हूस्टण्- मानवः प्रथमतया चन्द्रमण्डले पादविन्यासं कृतवति अप्पोलो -११ दौत्ये त्रयाङ्गेष्वन्यतमः मैक्किल् कोलिन्स् वर्यः बुधवासरे कालकबलितो/भूत्। स ९० वयस्कः आसीत्। १९६० जूलै २० दिनाङ्के आसीत् एषां पादस्पर्शः चन्द्रोपरितले पतित।

१९३० ओक्टोबर् ३१ दिनाङ्के इट्टलि राष्ट्रे कोलिन्स् भूजातः। स्वपितुः मार्गमनुसृत्य एष सैनिकसेवनं स्वीकृतवान्। द्विवारं एष बहिराकाशयात्रां व्यदधात्। प्रथमं जेमिनिव-१० इति दौत्ये द्वितीयं अप्पोलो-११ दौत्ये च।

नवदिल्ली- भारते वितीर्यमानानि कोविड् निवारकाणि प्रतिमात्रं १५० रूप्यकमूल्येन सिरम् इन्स्टिट्यूट् इति संस्थानात् क्रीणाति इति केन्द्रसर्वकारः व्यजिज्ञपत्। स्वास्थ्य-कुटुम्बक्षेम मन्त्रालयः ट्विट्टर् द्वारा शनिवासरे इदम् असूचयत्। एवं क्रीतानि निवारकाणि पूर्ववत् राज्येभ्यः विनामूल्यं वितरीतुम् उद्यमः इत्यपि असूचयत्।
पूणे नगरे स्थितस्य सिरम् इन्स्टिट्यूट् इति संस्थानं निजीयचिकित्सालयेभ्यः कोविड् निवारकं प्रतिमात्रं ६०० रूप्यकमूल्येन विक्रीणाति तत्तु आगोलतले उन्नतं मूल्यमिति आवेदनमासीत्। अतः स्वास्थ्यमन्त्रालयेन विशदीकरणं दत्तम्।

तिरुवनन्तपुरम्- कोविड् व्यापनस्य भूमिकायां तृशूर् पूरेत्सवः अस्मिन् वर्षे अपि केवलम् आचाररूपेण आयोजयिष्यति। जनानां प्रवेशः निरुद्धः। सर्वकारस्य मुख्यसचिवेन आयोजिते अधिवेशने एव अयं निर्णयो जात‌ः।

पूरायोजनार्थं मानदण्डः गतसप्ताहे निश्चितः आसीत्। तथापि अधुनातनसाहचर्यं सङ्कीर्णमजायत। तृशूर् मण्डले रोगबाधिाः अधिकाः दृश्यन्ते। परीक्षणे रोगबाधिताः २१ शतमितमतीताः। प्रतिदिनं सहस्राधिकाः जनाः रोगबाधिताः जाताः।

तिरुवम्पाटि पापमेक्काव् देवस्थाने अपि केवलमाचाररूपेण पूरमायोजयितुं सन्नद्धे जाते।

तिरुवनन्तपुरम्- मुख्यमन्त्रिण् पिणरायि विजयन् वर्ये कोविड् बाधा स्थिरीकृता। तस्मिन् रोगलक्षणं प्रकटं न वर्तते। तस्य पुत्री गतदिने रोगबाधिता असीत्। तदनन्तरं मुख्यमन्त्री सम्पर्कनिरोधे आसीत्। अद्य श्रवपरिशोधनायां तस्मिन् रोगबाधा स्थिरीकृता।

अधुना मुख्यमन्त्री स्वगृहे एव वर्तते। अचिरेण तं कोषिक्कोट् वैद्यकीयकलालयातुरालये नेष्यतीति श्रूयते।

तिरुवनन्तपुरम्- केरलेषु  एस्.एस्.एल्.सी., प्लस्-टु परीक्षाणां शुभारम्भः एप्रिल् 8 दिनाङ्के भविष्यति। एप्रिल् षट्दिनाङ्कपर्यन्तं निर्वाचनज्वरे आसीत् केरलाः। इतः परं परीक्षाज्वरे भविष्यन्ति। नवलक्षपरिमितं छात्राः एव परीक्षार्थं सन्नद्धाः।

