तिरुवनन्तपुरम् – पञ्चदिवसपर्यन्तम् अनन्तपुरीनगरं कलाप्रकटनैः सन्दीप्य कौमारकलायाः यवनिका पतिता। अन्तिमनिमेषं यावत् आकाङ्क्षया पूरयन् तृशूर् मण्डलेन कलाकिरीटम् स्वायत्तीकृतम्।

पालक्काट् मण्डलेन सह अनुनिमिषं प्रतियोध्य एकमङ्कम् अधिकमवाप्य तृशूर् मण्डलं विजयकिरीटम् अधारयत्। २००८ अङ्कमवाप्यैव तृशूर् प्रथमस्थानं प्राप। २००७ अङ्केन पालक्काट् मण्डलं द्वितीयस्थाने वर्तते।

२३ संवत्सरानन्तरमेव तृशूर् पुनः विजयकिरीटमवाप। पूर्वं १९९४, १९९९ वत्सरेषु मण्डलेनानेन प्रथमस्थानमवाप्तमासीत्।