तिरुवनन्तपुरम्- राज्ये प्राथमिकविद्यालये प्रथमाध्यापकानां नियुक्तिः इतः परं योग्यतापरीक्षाविजयमनुसृत्यैव भविता। एतावत्पर्यन्तं वरिष्ठतानुसारमेव नियुक्तिरासीत्। केरल-दण्डधाराधर्मासनस्य(SAT) विधेरनुसृतमेव नियोगनियमस्य प्रबलीकरणाय सर्वकारः निरचिनोत्। शिक्षायाः स्तरोन्नतिमुद्दिश्य २००९ तमे वर्षे केन्द्रप्रशासनेन प्रोत्तीर्णे तथा २०११ तमे वर्षे राज्यप्रशासनेन अङ्गीकृते च शिक्षाधिकारनियमे अन्तर्भूता व्यवस्था एव इयमित्यतः नियमस्य प्रबलीकरणमिति सर्वकारवृत्तानां सूचना अस्ति।

पूर्वं ५० वयस्कान् अध्यापकान् योग्यतापरीक्षां विनैव प्रथमाध्यापकपदव्यां नियोजयति स्म। इतः परं केरल सामान्यसेवायोगस्य एषा परीक्षा अध्यापकैरुत्तारयितव्या। अयं नियमः उच्चविद्यालये पूर्वमेव प्रवर्तितः अस्ति।

तिरुवनन्तपुरम्- राज्ये प्राथमिकविद्यालये प्रथमाध्यापकानां नियुक्तिः इतः परं योग्यतापरीक्षाविजयमनुसृत्यैव भविता। एतावत्पर्यन्तं वरिष्ठतानुसारमेव नियुक्तिरासीत्। केरल-दण्डधाराधर्मासनस्य(SAT) विधेरनुसृतमेव नियोगनियमस्य प्रबलीकरणाय सर्वकारः निरचिनोत्। शिक्षायाः स्तरोन्नतिमुद्दिश्य २००९ तमे वर्षे केन्द्रप्रशासनेन प्रोत्तीर्णे तथा २०११ तमे वर्षे राज्यप्रशासनेन अङ्गीकृते च शिक्षाधिकारनियमे अन्तर्भूता व्यवस्था एव इयमित्यतः नियमस्य प्रबलीकरणमिति सर्वकारवृत्तानां सूचना अस्ति।

पूर्वं ५० वयस्कान् अध्यापकान् योग्यतापरीक्षां विनैव प्रथमाध्यापकपदव्यां नियोजयति स्म। इतः परं केरल सामान्यसेवायोगस्य एषा परीक्षा अध्यापकैरुत्तारयितव्या। अयं नियमः उच्चविद्यालये पूर्वमेव प्रवर्तितः अस्ति।

तृशूर्- केरल-साहित्य अक्कादमीपुरस्काराः प्रख्यापिताः। पी,के.पारक्कटव्, इय्यङ्कोट् श्रीधरन्, सी.आर्. ओमनक्कुट्टन्, ललिता लेनिन्, जोस् पुन्नापरम्पिल्, पूयप्पिळ्ळि तङ्कप्पन् इत्येते समग्रयोगदानार्थं पुरस्कृताः।

नोवल् -टी.डी.रामकृष्णन् (सुगन्धी एन्न आण्टाल् देवनायकी), कविता- सावित्री राजीवन्(अम्मये कुलिप्पिक्कुम्पोळ्), कथा- एस्. हरीष्(आदम्), नाटकम्- डो. साम्कुट्टी पट्टंकरी(लल्ल)साहित्यविमर्शः- एस्. सुधीष्, जीवनचरितम्-डो.चन्तविल मुरली, यात्राविवरणम्-डो. हरिकृष्णन्, विवर्तनम्-सी.एम्. राजन्, वैज्ञानिकसाहित्यम्- वी.पी.जोसफ् इत्येतेभ्य एव पुरस्काराः घोषिताः।

