Daily Archives: May 12, 2018
कर्णाटकराज्ये विधानसभानिर्वाचनार्थं मतदानमारब्धम्। ४.९ कोटि मतदातारः विधिं निर्णेष्यन्ति।
बङ्गलूरु- कर्णाटकराज्ये मतदानमारब्धम्। प्रातः सप्तवादनादारभ्य सायं षट्वादनपर्यन्तं मतदानं भविष्यति। २०१९ लोकसभानिर्वाचनस्य प्राग्रूपत्वेन परिगण्यते इदं निर्वाचनम्। अत एव राष्ट्रिय- राजनैतिकस्य गतिनिर्णयरूपमपि भवेदिदं निर्वाचनम्। द्वयोः मण्डलयोः मतदानं परिवर्तितम्। शिष्टेषु २२२ मण्डलेषु अद्य मतदानं सम्पूर्णं भविष्यति।
२०१३ निर्वाचनमपेक्ष्य १२ शतमितं मतदातारः अधिकमस्ति अस्मिन् निर्वाचने। आहत्य ५६६९५ मतदान केन्द्राणि सन्ति एषु ४५० केन्द्राणि स्त्रियः नयन्ति।
