नित्यं
यः पुमान् लिखति तथा ।
तस्मिन् हि जायते स्पष्ट –
सुवागर्थस्य सन्निधिः ॥

साहितीकोमलं शुद्ध –
ज्ञानस्यापि प्रदीपकम् ।
तं वन्दे संस्कृतं सर्व –
विज्ञानस्य पयोनिधिम् ॥

जयतात् देववाणी सा
जयतात् चामरा नवा ।
जयतात् धन्यधन्येयं
देववाणी चिरं भुवि ॥

Vijayan V Pattambi

സംസ്കൃതംശൃണോമ്യഹം

മധുര മോഹനം!സംസ്കൃതം പഠാമ്യഹം
നിത്യസുന്ദരം
സംസ്കൃതം വദാമ്യഹം
സസ്ഫുടാക്ഷരം
സംസ്കൃതം ലിഖാമൃഹം
സ്ഫടികകോമളം !!
(സംസ്കൃതം….)

സംസ്കൃതം വിരാജതേ
വ്യാസസേവിതം
ആദികാവ്യതല്ലജം
ശോകജാമൃതം !
കാളിദാസ പൂജിതം
കാവ്യനിർഭരം
സംസ്കൃതം മഹത്തരം
കർണ്ണികാമൃതം !!
(സംസ്കൃതം…..)

ദിവ്യ ഭാഷാനാമകം
സംസ്കൃതം മഹത്
ദീവ്യതി ചനാരതം
സർവ്വമോദകം !
വർധതേ പ്രവർധതേ
ചിത്തപങ്കജേ
സംസ്കൃതായ സഞ്ചിതാ
ഭക്തി ഭാവനാ
( സംസ്കൃതം….)

ശാസ്ത്രതത്ത്വ നിർഭരം
ചാരു ശോഭനം
സംസ്കൃതം വിരാജതേ
നിത്യനൂതനം!
ഭാനു ബിംബ സമ്മിതം
ശോഭമാനകം
സർവ്വലോകവന്ദിതം
ദേവവാങ്മയം!
(സംസ്കൃതം…..)

സംസ്കൃതായ വന്ദനം
സ്നേഹപൂർവകം
സംസ്കൃതായ സേവനം
കുർമഹേ സദാ
സംസ്കൃതായ ജീവനം
നാകസമ്മിതം
സംസ്കൃതസ്യ വർധനം
കാമയേ സദാ !!
(സംസ്കൃതം..)

വിജയൻ വി പട്ടാമ്പി 

विद्या चारभ्यते ह्यत्र दिनेस्मिन् मङ्गले शुभे।
वाणीस्तुतिपरै : कैश्चित् श्लोका मृतपल्लवैः ॥

श्वेतपद्मासने देवि ! सरस्वति नमोस्तुते ।
शुभ्रवस्रावृते धन्ये वन्दे त्वां कामरूपिणीम् ॥

कुन्देन्दुधवले दीप्ते पूर्णचन्द्रानने शुभे ।
कामाक्षि करुणापूर्णे वाणि !तुभ्यं नमो नमः ॥

वीणावादनसंलग्ने चारुशीले मनोहरे ।
सर्वसिद्धिप्रदे धन्ये वाणि तुभ्यं नमोस्तु ते ॥

सर्वपापहरे देवि सर्वदे ! करुणा परे ।
शब्दार्थसुखबोधाय देवि तुभ्यं नमो नमः ॥

हिमशैलसुते पुण्ये सर्वहृदय वासिनि !
साहित्यामृतकल्लोले ज्ञानवारिधि सन्निभे ॥

कामदे करुणानेत्रे कामरूपे च शैलजे ।
महाशक्ते महापुण्ये जयतात् वरवर्णिनि ॥

सत्यकण्ठप्रदानाय शीलस्य पालनाय च
सौम्ये देवि सदा रक्ष भद्रे पालय पाहि माम् ॥

चरन्तं चन्द्रिकास्वद्य पामरं कुक्कुटोपमम् ।
विज्ञानदीपसाह्येन मां रक्ष भुवनेश्वरि !!

