श्रीनगरम्- जम्मू काश्मीरे कत्रा स्थले माता वैष्णोदेवी मन्दिरे सञ्जाते अपघाते 12 जनाः मृताः, तत्र महान् जनसम्मर्द्दः सञ्जातः। सम्मर्दे संलग्नाः 12 जनाः एव मृताः। 14 जनाः रुग्णाः अभवन्। मृतानां सङ्ख्याः इतोप्यधिका भवेदिति सूचना अस्ति। नववत्सरप्रभाते एव एषा घटना समापन्ना। रुग्णाः नरैना चिकित्सालयं नीताः।

     नववत्सरमभिलक्ष्य प्रार्थनार्थमागताः एव अपघाते पतिताः। अनुमतिं विना जनाः संभूय आगताः। एतदेव दुरन्तकारणम् इति अधिकारिभिः निगदितम्। रक्षाप्रवर्तनानि अनुवर्तन्ते इति आरक्षिभिः सूचितम्।

     अपघातानन्तरं मन्दिरे तार्थाटनं तात्कालिकतया स्थगितम्। प्रधानमन्त्री नरेन्द्रमोदी वर्यः साक्षादागत्यैव रक्षाप्रवर्तनानि अवलोकयतीति केन्द्रमन्त्री जितेन्द्र जेयिन् वर्यः अवदत्।

नवदिल्ली- राष्ट्रे १५ तः १८ वयःपरिमितेभ्यो बालेभ्यो जनुवरि तृतीयदिनाङ्कादारभ्य कोविड् वाक्सिनं दास्यतीति प्रधानमन्त्री नरेन्द्रमोदीवर्यः। कोविडस्य ओमैक्रोण् भेदव्यापनस्य भूमिकायां राष्ट्रमभिसंबोधयन् भाषमाण आसीत् प्रधानमन्त्री।

स्वास्थ्यकर्मकरेभ्यः षष्टिवयसः ऊर्ध्वानां रोगिणां च कृते अधिकमात्रावाक्सिनं दातुमपि निर्णयोस्ति। एतत् दनुवरि १० दिनाङ्कादारभ्य वैद्यानां निर्देशानुसारं स्यात्।

भारत् बयो टेक् इति संस्थायाः कोवाक्सिन् बालेभ्यो दातुं डी सी जी ऐ अनुमतिमदात्। तदनन्तरमेव बालकेभ्यो वाक्सिनदानस्य प्रख्यापनमभवत्।

ओमैक्रोण् व्यापने परिभ्रान्तिः मास्तु, जागरूकता भवेत्। सर्वे मुखावरणं धृत्वा, हस्तक्षालनादीनि अनुवर्तेरन् इति प्रधानमन्त्री उदबोधयत्।

इरिङ्ङालक्कुटा- नटवरम्प् सर्वकारीय आदर्शोच्चतरविद्यालये २०१९-२० वर्षे प्रचालिते अनौपचारिकसंस्कृतवर्गे भागं गृहीतेभ्यो प्रमाणपत्राणां वितरणं कालटी श्रीशङ्कराचार्य संस्कृतविश्वविद्यालयस्य प्राचार्यः तथा केन्द्रीय-रेल् विकास् निगमस्य निदेशकश्च डो एं वी नटेशवर्यः निरवहत्। ब्लोक् पञ्चायत् अध्यक्षा श्रीमती विजयलक्ष्मी विनयचन्द्रवर्या कार्यक्रमम् उदघाटयत्। पी टी ए अधमयक्षः अनिलन् आध्यक्ष्यमवहत्। प्रथमाध्यापिका बिन्दू ओ आर् भूतपूर्वः संस्कृताध्यापकः सुरेष् बाबू, वार्ड् अङ्गं मात्यू पारेक्काटन् प्रभृतयः भागमभजन्।

कोच्ची- विधानसभायाः तृक्काक्करा निर्वाचनक्षेत्रस्य प्रतिनिधिः तथा केरल प्रदेश् काण्ग्रस् समितेः प्रवर्तनाध्यक्षश्च पि टि तोमस् वर्यः अस्माल्लोकान्निरगात्। स ७० वयस्कः आसीत्।

अर्बुदरोगग्रस्तोयं वेल्लूर् वैद्यकीयकलालयस्य चिकित्सालये चिकित्सायामासीत्। परितःस्थितिविषये अगाधं ज्ञानमवाप्य परितःस्थितिसंरक्षणप्रवर्तनेषु सदा जागरूकः आसीत् सः।