     एस्.एस्.एल्.सी. परीक्षा एप्रिल् 8तः 12 दिनाङ्कपर्यन्तं मध्याह्नादूर्ध्वं प्रचलिष्यति। एप्रिल् 15तः प्रातः काले प्रचलिष्यति। 29 दिनाङ्के परीक्षायाः पर्यवसानं भविता। प्लस् -टु वी.एच्यएस्सी परीक्षाः एप्रिल् 8तः 26 दिनाङ्कं यावत् प्रचलिष्यति। प्रातः 9.40 वादने एव एताः परीक्षाः।

खरगपुर् भारतीय तान्त्रिक संस्थाने गवेषकानाम् अभिमानात्मिका उपलब्धिः भवति कृतकबोधे संस्कृतभाषायाः स्थानम्। संस्कृतलिपीः ग्रन्थान् च अतिवेगम् अवगन्तुं आधुनिक सूचनासाङ्केतिकविद्यायाः सहयोगेन कृतकुद्धौ (Artificial Intelligence) संस्कृतस्यापि वाचनं कर्तुं उपाधीः अत्रत्याः गवेषकाः व्यकासयत्। डो. पवन् गोयल् वर्यस्य नेतृत्वे एव संस्कृतलिपीः सम्यगवगन्तुं योजनाः आयोजिताः। एषां परियोजनाः भाषाशास्त्रपत्रिकायां प्रकाशयिष्यति। परियोजनायाः विजय एव एतत् सूचयतीति गवेषकसंघः अवदत्।

पदानां विभजनं, पद्यात् गद्यं प्रति विवर्तनम् इत्यादीनि अनायासेन कर्तुं शक्यते। भाषणप्रत्यभिज्ञानं चोद्योत्तराणि च अस्य भागत्वेन सज्जीकरिष्यति।

संस्कृतकृतिषु विपुलाः इतिहासरचनाः दार्शनिकग्रन्थाः, शास्त्रग्रन्थाः साहित्यग्रन्थाः काव्यनाटकादीनि च अन्तर्भवन्ति। कृतकबुद्धेः साहाय्येन एतेषां विवर्तन् सुगमं भविष्यति। एतदर्थं सान्स्क्रीट् हेरिट्टेज् रीडर् इति तान्त्रिकोपकरणमेव उपयुज्यते।

दिल्ली- सप्तषष्टितमः राष्ट्रीय-चलच्चित्रपुरस्काराः घोषिताः। मलयाळचलच्चित्रेण अस्मिन् वर्षे 11 पुरस्कालिन्राः स्वायत्तीकृताः। प्रियदर्शन् वर्यस्य निदेशने  मरक्कार् अरबिक्कटलिन्टे सिंहम् इति चलच्चित्रं उत्कृष्टचलच्चित्रपुरस्कारमवाप। राहुल् रिजी नायर् वर्यस्य निदेशने कल्लनोट्टम् इति चलच्चित्रम् उत्तममलयालचलच्चित्रमिति रूपेण पुरस्कृतम्। नवागतनिदेशक इति पुरस्कारं हेलन् इति चलच्चित्रद्वारा मात्तुक्कुट्टी सेव्यर् स्वायत्तीकृतवान्।

     उत्तमछायाग्राहकपुरस्कारं जल्लिक्केट् इति चलच्चित्रस्य छायाग्राहकः गिरीष् गङ्गाधरन् अवाप्तवान्। बिरियाणी इति चलच्चित्रस्य निदेशकः सजिन् बाबू विशेषविधिकरितृपुरस्कारं प्राप्तवान्। कोलाम्पी इति चलच्चित्राय दानं रचयन् प्रभावर्मावर्यः गानकारपुरस्कारमवाप।

     उत्तम नटी कङ्कणा रणावत् भवति । मणिकर्णिका पङ्का इत्यादिषु अभिनयायैव पुरस्कारः। उत्तमनटः धनुष्, मनोज वाजपेयी च अवापतुः। असुरन् इति चित्रे अभिनयाय धनुष्, बोण्स्ले इति चलच्चित्रे अभिनयाय मनोज् वाजपेयी च पुरस्कारमवाप्तवन्तौ। उत्तमसहनटाय पुरस्कारः विजय् सेतुपतिवर्यः स्वायत्तीकृतवान्।