सौवर्णभूषिते देवि सर्वरत्न प्रभूषिते ।
सर्वज्ञे मङ्गले धन्ये रक्ष मां जगदीश्वरि ॥

तिमिरान्धस्य नेत्रस्य यथा शस्त्र क्रिया वरा
तथा सरस्वती पूजा सूक्ष्मशब्दार्थ दर्शिका ॥

नवरात्रेषु तत्पूजा मुख्या च फल दायिका ।
सारस्वतस्य बोधाय पूजेयं कीर्तिता बुधैः ॥

कर्मसाफल्यलामाय . शब्दार्थ बोधनाय च
वन्दे त्वां वरदे धन्ये सुन्दरे हिम शैलेजे ॥

साहित्यरसिके देवि सङ्गीतप्रवरे शुभे
जगताञ्च समस्तानां कुरुतात् मङ्गलं शुभे ॥

देव्यानुग्रहमात्रेण पामर : पण्डिता यते
उन्मीलयति चक्षूंषि देवी भक्त परायणा ॥

साहित्यं चाथ सङ्गीतं वाणीदेण्याः स्तनद्वयम् ।
चिन्तामधुरञ्चैकं चान्यच्छ्रवण चोदकम् ॥

दुष्टनिग्रहलाभाय दुर्गारूप मुपाश्रिते ।
दुष्टान् सर्वांश्च संहत्य शिष्टान् रक्ष महाभुजे ॥

अधर्मस्य निरासाय ह्युग्ररूपं समाश्रिते
धर्मसंस्थापिके देवि ! वन्दे त्वामुग्र मूर्त्तिके ॥

मकुटाभे महामन्त्रे नवलावण्य संयुते ।
साकारे करुणानेत्रे सर्वपापहरे शुभे ॥

कर्मसाफल्यलाभाय सर्वमर्त्य हिताय च
देवि तुभ्यं नमस्कृत्य विद्या चारभ्यते मया ॥

Vijayan V  Pattambi

व्याध्राः नृत्यन्ति सामोदं 

नानावर्णमनोहराः ।

संस्कृता राजधानी तु
शोभते हर्षसागरात् ॥

पीतवर्णाः चलत्पुच्छाः
क्रूरनेत्राः भयानकाः ।
दृष्टास्तु नृत्तनिपुणा :
वेषभूषैश्चालङ्कृताः ॥

असितास्तु महाक्रूराः
वीर्यवन्तश्च सर्वथा ।
दर्शयन्तो महाजिह्वा –
ममन्दं विहरन्ति ते॥

स्त्रीव्याघ्राः बहवस्सन्ति
नृत्यन्त्यः चटुलैः पदैः ।
केरलानां तु चित्तानि
हरन्त्यः वपुषा च ताः

ये ये पश्यन्ति सामोदं
नृत्तं व्याघ्रप्रदर्शितम् ।
ते पतन्ति हि सद्यैव
प्रचलति तोषसागरे ॥

अहोरूपमहोनृत्त –
महो वर्णस्य विस्मयः ।
देवतानुग्रहादेव
जातमेतत्तु दर्शनम् ॥

नन्यत्र दृश्यते सेयं
केलिः मानसहारिका ।
केवलं केरलेष्वैव
विश्रुते माबलिस्थले ।

Vijayan V Pattambi

सर्वेषां जीवजालानां स्वातत्र्यं शक्तिवर्धकम् ।

पारतन्त्र्यं तु मर्त्यानां मरणादपि भीकरम् ॥

बलमुत्तेजकं वस्तु समेषां हि शरीरिणाम् ।
जीवजालानि सर्वाणि स्वातन्त्राल्लभते बलम् ॥

पारतन्त्र्यं न कांक्षन्ते पञ्जर स्थापि पक्षण : ।
केन वा शक्यते ह्यत्र पारतन्त्र्येण जीवितम् ॥

स्वातन्त्र्यं नवपीयूषं स्वातन्त्र्यं जीवनामृतम् ।
सर्वेषां मानवेभ्यस्तु स्वातन्त्र्यं स्वास्थ्यदायकम् ॥

अबला चपला न स्यात् स्वातन्त्यं दीयते यदि ।
स्वतन्त्रा ह्यङ्गना विश्वे हिमशैलसमा श्रुता ॥

नेच्छन्ति बन्धनं कोपि स्वतन्त्र्य मेव कांक्षते ।
सर्वै विहर्तुमिच्छन्ति को वा वाञ्छति बन्धनम् ॥

चिन्तनं समभावेन सोदरत्वेन जीवनम् ।
स्वातन्त्र्येणैव साध्यं तत् मानवानां हितैषिणाम् ॥

पठने च कलारङ्गे स्वातन्त्यं शक्तिवर्धकम् ।
अतो हि गुरुभि : सर्वैःदीयते तु स्वतन्त्रता ॥

बन्धुरबन्धनं नूनं सर्वशक्ति विनाशकम् ।
शुनकश्चालये बद्धो दीनं भषति सर्वदा ॥

प्रयत्नेनैव लभ्यं तत् स्वातन्त्र्यं शक्तिवर्धकम् ।
यत्नं कुरत सर्वेपि रक्षाम स्व स्व जीवनम् ॥

Vijayan V Pattambi