कोषिक्कोट्- शिष्यः पुत्री च सममेव श्रेष्ठतामापन्नस्य सन्तोषे एव श्रीकुमार् वर्यः।

संस्कृतोत्सवे उच्चविद्यालयीयविभागे पाठकावतारकौ भवतः श्रीकुमारस्य शिष्यः एं-एस्- अभिषेकः तथा पुत्री नन्दना श्रीकुमारश्च। तौ विभागेस्मिन् ए ग्रेड् प्राप्तवन्तौ।

कारक्कोणं पि पि एम् उच्चतरविद्यालये अध्यापकः भवति श्रीकुमारः। स छात्रान् पाठकम् अध्यापयन्नस्ति। संस्कृतम् अक्कादमिकसमित्याः राज्यस्तरीयः कार्यदर्शी अपि भवत्ययम्।

केरल सर्वकारस्य आभिमुख्ये प्रचाल्यमानस्य केरल स्कूल् कलोत्सवस्य अङ्गभूतं संस्कृत विचारसत्रं कोषिक्कोट नागर सभामन्दिरे समायोजितम् । कोषिक्कोड नगरसभाध्यक्षा श्रीमती बीना फिलिप् दीपप्रज्वालनं कुर्वती उद्घाटनयत्। पण्डित श्रेष्ठस्य तथा भाषाप्रचारकस्य श्री पट्टयिल् प्रभाकरन् वर्यस्य स्मरणार्थं तस्य गृहाद् एव दोपशिखा प्रज्वालिता । पट्टयिल् प्रभाकस्य पुत्रीहस्तात् कार्यक्रमसमित्याः अध्यक्षेण श्री तोट्टत्तिल् २वीन्द्रेण स्वीकृता दीपशिखा शताधिकै : अध्यापकै : अनुगम्यमाना सभामन्दिरमानीता । तद्दीपात् अग्निमादाय एव मञ्चस्थः दीपः ज्वालितः । लोकसंसदसभाङ्गम् श्री यम् के राधवः मुख्यं भाषणं निरवहत् । केरलानां शिक्षा सचिव : श्री वि शिवन् कुट्टी वर्य : पण्डित समादरणं निरवहत् ।

” संस्कृत भाषा पौराणिका भाषा | कैश्चित् स्वार्थलाभाय भाषामेनां स्वकीयां कर्तुमुत्सहन्ते । संस्कृत भाषांजनकीयां कर्तुं अध्यापकैरेव प्रयत्नः करणीय :” इति शिक्षा सचिवः निरदिशत् ।
पद्मश्री कैतप्रं दामोदर न्नम्पूतिरि योगाचार्यः उण्णि रामन् मास्टर नाटकाचार्यः यम् के सुरेष् बाबू संस्कृत समस्या पूरणचतुरः कल्पत्तुरु नारायणन् मास्टर संस्कृत विशिष्टाधिकारिणी डा .टि डी सुनीति देवी च सभायां बहुमानीताः । सचिवः एतेभ्यः पट्टाम्बराणि प्रमाण पत्राणि च समार्पयत् ।
“कला साहित्यक्षेत्रे संस्कृतस्य योगदानम् “इति विषयमाधारीकृत्य तृप्पू पित्तुरा संस्कृत महाविद्यालय स्य व्याकरणशास्त्राचार्या डा जी ज्योत्स्ना प्रबन्धा वतरण मकरोत् । कालटी श्रीशङ्कर संस्कत सर्वकला शालाया : वेद न्त विभागस्य आचार्य : डा. फ्रान्सीस अर क्कल चर्चा याः क्रमी करण ञ्च कृतवान्। श्री टीके सन्तोष् कुमार , संस्कृतोत्सव सञ्चालक समित्या : अध्यक्षा श्रीमती रेखा , वी के राजेष् , सुधीर यम्, कोषिकोट शिक्षा धिकारी पि के धनेष्, श्री सुनिल , सी पि सनल् चन्द्रन् , सुरेष् बाबू , श्री बिजु काविल् च आशंसां भाषितवन्तः । केरल राज्यस्य विविध प्रान्तेभ्यः समागताः शतशः संस्कृताध्यापका : तत्र सन्निहिताः आसन् ।

सावोपोलोः- ब्रसील पादकन्दुकक्रीडायाम् इतिहासं रचितवान् पेलेवर्यः दिवङ्गतः। सावोपोलो स्थले आल्बर्ट् ऐन्स्टिन् चिकित्सालये आसीत् अस्य अन्त्यम्। सः 82 वयस्कः आसीत्। स्वास्थ्यावस्थाां परिगणय्य एकमासावधिकं कालं चिकित्सालये आसीत्। अर्बुधबाधितः स रासायनिकचिकित्सया अपि विमुक्त्यभावात् सान्त्वनपरिचरविभागे चिकित्सायामासीत्। विश्वपादकन्दुकक्रीडायां ब्रसील् राष्ट्रस्य कृते सर्वाधिकं लक्ष्यकन्दुकम् अनेन सम्पादित्म्। 1958, 1962, 1970 वर्षेषु ब्रसीलस्य विश्वचषकविजये नायकत्वं पेले वर्यस्य आसीत्। आहत्य 92 मत्सरेषु 77 लक्ष्यकन्दुकानि अनेन सम्पादितानि।
1940ओक्टेबर् 13 तमे दिने सावोपोलो स्थले एकस्मिन् निर्धनपरिवारे आसीत् एड्सण् अरान्टेस् दो नासिमेन्टो इति यथार्थनामकस्य पेलेवर्यस्य जन्म। पादकन्दुकक्रीडातः विरतः अयं पादकन्दुकस्थानपतिरूपेण प्रवर्तितवान्।

