तिरुवनन्तपुरम्- सर्वकारीणसेवकानां तथा निवृत्तिवेतनग्राहकाणां च कृते मेडीसेप् नामिकया अभिरक्षायोजनया सह केरलसर्वकारः अग्रे सरति। निवृत्तिवेतनग्राहकाणां तथा सर्वकारीणसेवकानां च सूचनाः जालपुटे निरीक्ष्य संशोधयितुम् अधिकसूचनाः संयोजयितुं च डिसम्बर् २० पर्यन्तम् अवकाशः विहितः अस्ति।

पञ्च वर्षात् पूर्वम् घोषिता योजना इतः पर्यन्तं समारब्धुं न शशाक। ओरि।न्टल् इन्षूरन्स् इति सङ्घस्यैव अधुना योजनानिर्वहणे अनुमतिः लब्धा। पूर्वम् अनुमितः सङ्घः रिलयन्स् इन्षूरन्स् आसीत्। परन्तु समयालङ्घनकारणेन स सङ्घः उपबन्धसमर्पणात् निरुद्धः अभवत्। निर्णयममुं विरुध्य रिलयन्स् संघः उच्चन्यायालयम् अभ्युपगच्छत्। तथापि उच्चन्यायालयेन योजना न निरुद्धा इत्यतः योजनया सह अग्रे गच्छति।

न्यायालयस्य अन्तिमनिर्णयानुसारं जनुवरिमासे एप्रिल् मासे वा पद्धतिः समारब्धुं शक्यते इति सर्वकाराणां विश्वासः।

नवदिल्ली- विवादास्पदान् कार्षिकनियमान् प्रत्याहर्तुं केन्द्रसर्वकारः निरणयत्। राष्ट्रम् अभिसम्बोधयन् प्रधानमन्त्री नरेन्द्रमोदीवर्यः कार्यमिदं सूचितवान्। गुरुनानाक् जयन्तीदिने एव इदं प्रख्यापनमभवत्।

कार्षिकप्रक्षोभे अनुवर्तमाने नियमप्रत्याहरणार्थं विधेयकम् आगामनि संसत्सम्मेलने लोकसभायां प्रस्तोष्यति। पञ्चाब् उत्तरप्रदेश् इत्यादिषु राज्येषु विधानसभानिर्वाचनम् आगम्यमानमस्ति। आस्यां भूमिकायाम् अयं निर्णयः प्राधान्यमर्हति।

।नवदिल्ली- भारतीयभाषाणाम् उन्नताधिकारसमितेः अध्यक्षत्वेन विख्यातः संस्कृतपण्डितःडो चमू कृष्णशास्त्रीवर्यः नियुक्तः। महाशयोयं प्रसिद्धः शिक्षाविचक्षणः तथा संस्कृतभाषायाः परिपोषणे निरतश्च भवति।

संस्कृत संवर्धनपरिषदः कार्यदर्शी तथा संस्कृतभारत्याः सह संस्थापकश्चायं महानुभावः संस्कृसम्भाषणप्रोत्साहनाय नितरां प्रवर्तमानो वर्तते।

संस्कृतप्रचाराय स्वस्य योगदानं परिगणयन् २०१७ तमे वर्षे भारतसर्वकारः महाशयमेनं पद्मश्रीपुरस्कारेण बह्वमन्यत।

।तिरुवनन्तपुरम्- घोरेषु वृष्टिषु आवर्तितेषु केरले सप्तसु मण्डलेषु विद्यालयाः पिहिताः वर्तन्ते। मण्डलाधिकारिभिः तत्रः विरामः घोषितः। पतितनंतिट्ट्, इटुक्की, कोट्टयम्, आलप्पुषा, तृश्शूर् इत्येतेषु मण्डलेषु सर्वेषां विद्यालयानां विरामः भविष्यति। कलालयान अभिव्याप्यैव विरामः।

कासरगोड् मण्डले तिरुवनन्तपुरस्थेषु नेडुमङ्ङाट्, काट्टाक्कटा, नेय्याट्टिन् करा प्रदेशेशु च विद्यालयानां विरामः भवति।

केरला, एं जी, स्वास्थ्य विश्वविद्यालयानां अद्य प्रचाल्यमानः परीक्षाक्रमः परिवर्तितः