अधुना विधानसभायां काण्ग्रेस् दलस्य कार्यदर्शी तथा अखिलभारत काण्ग्रेस् समित्याम् अङ्गं च भवति। २००९-२०१४ कालपरिधौ इटुक्की लोकसभामण्डले सदस्यः आसीत्। २०१६ तः तृक्कारेकरा निर्वाचनक्षेत्रात् विधानसभासगस्यः भवति।

चतुर्दशशतके जातः संगमग्राममाधवः भारतीय गणित-ज्योतिश्शास्त्रपैतृकस्य उपज्ञाता भवति। काल्कुलस् इति गणितसङ्केतः ऐसक् न्यूट्टन् तथा जी वी लेब्निस् महाभागाभ्याम् आविष्तरणात् सार्धद्विशतकात् पूर्वं सङ्गमग्राममाधवः तस्य शिष्यपरम्पराश्च अस्मिन् रंगे अमूल्यं योगदानं लोकेभ्यो दत्तवन्तः आसन् इति माञ्चस्टर् विश्वविद्यालस्य प्राध्यापकः डो जोर्ज् गीवर्गीस् जोसफ् वर्यः वदति।
संगमग्राममाधवस्य गणितसिद्धान्तान् माधव-न्यूट्टन्, माधव-लेब्निस्, माधव-ग्रिगरिस् इत्यादि रूपेण पुनर्नामकरणं कृत्वा प्रकाशित इति डो गीवर्गीस् जोसफ् वदति।

इरिङ्ङालक्कुटा इति अधुना विख्याते संगमग्रामे कल्लेट्टुंकरा समीपे इरिङ्ङाटप्पल्लि मना इति गेहे माधवः अजायत इति मन्यते। स्वदेशस्थानाम् अज्ञाकनामा संगमग्राममाधवः पाश्चात्यशास्त्रलोके लब्धप्रतिष्ठः भवति। त्रिकोणमितिः, ज्यामिति, काल्कुलस् प्रभृतयः सिद्धान्ताः अस्य योगदानं भवति।
द्विग्गणितस्य कर्ता वाटश्शेरि परमेश्वरः, सूर्यकेन्द्रित- सौरयूथमधिकृत्य पठितवान् नीलकण्ठसोमयाजिप्पाट्, ज्येष्ठदेव प्रभृतयः संगमग्राममाधवस्य शिष्याः आसन्।

कोषिक्कोट्- लिङ्गभेदं विना वस्त्रधारणं प्रोत्साहयितुं मातृभूमिपत्रिकायाः प्रचारणवेदिकायां प्रसिद्धः कथाकारः टि पद्मनाभन् वर्यः एवम् अभिप्रयति स्म।
विद्यालयेषु बालकानां बालिकानां च कृते गणवस्त्रेषु ऐकरूप्यम् इति बुध्या बालुश्शेरि सर्वकारीय उच्चतरविद्यालये गणवस्त्रघटना परिष्कृता आसीत्। बालकाः बालिकाश्च निर्दिष्टे वर्णे ऊरुकं युतकं च धृत्वा विद्यालयमागच्छन्तु इति निर्णयः विद्यालयाधिकृतैः स्वीकृतः। बहूनां सामान्यजनानां संघटनानां च समर्थनं एतस्य कृते जातम्। परं केचन एनं निर्णयं विरुध्य च समागताः। अस्मिन् प्रसङ्गे एव मातृभूमिपत्रिकया एष संवादः समायोजितः।

ऊरुकं युतकं च बालिकाबालकयोः समीचीनं वस्त्रमेव, तद्धृत्वा गमनागमनं सौविध्यमेव। अस्मिन् विषये विरुद्धाभिप्रायः त्यज्यतां, वेषभूषार्थम् अवसरः अन्यत्र भविष्यति, इदानीं सौविध्यमेव परमं प्रधानम् इति उदाहरणेन साकं कथाकारः समर्थितवान्।

उदगमण्डलम्- तमिल् नाटु राज्ये नीलगिरि मण्डले उदगमण्डलसमीपं कूनूर् प्रदेशे अद्य मध्याह्ने सैनिकोदग्रयानापघाते चत्वारः मृतः। उन्नताधिकारिभिः साकं उड्डयिते उदग्रयाने संयुक्तसैनिकाध्यक्षः जनरल् विपिन् रावत् सपरिवारं यात्रिकः आसीत्। स व्रणितः सन् चिकित्सालयं नीतः।