अनन्तपुरी- दिवसचतुष्टयं यावत् कर्मन्यासेन केरलीयान् महाकष्टे पातयित्वा पुनः अद्य कर्मन्यासं प्रत्यपाययत्। लोकयानस्वामिनः मुख्यमन्त्रिणा सह अनन्तपुर्यां कृते चर्चामेलने एवायं निर्णयो जातः। छात्राणां यात्राशुल्कं सपदि न वर्धापयति। कार्यमेतत् पुनरालोच्य निर्णयो भविता। इति मुख्यमन्त्री यानस्वामिनः अबोधयत्। तथापि जनानां क्लेशं परिगणय्यैव समरं प्रत्यपाययत् इति यानस्वामिनः अवदन्।

े

पत्तनंतिट्टा – अरुविप्पुरे श्रीनारायणगुरुदेवेन कृता प्रतिष्ठा सामाजिकपरिवर्तनस्य कारणभूता जाता इति मुख्यमन्त्री पिणरायि विजयः अब्रवीत्। केरलेषु ब्राह्मणेतराणाम् अर्चकरूपेण नियुक्ति एतस्यानन्तरफलत्वेन द्रष्टव्या इत्यपि सो/वदत्। पत्तनंतिट्टा माटमण् श्रीनारायणाधिवेशनस्य समापनसत्रम् उद्घाटयन्नासीत् मुख्यमन्त्री। केवलं ब्राह्मणानां कृते एव आराधनास्वातन्त्र्ययुक्ते कालघट्टे श्रीनारायणगुरुदेवः अरुविप्पुरे शिवप्रतिष्ठां व्यदधात्। एतत् कर्म सामाजिकविप्लवस्य निदानमभवत्। अस्मिन्नेव पथि चरन् सर्वेषां जातिविभागानां कृते अर्चनाय अवकाशः दत्तः इति मुख्यमन्त्री अवदत्।

कालटी – विश्वनिद्यालयस्य प्रवर्तनानि योगदानानि च सम्यगवगन्तुं साधारणजनानामवकाशः कल्पनीयः इति विज्ञाय सर्वकारैः रूपवत्कृता पद्धतिर्भवति शास्त्रयान्। अस्याः पद्धतेः भागत्वेन कालटी श्रीशङकराचार्य संस्कृत सर्वकलाशालायां विविधाः कार्यक्रमाः आयोजिताः।

     नाक् समितेः ए ग्रेड् अङ्गीकारः प्राप्तः केरलस्थः प्रथमः विश्वविद्यालयः भवति कालटी संस्कृतविश्वविद्यालयः। कालटीस्थं मुख्यकेन्द्रमतिरिच्य अष्टौ प्रादेशिककेन्द्राणि सन्ति अस्य विश्वविद्यालयस्य। भाषाः मानविकविषयाः अभिनयप्रकारः नृत्तं सङ्गीतं चित्रकला सामाजिकप्रवृत्तयः कायिकपठनम् इत्यादयः वैविध्यपूर्णाः पठनविभागाः अत्र सन्ति।

     पूर्वोक्तां शास्त्रयान् पद्धतिमनुसृत्य २०१८ फिब्रुवरी २०,२१ दिनाङ्कयोः अत्रायोजिते कार्यक्रमे सामान्यजनानां कृते प्रभूतः अवकाशः कल्पितः। ते अत्रागन्तुं प्रभवन्ति, विविधानां पठनविभागानां प्रवर्तनानि निरीक्ष्य मूल्यनिर्णयं कर्तुमपि प्रभवन्ति। सममेव २० तमे दिनाङ्के विद्यालयीयछात्राणां कृते चित्ररचनामत्सरः आयोजितः। अस्मिन् मत्सरे प्रतिविभागं प्रथमं, द्वितीयं, तृतीयं च स्थानमाप्तवतां कृते यथाक्रमं ५०००,३०००,२००० रूप्यकाणां पारितोषिकमपि ददाति।