केरलसंस्कृताध्यापकफेडरेषन् संस्थायाः दायित्वे राज्यस्तरीयवनितासङ्गमं मातृकम् 2021 इति नाम्ना अतिविपुलया रीत्या प्राचलत्। सर्वासां भाषाणां जननी क्षररहिता संस्कृतभाषा, सा मातृवत् छात्राणाम् उन्नमनाय भवतीती, तया भाषया मातृशक्तिरपि प्रचोदिता इति अस्य कार्यक्रमस्य उद्घाटका श्रीमति. अश्वति तिरुनाल् गौरी लक्ष्मी भाई तम्पुराट्टी अवदत्। अधुनातनकाले सङ्घटना नेतृत्वक्षेत्रेषु कार्यं कृतवतः सर्वान् प्रचोदयित्वा, स्वीयानुभवेन शैक्षणिकक्षेत्रं समूलम् आवाहयित्वा, तत्र विशिष्य संस्कृतशिक्षकाणां योगदानं कथं भवेदिति स्वीयवाग्चातुर्येण प्रकटितवती गुरुवायूर् श्रीकृष्णा- कलालयस्य संस्कृतविभागस्य सहाचार्या डा.लक्ष्मी शङ्कर् महाभागा। केरलसंस्कृताध्यापकफेडरेषन् संस्थायाः पूर्वतनसारथिरासीत् स्वर्गीयः श्रीमान् पी.जि अजित्प्रसाद् महाशयः। तस्य चरणपङ्कजेषु श्रद्धाञ्जलिं समर्च्य तस्यानुस्मरणं कृतवान्, केरलसंस्कृताध्यापकफेडरेषन् संस्थायाः राज्यस्तरीयकार्यदर्शी श्री. सी. पि. सनल्चन्द्रन् महाशयः। के.एस्.टि.एफ् संस्थायाः राज्यस्तरीयाध्यक्षः श्री टि के सन्तोष् कुमार् महाशयः, के.डी.एस्.टि.एफ् संस्थायाः राज्यस्तरीयाध्यक्षः श्री पि पद्मनाभन् महाशयः, के.एस्.टि.एफ् संस्थायाः भूतपूर्व उपाध्यक्षा श्रीमति. रतिमहाभागा च आशंसाभाषणं कृतवन्तः। मातृकस्य मुख्यकार्यदर्शिनः श्रीमति षैलजा, श्रीमति विजयलक्ष्मी, श्रीमति कृष्णप्रिया, श्रीमति.रेवती, श्रीमति.सुगिषा, श्रीमति स्मृति च स्वाभिमतान् प्रकटितवन्तः।

नवदिल्ली- राष्ट्रे परमोन्नतः क्रीडकपुरस्कारः-मेजर् ध्यान् चन्द् खेल् रत्न पुरस्कारः -घोषितः। टोक्यो ओलिम्पिक्स् क्रीडायां कांस्यपदकजेता होक्की क्रीडाङ्करक्षकः केरलीयः पी आर् श्रीजेष्, ओलिम्पिक्स् सुवर्णपतगजेता नीरज् चोप्रा इत्यादयः द्वादशक्रीडकाः पुरस्काराय अर्हाः अभवन्। नवम्बर् १३ दिनाङ्के पुरस्कारान् दास्यति। ३५ कायिकप्रतिभाः अर्जुनपुरस्काराय च अर्हाः अभवन्। केरलीयौ धावकप्रशिक्षकौ टी,पी, ऒसोफ् तथा राधाकृष्णन् नायर् च द्रोणाचार्यपुरस्काराय अर्हावभवताम्।

कोषिक्कोट्- सार्धैकवर्षं यावत् पिहिताः केरलीयविद्यालयाः अद्य केरलोत्पत्तिदिने सजीवतां प्राप्नुवन्ति। इदानीं साधारणव्यवहानाननपेक्ष्य जागरूकतायाः पाठोपि छात्रैः अध्यापकैश्च अनुशीलनीयो भवति। प्रतिपालनविरसतामवसीय उत्साहस्य आह्लादस्य च भावं बालकानां मनसि स्फुरितो दृश्यते। बालकेभ्यः नूतनानुभवान् प्रदातुं विद्यालयाः सज्जाः अभवन्। चित्रभित्तयः, अक्षरद्रुमाः, क्रीडाङ्कणानि, तोरणानि च छात्रान् प्रत्युद्गन्तुं सज्जरूपेण तिष्ठन्ति।

छात्रेभ्यः शिक्षकेभ्यश्च पृथक् मार्गनिर्देशाः सन्ति। शिक्षकाणां कृते प्रशिक्षणं सम्पूर्णमभवत्। कोविडनुभवानां विवरणात्मकानि भित्तिपत्राणि, पानीयजलस्य सूचना इत्यादिकम् अध्यापकैः सज्जीकृतम्।

