नवदिल्ली- राष्ट्रिय-कायिकक्रीडापुरस्काराः घोषिताः। टेबिल् टेन्नीस् क्रीडकः तथा कोमण् वेल्त् कायिकक्रीडायां सुवर्णपतकजेता च अजन्ता शरत् कमल् वर्यः मेजर् ध्यान् चन्द् पुरस्काराय अर्हः अभवत्। सोमवासरे एव राष्ट्रीय कायिकक्रीडामन्त्रालयः पुरस्कारान् अघोषयत्।

केरलीय क्रीडकौ एच् एस् प्रणोय(बाट्मिन्टन्), एल्दो पोल्(ट्रिप्पिल् जम्प्) इत्येतौ अर्जुनपुरस्काराय अर्हावभवताम्।

भारतीय क्रिक्केट् संघनायकस्य रोहित् शर्मणः परिशीलकाय दिनेश् जवहर् लाट् वर्याय द्रोणाचार्यपुरस्कारं दास्यति। क्रिक्केट् क्रीडार्थं तस्य योगदानं परिगणय्य एवायं पुरस्कारः।

कुरियाकुमास्टर स्मारक पुरस्कार समर्पणं तथा स्मारकप्रभाषणं च अस्य मासस्य 18 तमे दिनाङ्के प्रातः सार्धदश वादने पुरनाटुकरा संस्कृत महाविद्यालयपरिसरे भविता । केन्द्रीय संस्कृत सर्वकलाशाला वैस् चान्सलर प्रोः श्रीनिवास वरखेडी वर्यः पुरस्का२समर्पणं करोति। कोषिक्कोट सर्वकलागला संस्कृतविभागा- ध्यक्षपदवीतः विरतोडा पि नारायणन् नम्पूतिरिः भवति पुरस्कार विजेता। 25000 रुप्यकाणि फलकं प्रशस्तिपत्रञ्च भवति पुरस्कारस्वरूपम् ।
संस्कृतप्रणयभाजनं पि टि कुरियाकु मास्टर पावर्टी संस्कृत महाविद्यालयस्य स्थापकः भवति । संस्कृतपण्डितेन तेन संस्थापितः महाविद्यालय एव अद्य केन्द्रीय संस्कृत सर्वकलाशालात्वेन पुरनाट्टु करायां देदीप्यते । अवसरे चास्मिन् “केरलीय संस्कृतपठनस्य धर्मेतरत्वं सार्वलौकिकत्वम् च ” इति विषय मधिकृत्य कालटि संस्कृत सर्वकला शलाया : वै स् चान्सलर वर्यस्य प्रो एम् वी नारायणस्य भाषणं च भविता । संस्कृत अक्कादमी अध्यक्षस्य के टी माधवस्य आध्यक्ष्ये सभैषा प्रच लि ष्यति । डाः पि सी मुरली माधवन् वर्येण. विशिष्टव्यक्तीनां परिचायनं क्रियते । गुरुवायुरु देवस्वं अध्यक्ष : डा वि के विजयन् महाविद्यालयाध्यक्षः प्रो ललितकुमार साहु छात्रकल्याण समित्याः अध्यक्ष : चन्द्रकान्त गिरिगडे छात्र प्रतिनिधयः मणि रामन ठाकूर सुप्ता पूर्वविद्यार्थी प्रो सी टि फ्रान्सीस् के एल् सेबास्ट्यन् डो .एम् वी नटेश :च तत्र भागं भजन्ते ।

तिरुवनन्तपुरम्- पाठ्यचर्यानवीकरणविषये विद्यालयेषु छात्राणां चर्चा समारब्धा। अस्याः राज्यस्तरीयम् उद्घाटनं भरतन्नूर् उच्चतरविद्यालये शिक्षामन्त्रिणा वि शिवन् कुट्टिवर्येण निर्व्यूढम्।

राज्ये ४८ लक्षं छात्राः तेषां रक्षितारश्च पाठ्यपद्धतिनवीकरणे भागभाजः भविष्यन्ति। एषा प्रक्रिया विश्वे प्रथमतया अत्रैव सम्पद्यते इति मन्त्रिणा निगदितम्।

