टोक्यो- दिनेषु कोरोणाभीत्यां स्थीयमानेषु विश्वस्य प्रतीक्षां प्रदास्यन् टोक्यो ओलिम्पिक्स् क्रीडार्थं भद्रदीपः प्रज्वलितः। कोरोणायां जने पृथक् पृथक् स्थीयमाने विश्वस्य सर्वे प्रतिनिधयः एकस्मिन् स्थले प्रतियोत्स्यन्ति। एकत्वस्य सन्देशोत्तरकः उद्घाटनसमारोहः भारतसमये ४.३० वादने समारब्धः।

जपान् चक्रवर्ती हिरोणोमिया नरूहिता मुख्यातिथिः आसीत्। जपानस्य मध्यमः मुष्टियुद्धकं अरिसा सुबोट्टं पुरस्कृत्यैव समारोहः आरभत।

कोविड् महामार्यां प्राणविऩष्टेभ्यो विश्वस्य विविधभागस्थेभ्यो जनेभ्यो श्रद्धाञजलिं समार्पयत्। ततः जपानीयसंगीतेन साकं आतिथेयराष्ट्रस्य सांस्कृतिकविशेषयुक्ताः कार्यक्रमाः प्रचेलुः।

भारतसंघात् २६ क्रीडकाः उद्घाटनसमारोहे भागं गृहीताः। मुष्टियुद्धिका मेरी कों होक्की क्रीडकः मन्प्रीत् सिंह् च भारतपताकाम् अवहताम्।

नवदिल्ली-  राष्ट्रे 68 प्रतिशतं जनेषु कोविड्विरुद्धाय स्वयंप्रतिरोधकं विद्यते इति सेरो संस्थायाः सर्वेक्षणाभिवेदनम्। त्रिष्वेकं इति क्रमेण अधुनापि जनाः कोविड् भीषाम् अभिमुखीकुर्वन्तीति अभिवेदने अस्ति। चतुर्थे सेरो राष्ट्रियाभिवेदने एवायमावेदनमस्ति।

    स्वयं प्रतिरोधकं वाक्सिनद्वारा रोगबाधाद्वारा वा भवेदिति आवेदने सूचयति। 45 – 60 वयःपरिमितेष्वेव स्वयंप्रतिरोधकम्  अधिकं सूचितम्।  एतत् 77.6 प्रतिशतं भवति। 6-9 वयः परिमितेषु 57.2 प्रतिशतं, 10 -17 वयःपरिमितेषु 61.6 प्रतिशतं च स्वयं प्रतिरोधकम् आर्जितम्। एषु 62.2 प्रतिशतं जनाः वाक्सिनं न स्वीकृतवन्तः भवन्ति। वाक्सिनस्य मात्राद्वयमपि स्वीकृतेषु 13 प्रतिशतमेव जनाः स्वयंप्रतिरोधम् आर्जितवन्तः इत्यपि आवेदनं सूचयति।

इरिङ्ङालक्कुटा – नटवरम्प् उच्चतरविद्यालयस्य शताब्धेः भागत्वेन २०२० जूलै प्रथमदिनादारभ्य ३६५ दिनानि विनाविघ्नं अन्तर्जालमाध्यमद्वारा आयोजित-अनौपचारिक-संस्कृताध्ययनस्य समापनं श्री शङ्कराचार्यसंस्कृतसर्वकलाशालायाः उपकुलपिना श्री धर्मराज् अटाट्ट् वर्येण कृतम्। पि.टि.ए अध्यक्षः श्री ऎम्.ए. अनिलः अध्यक्षभाषणं निरवहत्। डो.एम्.वि नटेशः मुख्यभाषणमकरोत्। प्रथमाध्यापिका श्रीमति बिन्दू, मुख्यकार्यकर्ता श्री सुरेष् बाबू, श्रिमति विजयलक्ष्मी विनयचन्द्रन्, श्री धनेष्, श्री पि.वि. मात्यू, श्री एम् नासरुद्दीन्, श्रीमती मनु पि मणी, श्री के.डि. बिजु, श्रीमति लाली, श्री सि.वि. जोस्, के.के. ताजुद्दीन् वर्याः च भाषणमकुर्वन्।  मुख्यकार्यकर्तृणा श्री सुरेष् बाबु वर्येण आयोजिते∫स्मिन् कार्यक्रमे आहत्य २०० जनाः भागं भजन्ताः आसन्।

