केरलीय नम्पूतिरुकुलं बहोः कालात् सवर्णतायाः तद्वारा जातायाः सामाजिकसमस्यायाः च मुद्रणत्वेनैव सूचितम् आसीत्। तदानीं हीनाः अवगणिताः वा जीविताः भवन्ति तत्रस्थानां नारीणाम्।

गृहान्तर्भागे हुतं तासां जीवितं बाह्यलोकः नाजानत्।स्त्रीणां जीवनं सुसम्पन्नं भवेत् इति तीव्रया आशया एव वी.टी. भट्टतिरिप्पाट् प्रभृतयः तत्कुलजाः कुलनवीकरणार्थं परिश्रमं कृतवन्तः आसन्। तात्रिक्कुट्टी इति तत्कुलजा महिला स्मार्तविचारा कल्पिता इति इतिहाससम्भव एव।

नाटकं चलच्चित्रं प्रभृतिषु कलारूपेषु तात्रिक्कुट्टीति महिलायाः जीवनम् आविष्कृतं वर्तते। तस्याः जीवने स्वतन्त्रः व्यत्यस्तश्च वीक्षणकोणः तया इति चलच्चित्रे दृश्यवत्कृतः अस्ति। इतः पर्यन्तं श्रुत्वा पठित्वा च ज्ञातात् तात्रिक्कुट्याः जीवनात् भिन्नं भवति तया इति चलच्चित्रे। स्वबुद्धिसामर्थ्येन कुलान्तर्गतान् नीचान् सा पर्यत्यजत्। तस्याः प्रतिकारचिन्ता न केवलं तस्याः कृते अपि च स्वकुलान्तर्गतानां स्त्रीणां कृते आसीत्। समाजे उन्नतान् इति स्वयं अहंकृतं नम्पूतिरिकुलं स्त्रीणां प्रति सूचितं विवेचनं सामाजिकवैरुध्यमेव । तस्य वैरुध्यस्य मौलिकम् आविष्कारं भवति *तया* इति चलच्चित्रम्।

जी. प्रभा महोदयः कथा, पटकथा सम्भाषणं निदेशनं च निर्वहति। गोकुलं गोपालन् वर्यः निर्माता भवति। नेटुमुटि वेणुः, बाबु नम्पूतिरिः, नेल्लियोट् वासुदेवन् नम्पूतिरिः, दिनेश् पणिक्कर्, अनुमोल्, रेवती सुब्ह्मण्यं प्रभृतयः अभिनेतारश्च भवन्ति।

रुवनन्तपुरम्- अन्तर्जालसेवनदातृभिः सह मुख्यमन्त्रिणः चर्चा अद्य भविष्यति। प्रातः दशवादने आधिजालिकी भवति चर्चा। अङ्कीयशिक्षारंगे जालसंयोगसमस्यां चर्चितुमेव अधिवेशनम्।

अन्तर्जालस्य वेगसमस्या भूरिशान् छात्रान् बाधते इति विविधेभ्यः निरीक्षणेभ्यः व्यक्तं भवति स्म। ग्रामीणक्षेत्रे गिरिवर्गक्षेत्रे च एषा समस्या अधिका इत्य़तः अधुना परिहारार्थम् अधिवेशनम् आयोजयति।

सर्वेभ्यो आन्तरजालसंयोगे लब्धे एव आधिजालिकाध्ययनं प्रति पूर्णतया प्रवेशनं भविता इति सर्वकारः असूचयत्। छात्राणाम् अध्ययनाय आवश्यकी अन्तर्जालसुविधा न्यूनशुल्कं निश्शुल्कं वा प्रदेयमिति सर्वकारस्य अभ्यर्थनायमपि अद्य निर्णयः भविष्यतीति सूच्यते।

नवदिल्ली- राष्ट्रे प्रतिरोधकौषधनयः परिवर्त्यते इति प्रधानमन्त्रिणा उक्तम्। एतदनुसारं १८ वयसः ऊर्धं सर्वेभ्यो निःशुल्कं प्रतिरोधकौषधं दीयते। एष प्रक्रमः जूण् २१ दिनाङ्के आरब्स्यते। विदेशेभ्यो वाक्सिन् स्वीकृत्य केन्द्रसर्वकारः राज्येभ्यो निःशुल्कं दीयते इत्यपि प्रधानमन्त्रिणा निगदितम्।