प्रथमं वारद्वयं यावत् मध्याह्नपर्यन्तं कक्ष्या प्रचलिष्यति। सामान्यविरामभिन्नः शनिवासरोपि प्रवृत्तिदिनत्वेन परिगणितः। छात्रान् विविधगणान् कृत्वा कक्ष्या प्रचलति। प्रतिगणं दिनत्रयं अनुस्यूततया विद्यालयमागन्तुम् अनुमतिरस्ति।

भिन्नशेषियुक्ताः छात्राः प्रथमसत्रे विद्यालयं नागच्छेयुः। तेषां कृते अधिजालकक्ष्या प्रचलिष्यति। छात्राणां स्वास्थ्यसंरक्षणाय सर्वाणि कार्याणि शिक्षा-स्वास्थ्य-गृह-तद्देशप्रशासनविभागैः सम्भूय कृतानि वर्तन्ते।

मातृसंघस्य नाम परिवृत्य मेट्टा इति नाम्ना फेस् बुक्क् इतः परं वर्तिष्यते। अधुना उपयुज्यमानाः फेस् बुक्क्, इन्स्टाग्रां, वाट्साप् इत्यादिषु नामपरिवर्तनं न भवेदिति मुख्य़ निर्वाहकः मार्क् सक्करबुक्क् महाशयः निगदितवान्। संघस्य अभिज्ञा उत्पन्नेन सम्बद्धः इत्यतः फेस् बुक्क् प्रवर्तनानि सुरक्षितानि कर्तुम् इयं व्यवस्था आयोजिता।

अस्य उपयोगक्रमादिकं निरीक्ष्य दुरुपयोगः स्थगितुम् अनेन साध्यं भवति। विविधाः साङ्केतिकविद्याः एकस्मिन् चत्वरे आनेतुमेव उद्यमः इति सक्कर्बुर्ग् महाशयेन उक्तम्।

तिरुवनन्तपुरम्- मुल्लप्पेरियार् सेतुबन्धे जलमानं १३८ पादपरिमितं करिष्यतीति तमिल् नाटु राज्येन सम्मतिमदात् इति केरल-जलविभव विभागमन्त्री रोषी अगस्टिन् वर्यः प्राकथयत्। यदा सेतौ जलं १३८ पादपरिमितं प्राप्नोति तदा बहिःनिस्सरणिद्वारा जलं प्रवाहयितुं तमिल् नाटु राज्यं ह्यस्तने निरणयत् इत्यपि मन्त्री अवदत्।

सेतौ जलं १३७ पादपरिमितं कर्तव्यम् इत्यासीत् केरलस्य आवेदनम्। २०१८ तमे वर्षे सर्वोच्चन्यायालयेनापि सूचितं यत् सोतौ जलमानं १३९.९९ पागपरिमितं स्यादिति। अद्यतनीया अवस्था ततोपि गौरवतरा इति केरलेन सूचितम्। अतः सेतोः जलं यावच्छक्यं तमिल् नाटु राज्येन नेतव्यमिति अवलोकनाधिवेशने केरलेन आवेदितम्।

तिरुवनन्तपुरम्- एकपञ्चाशत्तमः कैरलीयचलच्चित्रपुरस्काराः घोषिताः। वेल्लम्, द एस्सेन्ष्यल् ड्रिङ्क् इति चलच्चित्रयोः नायकः जयसूर्यः श्रेष्ठनटत्वेन चितः। कप्पेल इति चलच्चित्रे नायिका अन्ना बेन् श्रेष्ठा नटी इति पुरस्कृता।

ग्रेट् इन्ड्यन् किच्चण् उत्तमं चलच्चित्रम् इति घोषितम्। सिद्धार्थ् शिवः एन्निवर् इति चित्रद्वारा श्रेष्ठः निदेशकोभवत्।

श्रेष्ठः स्वभावनटः सुधीष्, स्वभावनटी श्रीरेखा, नवागतनिदेशकः मुहम्मद् मुस्तफा च। तिङ्कलाय़्च निश्चयम् इति चलच्चित्रं द्वितीयस्थानमवाप्तम्। बालनटः निरञ्जन्, बालनटी अरव्या शर्मा च भवति।
श्रेष्ठः पटकथाकारः जियो बेबी, गायिका नित्या मामन्, गायकः षहबास् अमन् च चितः।