अपघाते जाते उदग्रयानं सम्पूर्णतया अग्निसादभवत्। १४ जनाः उदग्रयाने आसीत्। एषु चत्वारः मृताः दृष्टाःसप्तजनाः व्रणिताः सन्तः चिकित्सालयं नीताः। एषां स्थितिः गुरुतरा इति श्रूयते। त्रयः इतः परं द्रष्टव्याः।

अपघातसंबन्धि औद्योगिकस्थिरीकरणं नागतम्। विपिन् रावत् वर्योपि कालकबलीभूतः

नवदिल्ली- असमी कविः नील्मणी फूकन् कोङ्कण आख्यायिकाकारः दामोदर् मौसो च ज्ञानपीठपुरस्कारेण आदृतौ। फूकन् वर्याय गतवर्षीयपुरस्कारः तथा मौसो वर्याय एतद्वर्षीयपुरस्कारश्च प्रददाति। ११ लक्षं रूप्यकाणि काचनिर्मितं सरस्वतीशिल्पं फलकं च पुरस्काररूपेण दीयन्ते।

असमभाषाकवितासु प्रतीकात्मकतां प्रतिनिदधाति फूकन् वर्यस्य कविता। १३ सम्पुटत्वेन कविताः प्रकाशिताः। कोबिता इति कवितासमाहाराय १९८१ तमे वर्षे साहित्य अक्कादमीपुरस्कारः, १९९९ तमे वर्षे पद्मश्रीपुरस्कारश्च अनेन अवाप्तः।
कोङ्कणि भाषायाम् आख्यायिकाः कथाः पटकथाः बालसाहित्यानि च मौसो वर्येण लिखितानि सन्ति।

कालटी-श्रीशङ्कराचार्य संस्कृतविश्वविद्यालयस्य कुलपतिपदवीतः श्रीमान् धर्मराज् अटाट्ट् वर्यः अद्यः विरमते। गतेषु चतृषु वर्षेषु अस्य विश्वविद्यालयस्य अक्कागमिक-प्राशासनिकरंगयोः महाशयस्यास्य नेतृत्वे बहूनि प्रवर्तनानि निर्व्यूढानि। NAAC संस्थायाः A+ श्रेणी स्वायत्तीकृतः केरलस्य प्रथमः विश्वविद्यालयः भवत्ययम्।

सम्पूर्णतया अङ्कीयरूपेण अध्ययनमपि प्रथमम् अत्रैव भवति। अधिगमाधिष्ठिता पाठ्यपद्धतिरपि प्रथमतया अत्रैव आयोजिता।

एवं बहुरूपेण विश्वविद्यालयस्य औन्नत्ये बद्धश्रद्धोयं अद्य व्यरमत्। आङ्गले, मलयाले संस्कृते च आहत्य ४५ ग्रथाः अनेन रचिताः। ३०० परिमितानि लेखनान्यपि अनेन प्रकाशितानि।

अध्यापकः, प्रशासकः, साहित्यकारः, दार्शनिकः, समाजप्रवर्तकः इत्यादिषु रंगेषु अस्य योगदानम् अभवत्। पुनरपि एषु रंगेषु योगदानं विधातुं स शक्नुयात् इत्याशासे।

तिरुवनन्तपुरम्- प्रशस्तः कविः गानकारश्च बिच्चु तिरुमल वर्यः निर्यातः। स ८० वयस्कः आसीत्। तिरुवनन्तपुरस्थे निजीयचिकित्सालये अद्य प्रात एवास्य मृत्युरभवत्। हृदयाघातकारणात् चिकित्सायामासीत्।

चतुश्शताधिकानां चलच्चित्राणां कृते सहस्राधिकानि गानानि अनेन रचितानि। चलच्चित्रगीतानि भक्तिगीतानि चान्तर्भाव्य पञ्चसहस्राधिकानि गीतानि तस्य तूलिकया आविर्भूतानि। १९७० आरभ्य १९९० पर्यन्तं श्याम्, ए टि उम्मर्, जि देवराजन्, रवीन्द्रन्, इलयराजा इत्यादिभिः संगीतनिदेशकैः साकं बहूनि आस्वाद्यगीतानि अयं केरलीयेभ्यः प्रादात्।

बहवः पुरस्काराः अनेन अवाप्ताः।