तिरुवनन्तपुरम्- केरलात् तमिल्नाट् प्रति गच्छतां जनानां कोविड्-ऋणसाक्ष्यपत्रं अवश्यं नास्तीति तम्ल्नाट् सर्वकारः निरणयत्। पूर्वं तमिल्नाट् सर्वकारेण निर्णीतं यत् केरलात् आगच्छतां जनानां कोविड् बाधा नास्तीति ७२ होराभ्यन्तरे स्वीकृतं साक्ष्यपत्रम् आवश्यकम् इति।

एतस्य प्रतिषेधमभिलक्ष्य परिवहणसचिवः के. आर्. ज्योतिलालः तमिल् नाटु सर्वकारस्य वरिष्ठैः अधिकारिभिः सह चर्चां व्यदधात्। तदनन्तरमेव एष निर्णयः।

तमिल्नाटु सर्वकारस्य ई-पास् करगतानां जनानाम् एव बुधवासरात् प्रभृति तमिल् नाटुं प्रति प्रवेशः। परन्तु तमिल् नाटुतः केरलं प्रति यात्रायै नियन्त्रणं नास्ति। www.eregister.tnega.org इत्यस्मिन् जालपुटे ई-पास् प्राप्यर्थं पञ्जीकरणम् आवश्यकम्।

तिरुवनन्तपुरम् –      कैट् संस्थया  ग्नु लिनक्स् लैट् 2020 इति स्वन्त्रचालनक्रमः प्रत्यक्षेपि। शिक्षायाः कृतेे केरलीय-आधारिकसंरचना एवं तान्त्रिकता(Kerala Infrastructure and Technology for Education – KITE) संस्थया विद्यालयेषु विन्यस्तस्य स्वतन्त्रचालनक्रमस्य परिष्कृतं रूपं भवतीदम्।  सर्वकारेण छात्रेभ्यो दीयमानेषु विद्याश्री अङ्गसंगणकेष्वपि एष एव क्रमः उपयुज्यते।

     स्वतन्त्र चालकक्रमम् उबुण्डूमाश्रित्य सज्जीकृते अस्मिन् आचये चालनक्रममतिरिच्य कार्यालयाचयः, भाषाभ्यः निवेशकोपकरणानि सूचनाधारप्रयोजकानि डी.टी.पी. ग्राफिक्स् छायाचित्रसम्पादनम्,  शिक्षायाः कृते जियोजिब्राप्रभृतयः चालनक्रमाः बहवः सदुपयोगाचयाश्च सन्ति। अद्य प्रभृति कैट् संस्थायाः www.kite.kereal.gov.in इति जालपुटात् अवचयनं कर्तुं शक्यते।

मुम्बै- कोविड् रोगस्य  शमनौषधमिति प्रख्यापयन् रांदेवस्य पतञ्जलिसंस्थया आनीता कोरोणिल् इति गुलिका महाराष्ट्रे विक्रयनार्थम् अनुमतिं न दास्यतीति राज्यगृहमन्त्री अनिल् देश्मुख् अवदत्। विश्व-स्वास्थ्य-सङ्घः, भारतीयवैद्यकसंघश्च एतदौषधं नाङ्गीचक्रतुः। तादृशम् औषधं राज्ये विक्रेतुं नानुमीयते इति मन्त्री अवदत्।

     अस्य औषधस्य परीक्षणं भारतीयवैद्यकसङ्घः स्तगयत्। विश्व-स्वास्थ्य-सङघटनायाः प्रमाणपत्रं लब्धमिति वादः तया सङ्घटनया एव प्रहितः। केन्द्रीय स्वास्थ्यमन्त्री हर्षवर्धनः, यातायातमन्त्री नितिन् गड्गरी च औषधस्यास्य विणनसमारोहे भागं भजन्तावास्ताम्।

     आयुष् मन्त्रालयस्य अह्गीकारेणैव औषधविपणनमिति रांदेवस्य वादः। केन्द्रीय-औषधनियन्त्रकसंङ्घस्य अङ्गीकारः अस्तीत्यतः 158 राष्ट्रेषु ेतत् विक्रेतुं शक्यते इत्यपि रांदेवः वदति स्म। परन्तु भारतीयवैद्यकसङ्घः  एतदौषधं प्रति विरोधः प्राकटयत्। कोविड् चिकित्सार्थं कमपि पारम्परिकौषधम् अस्माभिः न निर्दिष्टम् इति विश्व स्वास्थ्य सङ्घेनापि सूचितम्।