Category Archives: News Updates
केरलं व्यवसायिनां सौहृदं राज्यम् – राज्यपालः ज. पी. सदाशिवम्।
तिरुवनन्तपुरम् – केरलं व्यवसायसंसम्भकाणामुचितं राज्यमिति राज्यपालः पी. सदाशिवं महोदयः अवदत्। केरलस्य विकासार्थं मलयालिनः प्रवासिनः अधिकं योगदानं कर्तुं पारयन्ति इत्यपि सो/सूचयत्। लोककेरलसभायाः समापनाधिवेशनम् उद्घाटनं कुर्वन् भाषमाण आसीत् स महोदयः।
केरलदेशे जाताः लोके सर्वत्र सन्ति। पर्यटनकार्यविकासार्थम् अस्माभिः बह्यः परियोजनाः आसूत्रिताः सन्ति। अस्मिन् विषये प्रवासिकेरलीयानां योगदानम् अवश्यं भावि। तादृशकार्यान्वयनाय संवादस्य तथा सहयोगस्य प्रतिध्वनिः अस्यां लोककेरलसभायां जाता इत्यपि स न्यगादीत्।
भीतिमपनीय प्रजातन्त्रसंरक्षणार्थम् उद्घोषणीयम् – यश्वन्त् सिन्हा।
नवदिल्ली- प्रजातन्त्रं भीषायामस्तीति उद्घोषयन्तः चत्वारः न्यायाधीशाः वार्ताहरसम्मेलने अभाषन्त। तद्वत् प्रजातन्त्रसंरक्षणार्थं भीतिमपनीय केन्द्रमन्त्रिणः अपि उद्घोषयेयुः इति वरिष्ठः भा.ज.पा. नेता यश्वन्त् सिन्हा वर्यः अवदत्। यावत् नियमनिर्माणसभा हीनसन्धिं करोति, यावच्च सर्वोच्चन्यायालयः यथाविधि न प्रवर्तते तावत् प्रजातन्त्रं भीषायां पतति। सर्वोच्चन्यायालयस्य वरिष्ठाः न्यायाधीशा अपि प्रजातन्त्रस्य भीषा अस्तीति वदन्तः सन्ति। तेषां वचांसि न हेयानि इत्यपि सो/वदत्।
विवेकानन्दजयन्ती – अद्य देशीययुवजनदिनम्।
उत्तिष्ठत जाग्रत प्राप्य वरान् निबोधत – सार्धैकशतकात् पूर्वम् इदम् उपनिषद्वाक्यम् उद्घोषयन् कश्चन युवकः भारतीयानां मनसि स्थिरप्रतिष्ठामभवत्। भारतीयानाम् आत्मीयाचार्यः नवोत्थाननायकश्च आसीत् स युवकः।स एव स्वकर्मणा वचसा मनसा च सर्वेषां हृदयपुण्डरीके वासं कुर्वाणः स्वामी विवेकानन्दः। अमेरिक्कायां चिक्कागो नगरे संवृत्ते प्रथमे विश्वधर्मसम्मेलने भारतस्य प्रतिनिधिरूपेण भागं भजन् सर्वेषां प्रशंसाभाजनमभूत् स महात्मा। वंगदेशे विश्वनाथ दत्तस्य पुत्रत्वेन भूजातः नरेन्द्रनाथदत्त एव पश्चात् सन्यासं स्वीकृत्य विवेकानन्द इति नाम स्वीकृतवान्। श्रीरामकृष्णपरमहंसस्य शिष्यः आसीदयं महात्मा। अस्य जन्मदिवसः युवजनदिनत्वेन आचर्यते। १९८४ तमे वर्षे एतस्य निर्णयो जातः। ततःप्रभृति प्रतिवर्षं विविधैः कार्यक्रमैः युवजनदिनम् आघुष्यते।
केरलविद्यालयकलोत्सवम् आगामिनि वर्षे युनेस्को पैतृकानुसूचिकायाम् अन्तर्भावयति।
तृशूर् – तृशिवपुरे सम्पन्नं ५८ तमं विद्यालयकलोत्सवं युनेस्को पैतृकानुसूचिकाय़ाम् अन्तर्भावयितुम् अनुमतिर्जाता। एतदर्थं युनेस्को मुख्यनिदेशकं प्रति शिक्षामन्त्री प्रोफ. सी. रवीन्द्रनाथः पत्रं प्रेषितवानासीत्।
राज्य-शिक्षाविभागः एतदर्थं श्रममारभत। आगामिनि वर्षे एषः कलोत्सवः युनेस्को अनुसूचिकायां स्थानं लभेत इति सामान्यशिक्षानिदेशकः के.वी.मोहन् कुमार् एे.ए.एस्. अवदत्। भारते इतःपर्यन्तं को/पि कलोत्सवः अस्यां पट्टिकायां न आगतः एष्यायाः बृहत्तमः कलोत्सवः भवति अस्माकं कलोत्सवः। युनेस्को अङ्गीकारः केरलस्य तथा अस्य कलोत्सवस्य च यशः अन्ताराष्ट्रतले व्यापयितुं समर्थ इति सो/वदत्।