छात्राणाम् अभिप्रायाः विद्यालयतले बि आर् सि तले च क्रोडीकृत्य राज्य-शैक्षिकानुसन्धान-प्रशिक्षणपरिषदे समर्पयिष्यते इत्यपि तेन निगदितम्।

तृशूर्- केरल संस्कृत अकादमी संस्थया आयोजितं पी टी कुर्याक्कोस् स्मारक वैशिष्ट्य पुरस्कारं अस्मिन् वर्षे डो पि नारायणन् नम्पूतिरिवर्याय दास्यति। संस्कृतपण्डितः, कालिक्कट् विश्वविद्यालयस्य प्राध्यापकचरः तथा विख्यातः लेखकश्च भवति डो- नारायणन् नम्पूतिरिवर्यः। नवम्पर् मासस्य अष्टादशे दिनाङ्के केन्द्रिय संस्कृत विश्वविद्यालयस्य गुरुवायूर् परिसरे पुरस्कारदानं भविता।

कोच्ची-सार्वजनिकविद्यालयानां श्रेष्ठताम् अवतारयितुं हरितविद्यालयं रियालिट्टी षो पुनरपि आयोजयति। तदर्थं आवेदनम् अधुना समर्पयितुं शक्यते। २०२० जूण् प्रथमदिनादारभ्य विद्यालयानां प्रवर्तनम् अवतारयितुं सार्वजनीनविद्यालयाः प्रभवन्ति। कोविड् कालेषु विद्यालयीयप्रवर्तनानाम् अङ्कनमेव लक्ष्यमस्ति।

प्रथम,द्वितीय,तृतीयस्थानमाप्तानां यथाक्रमं २० लक्षं, १५ लक्षं, १० लक्षं रूप्यकाणां पुरस्कारं दास्यति। अन्तिमचरणं प्राप्तानां विद्यालयानां कृते द्विलक्षरूप्यकाणां साहाय्यमस्ति।

नवदिल्ली- राष्ट्रे पञ्चाशत् तमः मुख्यन्यायाधीशः ज- डी वै चन्द्रचूडः भविता। अस्यां पदव्यां चन्द्रचूडं नियुज्य घोषिते आदेशे राष्ट्रपतिना द्रौपदी मुर्मू वर्यया हस्ताक्षरम् अङ्कितम्। विरम्यमाणः मुख्यन्यायाधीशः यु यु ललित् वर्यः ज-चन्द्रचूडं नामनिर्देशं कृतवानासीत्।

नवम्बर् मासस्य अष्टमतिथावेव ज- यु यु ललित् वर्यस्य विरामः भविष्यति। तद्दिने एव ज-चन्द्रचूडः मुख्यन्यायाधीशत्वेन सत्यशपथं ग्रहीष्यति।

नवदिल्ली- राष्ट्रिय-प्रतिभानिर्णय-छात्रवृत्तिं निवर्तयितुं केन्द्रसर्वकारस्य निर्णयः। इतः परं अधिकसूचनां विना आवेदनानि न स्वीक्रियन्ते इति राष्ट्रिय-शैक्षिकानुसन्धान-प्रशिक्षण-परिषदा निगदितम्।

प्रतिवर्षं पादद्वयरूपेण प्रतिभानिर्णयपरीक्षा आयोजिता आसीत्। तद्वारा छात्रवृत्तिः दीयते स्म। लक्षपरिमिताः छात्राः प्रतिवर्षं परीक्षां लिखन्ति स्म। एकादशवर्गादारभ्य विद्यावारिधि(Ph.D) वर्गपर्यन्तं मासिकं छात्रवृत्तिं ददाति स्म।

प्रतिवर्षं २००० छात्राः एवं छात्रवृत्यै अर्हाः अभवन्। ग्रामीणक्षेत्रमभिव्याप्य ऊने वयस्येव प्रतिभासम्पन्नान् अवगन्तुम् उद्दिश्यैव परीक्षा प्रचलिता आसीत्। १९६३ तमे वर्षे आरब्धा भवतीयं परियोजना।