तिरुवनन्तपुरम्- २०२०-२१ अध्ययनवर्षस्य एस्.एस्.एल्.सी., टी.एच्.एस्.एल्.सी., ए.एच्.एस्.एल्. सी. परीक्षाणां परिणामः घोषितः। एस्.एस्.एल्.सी. परीक्षायां ९९.६ प्रतिशतं विजयः अस्ति।

कोविड् महामार्याः पश्चात्तले सर्वान् विघ्नान् अतिजीव्य अस्मिन् वर्षे एप्रिल् ८तः २९ पर्यन्तं परीक्षा प्रचलिता आसीत्। केरले, लक्षद्वीपे, गल्फ् मेघलायां च आहत्य २९४७ परीक्षाकेन्द्रेषु ४२२२६ छात्राः परीक्षार्थं पञ्जीकृताः, ४२१८८७ छात्राः परीक्षामलिखन् च। एषु २०६४३७ बालिकाः २१५४५० बालकाश्च भवन्ति। २००३३८ छात्राः मलयालं माध्यमे २१७९९२ छात्राः आङ्गलमाध्यमे २१५८ छात्राः कन्नटमाध्यमे १३९९ छात्राः तमिल् माध्यमे च परीक्षामलिखन्। निजीयविभागे ९९१ छात्राः सन्ति। कृपाङ्कदानं विनैव अस्मिन् वर्षे परीक्षापरिणामः घोषितः।

मलप्पुरम्- कोट्टक्कल् आर्यवैद्यशालायाः प्रबन्धकः तथा विख्यातः भिषग्वरश्च डो. पी.के. वारियर् वर्यः ब्रह्मभूयं प्राप। स १०० वयस्कः आसीत्। वार्धक्यसहजेन आमयेन विश्रामजीविते आसीदयम्। पद्मश्रीपुरस्कारेण आदृतश्चायम्।

मुम्बै- भीमा कोरेगाव् व्यवहारे गृहीत्वा कारागारं नीतः ईशो सभा वैदिकः फा. स्टान् स्वामी वर्यः अस्माल्लोकान्निरगात्। स ८४ वयस्कः आसीत्। अद्य मध्याह्ने मरणं सञ्जातमिति स्टान् स्वामीवर्यस्य अभिभाषकः मुम्बै उच्चन्यायालयं बोधितवान्। तस्य प्रतिभूत्यावेदनं परिगण्यमाने आसीत् मृत्युवृत्तान्तः।

एल्गार् परिषत्तेन सह सम्बन्धमारोप्यैव मनुष्याधिकारप्रवर्तकोयं निगृहीतः। पार्किन्सण् इत्यामयेन पीडितस्य तस्य स्वास्थ्यावस्थां अपरिगणय्यैवासीत् तस्य निग्रहः। २०२० ओक्टूबर् मासतः कारायां बद्धस्यास्य स्वास्थ्यस्थितिः अधिकं सङ्कीर्णा अभवत्।

स्वास्थ्यस्थितिं परिगणय्य मुम्बै उच्चन्यायालयस्य निर्देशानुसारं तं मुम्बैस्थं होलिफामिलि चिकित्सालयं नीतमासीत्। अस्यान्तरे कोविड् बाधा अपि सञ्जाता। चिकित्सामध्ये हृदयाघातेन तस्यावस्था सङ्कीर्णा जाता, अनेन मरणमपि सञ्जातम्।

मैसूरु- मैसूरु नगरात् प्रकाशमानायाः सुधर्मा नामिकायाः संस्कृतदैनिक्याः सम्पादकः के.वी. सम्पत् कुमार् वर्यः दिवङ्गतः। हृदयाघातकारणात् मैसूरुस्थायां वसत्यामेव तस्यान्त्यं सञ्जातम्। स ६४ वयस्कः आसीत्।

संस्कृपत्रिकासम्पादनं परिगणय्य २०२० तमे वर्षे पद्मश्री पुरस्कारेण अयं समादृतः।

१९७० तमे वर्षे स्वपित्रा पण्डित् वरदराज अय्यङ्कार् वर्येण समारब्धा सुधर्मा विश्वे एकमात्रा संस्कृतदैनिकी भवति।