     अस्याः पद्धतेः उद्धाटनं २० तमे दिनाङ्के उपकुलपतेः धर्मराज् अटाट् वर्यस्य आध्यक्ष्ये कालटी ग्रामपञ्चायत् अध्यक्षा श्रीमती तुलसीभाय् वर्या विधास्यति। राष्ट्रिय-उच्चतरशिक्षा-अभियानस्य राज्यस्तरीया पद्धतिसंयोजिका एं.एस्. जया ऐ.ए.एस्. वर्या  मुख्यप्रभाषणं विधास्यति। द्वयेरपि दिनयोः सर्वे  अक्कादमिकविभागाः तत्तत्पठनगवेषणादीनाम् अवतारणं करिष्यन्ति। संस्कृतशास्त्रविषये केरलीयानां पारम्पर्यम् इति विषये एका विचारगोष्ठिरपि अस्याः भागत्वेनायोजिता।

     सर्वैः अस्यावसरस्य सदुपयोगः करणीयः इति भारवाहिणः अवदन्।

कोषिक्कोट्- केरलेषु राजनैतिकातिक्रमान् शक्तया भाषया अपलपन् उपराष्ट्रपतिः वेङ्कय्या नायिडू वर्यः रङ्गे। अक्रमः विकासश्च सममेव न गच्छति। राष्ट्रे शान्तिं पालयितुं सर्वेषां सहयोगः आवश्यकः इति स अवदत्। राजनैतिकदलानि परस्परं शत्रुतां पर्यवसेयुः इति उपराष्ट्रपति अार्थयत्।

     हत्याराजनैतिकरीतिः न केवलं केरलस्य अपि तु राष्ट्रस्यापि न भूषणम्। विभिन्नस्य प्रत्ययशास्त्रस्य कृते  मिथः कलहः हत्या च परिष्कृते समाजे न युज्यते। एतत् राष्ट्रं नाशे पातयति इत्यपि उपराष्ट्रपतिः अवदत्।

तिरुवनन्तपुरम् – केरलेन आर्जितायाः प्रगतेः पश्चात् श्रीचित्तिरतिरुनाल् महाराजस्य दीर्घवीक्षणं व्यक्तं वर्तते इति उपराष्ट्रपतिः वेङ्कय्या नाय्टू वर्यः अवदत्। सामाजिकनीतिः समत्वं शिक्षा  इत्यादीनां प्रभूतं प्राधान्यं महाराजेन कल्पितम् इति च स उक्तवान्। अनन्तपुर्यां कनकक्कुन्न् प्रासादे चतुर्विंशत्तमं चित्तिरतिरुनाल् अनुस्मरणप्रभाषणं विधास्यन् भाषमाण आसीत् सः।

     १९३६ तमे वर्षे मन्दिरप्रदेशविलम्बरेण विप्लवकरस्य सामाजिकपरिवर्तनस्यैव चित्तिरतिरुनाल् पन्थानमुदघाटयत्। दलिदानां मन्दिरप्रवेशाय अनेन दत्ता अनुमतिः स्वतन्त्रतान्दोलनस्य प्रचोदिका अभवत्। पञ्चवयसः एकादशवयःपर्यन्तेभ्यो बालकेभ्यो अवश्यशिक्षादानार्थं निर्णयः एव अद्यत्वे केरलीय शिक्षाक्षेत्रस्य महत्वनिदानम् इति च उपराष्ट्रपतिः अन्वस्मरत्।

कासरगोड् – केरल संस्कृताध्यापकफेटरेषन् इति सङ्घस्य ४० तमं वार्षिकाधिवेशनं कासरगोड् नगरे २०१८ फिब्रुवरी २२,२३,२४ दिनाङ्केषु सम्पत्स्यते। २२ तमे दिनाङ्के दीपशिखाप्रयाणेन साकं समारोहः आरभ्यते। विख्यातः संस्कृतपण्डितः तथा महाजन संस्कृत कलालयस्य स्थापकश्चासीत् नीर्चाल् खडिके श्यां भट् वर्यः। तेषां स्मृतिमण्डपात् जयदेवखडिकेवर्यः दीपशिखां नारायणहेग्डेवर्याय प्रयच्छति। अधिवेशननगर्यां सा दीपशिखा संघाटकसमितेः अध्यक्षः ऐ.वी.भट् वर्यः स्वीकरिष्यति।