दोहा- खत्तर् राष्ट्रे प्रचलितायाः विश्वचषक पादकन्दुकक्रीडायाः अन्तिमचरणे फ्रान्स् क्रीडकसंघं ४-२ क्रीडाङ्कैः अभिभावयन् अर्जन्टीना क्रीडकसंघः विजयकिरीटं प्राप। क्रीडार्थं निश्चिते समये संघद्वयमपि द्वौ द्वौ क्रीडाङ्कौ अवाप्य तुल्यतां प्राप्तम्। पुनः अधिकसमयेपि एकैकं क्रीडाङ्कं सम्पाद्य पुनरपि द्वौ संघौ समावस्थां प्रापतुः। अनन्तरं षूट् औट् इति निर्णयरीतिमवलम्ब्य मत्सरः अनुवर्तितः। षूट् औट् क्रीडायाम् अर्जन्टीन चत्वारः क्रीडाङ्कः फ्रान्स् द्वौ क्रीडाङ्कौ च समासादितौ। एवम् अर्जन्टीना मत्सरेस्मिन् विजयपदमवाप।

अर्जन्टीना संघस्य लयणल् मेस्सी उत्कृष्टक्रीडकत्वेन चितः। तस्मै सुवर्णकन्दुकमदात्। विश्वचषकक्रीडायाम् २६ मत्सरे क्रीडितवान् इति ख्यातिरपि मेस्सी स्वायत्तीकृतवान्। अस्मिन् चरणे स सप्त क्रीडाङ्कान् समासादयत्।

फ्रान्स् संघस्य किलियन् एम्बाप्पे मत्सरेस्मिन् अधिकान् क्रीडाङ्कान् स्वायत्तीकृतवान्। अष्टक्रीडाङ्केन स गोल्टन् बूट् पुरस्कारमलभत। स विश्वचषकक्रीडायाम् अन्तिमचरणे महत्तरां क्रीडां प्रादर्शयत्।

दोहा-आवेशभरिते चतुर्थांशमत्सरे लयणल् मेस्सी वर्यस्य अर्जन्टीनाक्रीडकाः पूर्वान्तिमचक्रं प्राविशन्। परं अन्यस्मिन् चतुर्थाँशमत्सरे नेय्मर् वर्यस्य ब्रसील् संघः पराजयं प्राप। नेतर्लान्ट् संघं ४-३ लक्ष्यकन्दुकेन विजित्यैव अर्जन्टीन पूर्वान्तिमचक्रं प्राप। क्रोयेष्या संघं ४-२ लक्ष्यकन्दुकद्वारा ब्रसील् संघं विजित्य च पूर्वान्तिमचक्रं प्राप।

तिरुवनन्तपुरम्- विषिञ्ञं महानौकाश्रयनिर्माणं विरुध्य तीरदेशजनैः १४० दिनपर्यन्तं कृतः प्रक्षोभः प्रत्यावृत्तः। कुजवासरे सायं मुख्यमन्त्रिणा सह चर्चां कृत्वैव अयं निर्णयः स्वीकृतः। नौकाश्रयनिर्माणं स्थगितुं न शक्यते इति सर्वकारः प्रक्षोभकारिणः असूचयत्।

सर्वकारनिर्णयस्य पालनाय मुख्यसचिवस्य नेतृत्वे अवलोकनसमितिः रूपवत्क्रियते इति सर्वकारः तानबोधयत्।

अदानिसंघस्य व्यवहारं बुधवासरे उच्चन्यायालयः परिगणयिष्यतीति पूर्वं सूचितम्। तन्मध्ये एव अधुना समरस्य परिसमाप्तिः अजायत।

तृशूर्- श्रीगोकुलं चलचित्रपताकाभूमिकायां श्रीमता गोगुलं गोपालेन प्रायोजितं डो जि प्रभावर्येण निदेशितं तया इति संस्कृतचलचित्रम् अन्ताराष्ट्रचलचित्रोत्सवे भागं भजते। कोस्टारिक्कायां सान्जोस् अन्ताराष्ट्र चलचित्रोत्सवः, ब्रसीले बस् विष्यस् अन्ताराष्ट्रचलचित्रोत्सवः, ओस्ट्रेलियायां टैटन् चलचित्रोत्सवः, लण्टन् चलचित्रोत्सवः, आफ्रिक्का चलचित्रोत्सवः इत्यादिषु चलचित्रमिदं प्रदर्शयिष्यति।