तिरुवनन्तपुरम्- विद्यालयेषु प्रवर्तमानान् ओण्लैन् अध्ययनकार्यक्रमान् फलप्रदान् कर्तुम् अध्यापकप्रशिक्षणेषु परिवर्तनानि आय़ोजयितुम् उद्दिश्यते इति शिक्षामन्त्री वि.शिवन् कुट्टीवर्यः अवदत्। के.एस्.टी.ए. इति अध्यापकसंघस्य  वूट्टिलोरु विद्यालयम्(गृहे एव विद्यालयः) इति पद्धत्याः राज्यस्तरीयम् उद्घाटनम् अङ्कीयोपकरणानां वितरणोद्घाटनं च विधास्यन् भाषमाणः आसीत् मन्त्रिवर्यः।

    सर्वेषां छात्राणाम् आधिजालिककक्ष्यायां भागं गृहीतुं अङ्कीयोपकरणालां लभ्यतायै यतते। अङ्कीयकक्ष्याणां न्यूनता अवगता। अध्यापकस्य छात्राणां च मध्ये मिथः आशयविनिमयम् आवश्यकं तदनुरूपेण अचिरादेव अङ्कीयकक्ष्या सक्षमा स्यात् इत्यपि मन्त्री अवदत्।

तिरुवनन्तपुरम्- विख्यातः केरलीयकविः एस्. रमेशन् नायर् वर्यः कालयवनिकान्तर्गतः। स ७१ वयस्कः आसीत्। कोविड् बाधया चिकित्सायां तिष्ठन्नेव स निरगात्।

१९४८ मेय् ३ दिनाङ्के कन्याकुमारि जिल्लायां कुमारपुरे अयं भूजातः अभवत्। सरयूतीर्थं, अलकनन्द स्वातिमेघं, जन्मपुराणं, सूर्यहृदयं, अग्रे पश्यामि, वनमाला इत्यादि कवितासमाहाराः, नैकानि नाटकानि, बालसाहित्यं, तिरुक्कुरल्, चिलप्पतिकारं इत्यादीनां विवर्तनम्, च भवति महाशयस्यास्य रचनाः। शताधिकानां चलचित्राणां कृते गीतानि च असौ अरचयत्।

पुत्तेषन् पुरस्कारः, कवनकौतुकं पुरस्कारः, गुरु चेङ्ङन्नूर् स्मारक साहित्यपुरस्कारं च अयमलभत।
तिरुक्करल् विवर्तनस्य कृते तिरुवनन्तपुरं तमिल् सङ्घस्य उल्लूर् स्मारक पुरस्कारः, तमिल् नाटु सर्वकारस्य विशिष्टसाहित्यपुरस्कारश्च अनेन अवाप्तः।

कोच्ची- पेशलदूरवाण्याः अभावेन अध्ययनं स्थगितानां छात्राणां कृते स्मार्ट-फोण् दानार्थं विख्यातः चलच्चित्रनटः मम्मूट्टीवर्यः काचन परियोदना समारब्धवान्। गृहेषु विना उपयोगं न्यस्ताः पेशलदूरवाण्यः सञ्चय्य इयं समस्या परिहर्तुं शक्यते इति तेन उक्तम्।

स्मार्ट फोण् विना पठितुमशक्ताः बहवः छात्राः भवेयुः। युष्माकं गृहे अधुना अनुपयुज्यमानाः पेशलदूरवाण्यः, टाब्लट्, अंगसंगणकः इत्यादयः तेभ्यः उपकारप्रदाः स्युः। विश्वे यत्र कुत्रापि स्थित्वा तानि प्रत्यर्पयितुं शक्यन्ते। तानि गुणभोकितृभ्यः प्रापयिष्यति नूनम् इति मम्मूटिट अवदत्।
एतानि स्पीड् आन्ट् सेफ् कोरियर् द्वारा प्रेषयितुं शक्यते। एतदर्थं प्रेषणमूल्यं न दातव्यम्। दातारः मोबैल् केयर् आन्ट् शेयर् कार्यालयं प्रति एतानी प्रेषयेयुः। ततः एतानि अवश्यानुसारं छात्रेषु वितरिष्यति।