     अधिवेशनस्य उद्घाटनं उदुमा मण्डलस्य नियमसभासदस्यः के.कुञ्ञिरामन् वर्यः विधास्यति। अस्मिन् समारोहे कासरगोड् नगरसभाध्यक्षा बीफात्तिमा इब्राहिं वर्या अध्यक्षा भविता। ततः स्मरणिकाप्रकाशनं प्रतिनिधिसम्मेलनं च भविता। कार्यक्रमे अस्मिन् संस्कृताध्यापकसङ्घस्य नेतारः भूतपूर्वनेतारश्च भागं भजिष्यन्ति।

     २३ दिनाङ्के विद्याभ्याससम्मेलनं केरलमन्त्री ई. चन्द्रशेखरन् वर्यः उद्घाटयिष्यति। कासरगोड् सदस्यः एन्. ए. नेल्लिक्कुन्न् अध्यक्षः भविता।  संस्कृतसम्मेलनं कालटी विश्वविद्यालयस्य उपकुलपतिः डो.धर्मराज् अटाट् वर्यः उद्घाटनं करिष्यति।चेन्नै संस्कृतकलालयस्य प्रांशुपालः टी.पी.आर्.नम्पूतिरिः अध्यक्षो भविता। प्रतिभापुरस्कारार्थं चिताः श्रीमन्तः हरिप्रसाद् कटम्पूर्- संघगानरचना, जोस् नववाणी- संस्कृतजालपुटः तथा मोबैल् आप्, पी.के. अशोकन् – संस्कृत त्रिमानचलच्चित्रं, हरिकुमार् अय्यम्पुषा- सम्प्रतिवार्ताः इति जालपत्रिका इत्येते वेदिकायाम् आदरिष्यन्ते। अध्यापकानां छात्राणां च सास्कृतिककार्यक्रमानपि आयोजयिष्यन्ते।

KSTF special page

तृप्पूणित्तुऱा – अस्य मासस्य षोडशदिनाङ्के तथा सप्तदशदिनाङ्के च पूर्णवेदपुरीस्थे संस्कृतकलालये शास्त्रयाननामिका प्रदर्शनी प्रचाल्यते। संस्कृत साहित्य – शास्त्र – तत्वचिन्तादिषु विज्ञानानां सुव्यक्तम्ख्यापयन्ती स्यादैषा। साहित्य , आयुर्वेद , न्याय, व्याकरण, ज्योतिःशास्त्र, वेदान्त विभागाणां तथा वास्तुशास्त्रसङ्गीतादीनां च सोदाहरण प्रदर्शनमत्र समायोजितम्। प्रदर्शनेन सह दिनद्वयं यावत् विविधानां कलारूपाणां आविष्कारोपि अत्र समायोजितः। मरुत्तुकळी तत्र प्रामुख्येन प्रस्तावमर्हति। अस्योद्धाटनं तु श्रीमता कलालयविद्याभ्यासमुख्यकार्यकर्त्र्या श्रीमत्या एं एस् जया महाभागया क्रियते । केरलकलामण्डलस्य प्राक्तनकुलपतिः डो. के जी पौलोस् आचार्याः मुख्यं प्रभाषणं निर्वहति।

Sasthrayaan – notice

नवदिल्ली – केन्द्र-साहित्य अक्कादमी निर्वाचने पुरोगमनपक्षस्य स्थानाशी चन्द्रशेखर कम्पार् अक्कादम्याः अध्यक्षरूपेण चितः। भा.ज.पा.दलसहयोगिनीं विख्याताम् ओडीषा लेखिकां प्रतिभा राय् वर्यां पराजित्यैैव कम्पार् अध्यक्षो/भवत्।२९ विरूध्य ५६ मतेन चन्द्रशेखरकम्पार् विजयी अभवत्।

कन्नडा नोबल् कारः ज्ञानपीठपुरस्कारजेता च भवति कम्पार्। अधुना अक्कादम्याः उपाध्यक्षश्च भवति। अध्यक्षपदवीमलंकृतः तृतीयः कन्नटलाहित्य कारः भवति कम्पार्। २० वर्षानन्तरमेव कन्नटदेशीयः अस्यां पदव्यामारोहति।