२५ प्रतिशतं वाक्सिन् निजीय चिकित्सालयेभ्यः दीयते। एतत् राज्यसर्वकाराणां निरीक्षणे एव स्यात्। ७५प्रतिशतं वाक्सिन् केन्द्रसर्वकारस्य निरीक्षणे राज्येभ्यो वितीर्यते।

गत शतकाभ्यन्तरे राष्ट्रे समापन्ना महाविपत् भवति कोविड् १९। अस्माकं राष्ट्रं एकमनस्कया तां महामारीं प्रतिरोद्धुं उत्सहते इति मोदीवर्यैण सूचितम्। रोगस्यास्य द्वितीयतरङ्गे प्राणवायोः दौर्लभ्यं परिहर्तुं वयं सक्षमाः आसन्।

कोविड् महामारीं नियन्त्रयितुम् उत्तमोपायं भवति कोविड् मानदण्डानां पालनम्। कोविडं प्रतिरोद्धुं सुरक्षाकवचं भवति वाक्सिन्। विश्वे जनानाम् आनुपातिकत्वेन वाक्सिन् नोत्पाद्यते। यदि वयं वाक्सिन् उत्पादने प्रवृत्ताः नाभविष्यत् तर्हि राष्ट्रस्य स्थितिः दयनीया अभविष्यत् इत्यपि तेन उक्तम्।

बालानां कृते पृथक् वाक्सिनस्य निर्माणं पुरो गच्छतीत्यपि प्रधानमन्त्रिणा राष्ट्रमभ्संबुध्य अवदत्।

तृशूर्- जालाधारित(ओण्लैन्)कक्ष्यासु अन्तर्जालदत्तसामग्री उपभोगःअधिकः इत्यतः रक्षितारः क्लेशमनुभवन्ति। तत्परिहारार्थं बी.एस्.एन्.एल्. इति संस्था उपायमन्विष्यति। छात्राणां कृते विशेषाचयरूपेण अधिकदत्तांशदानम् लक्ष्यीकृत्य संस्थायाः केरलघटकः दिल्लीस्थं समामेलनकार्यालयं प्रति निर्देशरूपं पत्रं प्रैषयत्।

ओण्लैन् शिक्षारंगे केरलानाम् प्रामाण्यम् अभिनन्दनार्ह एव, तत् प्रोत्साहयितुं भारत-सञ्चार-निगमः सदा सहैव स्थास्यतीति केरलघटकस्य मुख्यप्रबन्धकः विनोद् वर्यः अवदत्।
छात्रेषु जङ्गमदूरवाण्यां दत्तांशम् उपभोक्तुकामानां तथा FTTH इति सङ्केतद्वारा दत्तांशमुपभोक्तुकामानाञ्च गुणप्रदरूपेणैव परियोजनांं विदधाति। छात्राणां कृते पृथक् आचयरूपेणैव एष निर्देशः भविष्यति।

अधुना दत्तांशस्य पुनःपूरणेन प्रतिदिनं होराद्वयपर्यन्तमपि ओण्लैन् कक्ष्याप्रवेशः असाध्यः इत्यतः रक्षाकर्तारः छात्राश्च महान्तं क्लेशमनुभवन्ति। तस्यपरिहारं अचिरेण साध्यं भविष्यतीति अनेन प्रत्याशा भवति।

केरल-संस्कृताध्यापक-फेडरेशन् इति शिक्षकसंघस्य सर्वकारीयविभागे महासचिवः तथा कोल्लं कुलत्तूपुषा सर्वकारीण-उच्चतरविद्यालये अध्यापकश्च श्रीमान् पी.जी. अजित् प्रसाद् वर्यः कालयवनिकामगात्। कोविड् बाधया एकस्मिन् निजीय चिकित्सालये चिकित्सायामासीत्।