तिरुवनन्तपुरम्- विद्यालयात् अध्ययनयात्रार्थ गम्यमानाः रात्रौ यात्रां न कुर्युः इति पूर्वमेव दत्तः निर्देशः राज्ये सर्वे विद्यालयाः अवश्यं पालयेयुः इति शिक्षा-वृत्तिविभागमन्त्री वी शिवन् कुट्टी वर्यः अवदत्। रात्रौ नववादनात् प्रातः षड्वागनपर्यन्तं यात्रा निषिद्धा आसीत्।

केरलीय पर्यटनविभागस्य अङ्गीकारयुक्तानां पर्यटनप्रायोजकानाम् अनुसूच्यां नामाङ्कितानि यानान्येव अध्ययनयात्रायै उपयोक्तव्यानि इति पूर्वमेव अनुदेशः दत्तः आसीत्। २०२० मार्च् द्वितीये दिनाङ्के सूचिते अनुदेशे समग्ररूपेण निर्देशा‌ः सार्वजनीनशिक्षाविभागेन प्रदत्ताः। सर्वासां यात्राणाम् उत्तरदायित्वं विद्यालयप्राध्यापकानामेवेति तत्र सूचितम्।

अध्ययनयात्राः छात्राणाम् अध्ययनेन सम्बद्धाः भवेयुः। यात्रामधिकृत्य समग्रावबोधः प्रथमाध्यापस्य भवेत्। यात्रासूचिकाः छात्रेभ्योपि देयाः।

अपघातप्राचुर्यं प्रदेशं यात्रार्थं न चिनुयात्। छात्राः शिक्षकाः याननियन्तारश्च मादकवस्तूनि न स्वीकुर्युः। यातायातविभागस्य निर्देशाः अपि पालनीयाः।

तिरुवनन्तपुरम्- सि-पि-एम्- दलस्य पोलिट् ब्यूरो इति उन्नतसमित्याम् अङ्गं, केरलघटकस्य भूतपूर्वः कार्यदर्शी च कोटियेरि बालकृष्णन् वर्यः अन्तरितः। ६९ वयस्कः स चेन्नै अप्पोलो चिकित्सालये शनिवासरे रात्रौ अष्टवादने एव अस्माल्लोकान्निरगात्। अर्बुदरोगग्रस्तः स चिकित्सायामासीत्। स्वास्थ्यावस्थां परिगणय्य दलस्य राज्यस्तरीय कार्यदर्शिपदव्याः विरम्य स विदग्धचिकित्सार्थं चेन्नै नगरं प्राप।

मुख्यमन्त्री पिणरायि विजयन्, राज्य-कार्यदर्शी एं वि गोविन्दन् प्रभृतयः नेतारः कोटियेरि वर्यस्य निर्याणवार्तां श्रुत्वा चेन्नै अप्पोलो चिकित्सालयं प्रापुः। अत एव अद्य आरभमाणं मुख्यमन्त्रिणः यूरोप् पर्यटनं तात्काल्कतया उपेक्ष्तम्।

१६ तमे वयसि मार्क्स् वादी साम्यवादी दले अङ्गत्वं स्वीकृकवान् कोटियेरि वर्यः दलस्यास्य विविधां धुराम् अवहत्। २००६-२०११ काले स केरलस्य गृहमन्त्री आसीत्।

अस्य भौतिकदेहसंस्कारः ओक्टोबर् ३ दिनाङ्के सायं तलश्शेरि कोटियेरि देशे भविता।

चण्डीगड्- राष्ट्रे परमोन्नतः चलच्चित्रपुरस्कारः भवति दादासाहेब् फाल्के पुरस्कारः। विख्याता हिन्दी चलच्चित्रनटी आशा परेख् वर्या अस्मिन् वर्षे अस्मै पुरस्काराय अर्हा अभवत्। भारतीय चलच्चित्रस्य वर्धनाय विकासाय च अनया दत्तं समग्रयोगदानं परिगणय्यैव पुरस्कारः घोषित इति सूचना प्रसारणमन्त्री अनुराग् ठाक्कूर् वर्यः न्यगागीत्। दिल्यां शुक्रवासरे सम्पत्स्यमाने समारोहे राष्ट्रपतिः द्रौपदी मुर्मूवर्या पुरस्कारं दास्यति।

सुवर्णकमलं, उत्तरीयं, दशलक्षं रूप्यकाणि च पुरस्कारे अन्तर्भवति।