Daily Archives: May 2, 2018
एस.एस्.एल्.सी.परीक्षफलं गुरुवासरे प्रकाशयिष्यति।
तिरुवनन्तपुरम्- केरलीयं एस्.एस्.एल्.सी. परीक्षाफलप्रख्यापनं गुरुवासरे भविष्यति। सामान्यशिक्षानिदेशकस्याध्यक्ष्ये अद्य सम्पन्ने परीक्षा बोर्ड अधिवेशने एव अयं निर्णयो जातः। राज्ये दशसहस्राधिकचतुर्लक्षं छात्राः इदं परीक्षाफलं प्रतीक्ष्य तिष्ठन्ति।
परीक्षाफलं सूचनासामान्यसम्पर्क विभागस्य PRDLIVE इति मोबैल् आप् द्वारा प्राप्स्यते। गुरुवासरे प्रातः १०.३० वादने सम्पत्स्यमाने वार्ताहरसम्मेलने शिक्षामन्त्री प्रोफ. सी. रवीन्द्रनाथवर्यः फलप्रख्यापनं विधास्यति।
परीक्षा फलं नववाणीद्वारा अपि लप्स्यते।
सुप्रसिद्धः अपसर्पककथाकारः कोट्टयं पुष्पनाथः दिवंगतः।
कोट्टयम्- प्रशस्तः अपसर्पकनोवल् कथाकारः कोट्टयं पुष्पनाथः अन्तरितः। ८० वयस्कः असौ वार्धक्यसहजेन आमयेन कोट्टयस्ते गृहे आसीदन्त्यम्। पुत्रः सलीं पुष्पनाथः गतमासे दिवंगतो/भूत्।
नेप्पोलियन्टे प्रतिमा, यक्षिक्काव्, लण्टन् कोट्टारत्तिले रहस्यङ्ङल्, कर्दिनालिन्टे मरणं, दि ब्लेय्ट् गन्धर्वयामं टोर्णाडो प्रभृतीनां शताधिकानां अपसर्पककथानां रचयिता भवत्ययम्।