संस्कृतभाषायाः कृते जीवन् स आजीवं संस्कृतप्रचारणे, संस्कृताध्यापकानां समस्यादूरीकरणे च बद्धश्रद्धः आसीत्। संघस्य सचिव इत्यतः सर्वकाराधिकारिभिः नितरां सम्पर्केण स संस्कृतक्षेत्रे अविस्मरणीयः अभवत्। शास्तांकोट्टा डी.बी. कलालयात् स्नातकोत्तरबिरुदं सम्पाद्य स संस्कृतशिक्षकक्षेत्रं प्रविष्टवान्। संस्कृतपाठपुस्तकसंरचनायां स भागभागभवत्। कैट् विक्टेस् नालिकाद्वारा संस्कृतपाठस्य संप्रेषणाय नितरां स प्रयतितवान्। तस्य देहवियोगः संस्कृतक्षेत्रे महानष्ट एव।
महाशयस्यास्य निर्याणे नववाणीसंघस्य अनुशोचनम् अर्पयामः।

नवदिल्ली- भारते श्रद्देयः परिस्थितिप्रवर्तकः तथा चिप्को आन्दोलनस्य नायकः, अहिंसा सत्यग्रहः इत्यादीनां गान्धीचिन्तानाम् अनुकर्ता च सुन्दर् लाल् बहुगुण वर्यः कालयवनिकामगात्।

हिमालयसानुषु वनसंरक्षणार्थं बहुकालं स रणमकरोत्। चिप्को आन्दोलनद्वारा जनैः सह आराष्ट्रं परिस्थितिसमस्याविषये प्रक्षोभकार्यक्रमान् व्यतनोत्। वननशीकरणं, जलबन्धः, भूखननं इत्यादि विषये आसीत् तस्यवप्रक्षोभः।

२००९ तमे वर्षे पद्मविभूषण् पुरस्कारेण राष्ट्रं तम् अभ्यनन्दयत्। कोविड् बाधया ऋषिकेशे आसीत् तस्य मृत्युः।

तिरुवनन्तपुरम्- केरले पिणरायि विजयन् वर्यस्य नेतृत्वे वामपक्षीय-लोकतान्त्रिक-मोर्चा सर्वकारः अद्य सायं ३.०० वादने सत्यशपथं गृहीष्यति। आहत्य २१ मन्त्रिणः भविष्यति। सी.पि.एम्. दलस्य १२, सी.पि.ऐ. दलस्य ४, जनता दल् -एस् -१, केरला कोण्ग्रस्- माणि विभागः -१, एन्.सी.पि-१, लोकतन्त्र केरल कोण्ग्रस्-१, ऐ.एन्.एल्-१ इत्येवं मन्त्रिणां दलक्रमः।

केरलेषु ऐदम्प्राथम्येनैव एकस्या‌ः मोर्चायाः नेतृत्वे कालपरिधिं समाप्य अनुस्यूतप्रशासनं भवति। अत एव मुथ्यमन्त्रिमतिरिच्य न कोपि जनः पूर्वस्मात् मन्त्रिमण्डलात् स्वीकृतः। पूर्वस्मिन् मन्त्रिमण्डले स्थिताः चत्वारः संसदीयः पुनरपि सदस्यत्वेन चिताः आसीत्। निर्वाचनेपि प्रतियोगिनः अधिकाः नूतनाः आसन्।

कोविड् व्यापनहेतोः राज्य सर्वत्र सम्पूर्णपिधानं घोषितमस्ति। विशिष्य राजधान्यां पिधानं त्रिगुणीकृतमप्यस्ति। तथापि परिमितानाम् अङ्गानां सान्निध्ये सेन्ट्रल् स्टेडियं मध्ये सर्वेषां नियुक्तमन्त्रिणां सत्यशपथम् अद्य भविष्यति।

