Daily Archives: May 30, 2021
अजित् प्रसाद् वर्यः कोविडेनापहृतः।
केरल-संस्कृताध्यापक-फेडरेशन् इति शिक्षकसंघस्य सर्वकारीयविभागे महासचिवः तथा कोल्लं कुलत्तूपुषा सर्वकारीण-उच्चतरविद्यालये अध्यापकश्च श्रीमान् पी.जी. अजित् प्रसाद् वर्यः कालयवनिकामगात्। कोविड् बाधया एकस्मिन् निजीय चिकित्सालये चिकित्सायामासीत्।
संस्कृतभाषायाः कृते जीवन् स आजीवं संस्कृतप्रचारणे, संस्कृताध्यापकानां समस्यादूरीकरणे च बद्धश्रद्धः आसीत्। संघस्य सचिव इत्यतः सर्वकाराधिकारिभिः नितरां सम्पर्केण स संस्कृतक्षेत्रे अविस्मरणीयः अभवत्। शास्तांकोट्टा डी.बी. कलालयात् स्नातकोत्तरबिरुदं सम्पाद्य स संस्कृतशिक्षकक्षेत्रं प्रविष्टवान्। संस्कृतपाठपुस्तकसंरचनायां स भागभागभवत्। कैट् विक्टेस् नालिकाद्वारा संस्कृतपाठस्य संप्रेषणाय नितरां स प्रयतितवान्। तस्य देहवियोगः संस्कृतक्षेत्रे महानष्ट एव।
महाशयस्यास्य निर्याणे नववाणीसंघस्य अनुशोचनम् अर्पयामः।
PRASNOTHARAM (भागः १८६) – 05-06-2021
EPISODE – 186
प्रश्नोत्तरम्।
- ——-पत्रं पतति। (क) वृक्षः (ख) वृक्षे (ग) वृक्षात्
- गङ्गा ——–प्रवहति। (क) हिमालयात् (ख) हिमालये (ग) हिमालयस्य
- गृहिणी ——-जलम् आनयति। (क) नद्याम् (ख) नद्याः (ग) नद्या
- बालकः ——–तण्डुलम् आनयति। (क) आपणात् (ख) आपणः (ग) आपणे
- वानरः——पतति। (क) शाखायाम् (ख) शाखा (ग) शाखायाः
- मण्डूकः ——-जले पतति। (क) कूलम् (ख) कूलात् (ग) कूलेन
- महिला ——–जलम् आकर्षति। (क) कूपः (ख) कूपे (ग) कूपात्
- पुरुषः ——–पङ्कम् उद्धरति। (क) जलाशयात् (ख) जलाशये (ग) जलाशयः
- चोरः ——–निर्गच्छति। (क) कारागारे (ख) कारागारस्य (ग) कारागारात्
- जलं ——-निर्गच्छति। (क) मेघः (ख) मेघात् (ग) मेघे
ഈയാഴ്ചയിലെ വിജയി
Jayasree Subramanian
“അഭിനന്ദനങ്ങൾ”