पूर्वं नेचर्लान्ट् चलचित्रोत्सवेषु चितमिदं चलचित्रम्। भारतेषु कोल्कत्ता, पूणे, दिल्ली इत्यादिस्थलेषु अन्ताराष्ट्रचलचित्रोत्सवार्थमपि चितमासीत्।

केरलीये इतिहासे प्रसिद्धा कुरियेटत्त् तात्री इत्यस्याः जीवनकथा पृथक् वीक्षणकोणे अस्मिन् चलचित्रे अवतार्यते।

कैरलीचलचित्रे प्रसिद्धाः नेटुमुटि वेणु, अनुमोल्, नेल्लियोट् वासुदेवन् प्रभृतयः अभिनेतारः चलचित्रेस्मिन् विविधानि कथापात्राणि अवतारयन्ति।

नवदिल्ली- विद्यालयीयशिक्षणे केरलराज्यं राष्ट्रियश्रेष्ठतामवाप। छात्राणां कृते सङ्गणकं, अन्तर्जालं, प्रोजेक्टर् इत्यादीनां सौविद्यप्रदाने केरलराज्यं श्रेष्ठतामवाप इति केन्द्रीय-शिक्षामन्त्रालयस्य आवेदनम्।

२०२१-२२ वर्षे य-डि-ऐ-एस-इ संस्थायाः अवलोकनावेदने एवायं विषयः सूचितः। विद्यालयेभ्य संगणकयन्त्रप्रदाने ९९.६ शतमितं श्रेष्ठतया पञ्चाबराज्यं प्रथमस्थानमवाप। तद्राज्यं सर्वेभ्यो सर्वकारीणविद्यालयेभ्यो सङ्गणकयन्त्रं प्रादात्। परं सर्वकारीणधनादत्तविद्यालयेभ्भ्यो केवलं ९२.४ शतमितमेव तेषां स्थानम्। तत्र प्रथमस्थानं केरलमवाप।

कोषिक्कोट्- केरलेषु राज्य-विद्यालयीयकलोत्सवः २०२३ जनुवरिमासस्य तृतीयदिनाङ्कात् सप्तमदिनाङ्कं यावत् कोषिक्कोट् नगरे आयोजयिष्यति। वेस्ट् हिल् विक्रं केलिस्थलमेव मुख्या वेदिका भविता। विविधमण्डलस्थेभ्यः विद्यालयेभ्यः १४००० छात्राः कौमारकलाप्रतियोगितासु भागभाजः भवितारः।

१९५६ तमे वर्षे समारब्धः अयं कलोत्सवः एष्याभूखण्डे बृहत्तम‌ः कौमारकलोत्सवः इति विशिष्यते। कोविड् महामारिकारणेन वर्षद्वयपर्यन्तं विराममभवत्। अस्मिन् वर्षे यथाविधि मत्सराः भविष्यन्ति।

इतः पूर्वं २०२० जनुवरिमासे आयोजिते कलोत्सवे पालक्काट् मण्डलं प्रथमस्थानमावहत्।

पावरट्टी – साहित्यदीपिका संस्कृत विद्यालयसंस्थापकस्य संस्कृतप्रणयभाजनस्य पि टी कुरियाक्कुमास्टर् वर्यस्य अनुस्मरणं तन्नाम्नि आयोजितस्य पारितोषिकस्य समर्पणञ्च सुसम्पन्नम् । गुरुवायूर परिसरे समायोजितां सभां

केन्द्रीय संस्कृत सर्वकलाशालाया: वि सी प्रो: श्रीनिवास वरखेडीवर्यः उदघाटयत् । संस्कृत अक्कादमी अध्यक्ष: डा. के टी माधवन् अध्यक्ष पदमलङ्कृतवान् । कोषिक्कोट् सर्वकलाशालायाः संस्कृतविभाग अध्यक्षपदाद् विरताय डो पि नारायणन् नम्पूतिरिमहोदयाय तेन पुरस्कारश्च समर्पितः। 25000 रुप्यकाणि प्रशस्तिपत्रं फलकं च भवति पुरस्का२स्वरूपम्। कालटि श्रीशङ्कराचार्य संस्कृत सर्वकलाशालाया: वि सी  डा एम वी नारायणः मुख्यं भाषणमकरोत् । प्रो. के एल् सेबास्थ्यन् कुरियाककु मास्टर अनुस्मरणप्रभाषणं निरवहत् । डा. पि सी मुरलीमाधवन् गुस्वायूर केन्द्रस्य निदेशक: डा ललित कुमा२ साहु, डा सी टी फ्रान्सीस्, डो एम् वी नटेशन्, गुरुवायूर देवस्वम् अध्यक्षः डा वि के विजयन्, अध्यापकप्रतिनिधयः छात्रप्रतिनिधियश्च भाषितवन्तः ।

पुरनाट्टुकरायां समायोजिता अनुसमरणसभा अन्यूना प्रौढोज्वला चासीत् । प्रतिवर्षम् अनुस्मणं तथा पुरस्कारसमर्पणम् च प्रचलिष्यतीति सङ्घटकाः अवदन् ।