जनीव- बालेभ्यो दातुं संभृतं कोविड् प्रतिरोधकं दरिद्रराष्ट्रेभ्यः दातव्यमिति सम्पन्नराष्ट्रं प्रति विश्व-स्वास्थ्य-संस्था। प्रतिरोधकौषधस्य भूरिभागं स्वायत्तीकृतेषु सम्पन्नराष्ट्रेषु अपघातसाध्यतारहितेभ्यो जनेभ्योपि प्रतिरोधकौषधं दत्तम्। केषुचिद्राष्ट्रेषु बालकेभ्यो कुमारकेभ्यश्च प्रतिरोधकं दातुं सन्नह्यते। निर्णयोयं पुनःशोधनीय इति संस्थया सूचितम्।

य़था जनुवरिमासे सूचितम् तथा वाक्सिन् वितरणे असमत्वं सञ्जातम्। दरिद्र-मध्यवर्गराष्ट्रेषु स्वास्थ्यप्रवर्तकानां कृतेपि वाक्सिन् वितरणं न जातम्। आगोलतले १०४ कोटिपरिमिता प्रतिरोधकमात्रा एतावत्पर्यन्तं २१० राष्ट्रेभ्यो दत्तम्। एषु ४४ प्रतिशतं सम्पन्नराष्ट्रेषु वर्तते यत्र जनसंख्या विश्वजनसंख्यायाः १६ प्रतिशतमेव वर्तते इत्यपि संस्थया उक्तम्।

तिरुवनन्तपुरम्- राजनैतिकरंगे विप्लवतारं के.आर्. गौरियम्मा कालकबलीभूता अभवत्। सा १०१ वयस्का आसीत्। श्वाससम्बन्धिना आमयेन अनन्तपुर्यां निजीयचिकित्सालये चिकित्सायामासीत्। अस्याः निर्याणेन एकशतकपर्यन्तं साम्यवादिदलानाम् इतिहासतारम् अस्तमगमत्।

निर्वाचनद्वारा शासनाधिकारं प्राप्ते प्रथमसाम्यवादिमन्त्रिमण्डले इयं अङ्गमासीत्। अतः केरलीयराजनैतिकरंगे अस्याः योगदानं निर्णायकमासीत्। तस्याः आज्ञाशक्तिः शासनवैभवं च अनितरसाधारणमासीत्। प्रथममन्त्रिमण्डले राजस्वविभागस्य मन्त्री इत्यतः केरलीयानां साधारणजनानां कृते उपकारप्रदानि अनेकानि कार्याणि तया कृतानि। केरलीयभूपरिष्करणविधेयकं तेष्वन्यतमं भवति। १९५७तः २००१ पर्यन्तं सा विधानसभासामाजिका आसीत्।

केरलेषु आलप्पुषामण्डले चेर्तलसमीपस्थे अन्धकारनषि ग्रामे १०१९ तमे वर्षे इयं भूजाता अभवत्।

तिरुवनन्तपुरम्- संस्कृत-हिन्दी-मलयालं भाषासु अप्रतिमः पण्डितवर्यः महामहोपाध्यायः प्रो.आर्. वासुदेवन् पेट्टी वर्यः अद्य प्रातः दिवंगतः। स ९२ वयस्कः आसीत्। संस्कृतव्याकरणे वेदान्ते साहित्ये च निष्णातः अयं नैकान् ग्रन्थान् प्रणिनाय। सिद्धान्तकौमुदी समासप्रकरणं, स्त्रीप्रत्ययप्रकरणं, कृदन्तप्रकरणं, कारकप्रकरणं सुबन्तप्रकरणं इत्यादीनां बालहितैषिणी नाम व्याख्यानेन पृथक् ग्रन्थाः तेषु केचन भवन्ति।

संस्कृतपाण्डित्ये राष्ट्रपतिपुरस्कारेण अयं बहुमानितः। कालटी श्रीशङ्कराचार्य-संस्कृत-विश्वविद्यालयः विद्या वाचस्पतिबिरुदेन तं बह्वमन्यत। केरलीय-संस्कृतपाठपुस्तकरचनायां अस्य सान्निध्यं बहूपकारकमासीत्। आराष्ट्रं बहवः शिष्याः अस्य सन्ति।
एतस्य वियोगे नववाणीसंघः श्रद्धाञ्जलिम् अर्पयति।