न्यायाधीशः के.एम्. जोसफ् सर्वोच्चन्यायालये प्राड्विवाकः
नवदिल्ली – सर्वोच्चन्यायालये प्राड्विवाकानां पङ्क्तौ अन्यः केरलीयो/पि नियुक्तः। श्री. के.एं. जोसफ् महाशयं न्यायाधीशत्वेन नियोक्तुं मुख्यन्यायाधीशस्य आध्यक्ष्ये सम्पन्नायाः कोलीजियं नाम समितेः सूचना। ज. के.एं जोसफ् अधुना आन्ध्रा-तेलङ्गाना उच्चन्यायाले मुख्यन्यायाधीशः भवति।
श्रीमान् के. शिवन् ऐ.एस्. आर्.ओ. निदेशकः।
नवदिल्ली – भारतीय बहिराकाश गवेषणसङ्घस्य मेधावित्वेन प्रमुखः शास्त्रज्ञः के. शिवन् वर्यः नियुक्तः। ए.एस् किरण्कुमार् वर्यस्य नियुक्तिकालः जनुवरि १४ तमे दिनाङ्केन पर्यवसति। अतः नूतनी नियुक्तिः। अधुना विक्रं साराबाय् शून्याकाशकेन्द्रस्य निदेशकः भवति तमिल् नाटु नागर् कोविल् देशीयः श्रीमान्. के. शिवन् वर्यः। स क्रयोजनिक् एन्जिन् निर्माणे विदग्दः भवति।
मुम्बै ऐ.ऐ.टी. मध्ये विद्यामतीतः श्री. के. शिवन् १९८० मध्ये मद्रास् इन्स्टिट्यूट् आफ् टेक्नोलजीतः एय्रोनोट्टिक्कल् एन्जिनीयरिङ् विषये बिरुदं सम्पादितवान्।
अन्तिमस्पर्धायामिदानीं कोषिक्कोट् जिल्ला अग्रिमस्थाने।
तृशिवपुरम् – केरला स्कूल कलोत्सवस्य संस्कृतविभागे अन्तिमस्पर्धामध्ये इदानीं कोषिक्कोट् जिल्ला (९५) अग्रिमस्थाने वर्तते। चतुर्मात्राङ्कन्यूनतया पालक्क्काट् जिल्ला (९१) द्वितीयस्थाने तिष्ठति।
एवं च सामान्यविभागे∫पि कोषिक्कोट् (८८५) पालक्क्काट् (८८३) च। कलोत्सवस्याद्य समापनम्।
५९ तमः विद्यालयीयकलोत्सवः आलप्पुषा नगरे सम्पत्स्यते।
तृशिवपुरम्- पूरस्य नगरे कौमारकलोत्सवस्य शुभपर्यवसानमभवत्। आगामिनि वर्षे जलपूरस्य नगर्यां कलोत्सवः प्रचालयिष्यति। कलोत्सवस्य आतिथेयत्वं विंशति वर्षात् परमेव आलप्पुषा जनपदमायाति। २०१९ जनुवरि मासे अलप्पुषायां कलोत्सववोदिकाः सम्पत्स्यते।
विद्यालयीयकलोत्सवे संस्कृतोत्सववेदिकायां विचारसभा सम्पन्ना।
तृशिवपुरम् – राज्यस्तरीय विद्यालयकलोत्सवस्य भागत्वेन समायोजिते संस्कृतोत्सवे अद्य विचारसभा आयोजिता। संस्कृतस्य समकालिकप्राधान्यम् इति विषयमधिकृत्य कालटि संस्कृतविश्वविद्यालयस्य प्राध्यापकः श्री निषाद् महाशयः प्रबन्धं प्रास्तौत्। कालटि संस्कृतविश्वविद्यालयस्य उपकुलपतिः धर्मराज् अटाट् वर्यः, श्री. सन्तोष् कुमारः डो. सुनिल्कुमार् कोरोत् प्रभृतयः सन्निहिताः आसन्।
विचारसभया साकं पण्डित समादरणमपि प्राचलत्। पण्डितौ डो. वि. एस् विजयन्, डो. औसेफ् च समादृतौ। अपि च नववाणी मोबैल् आप्लिकेषन् समर्पणमपि अभवत्। त्रयाणामपि सममेव उद्घाटनं शिक्षासचिवः प्रेफ. सी. रवीन्द्रनाथवर्यः निरवहत्। कृषिमन्त्री वी. एस् सुनिल् कुमार् वर्यः आध्यक्षमवहत्।डी.पी.एे. के.वी. मोहन्कुमार् वर्यः सर्वेभ्यो स्वागतम् आशंसत्,। संस्कृतस्य विशिष्टाधिकारिणी डो. टी.डी. सुनीतीदेवी कृतज्ञतां च व्याहरत्।
नववाणी मॊबैल् अप्लिक्केषन् समुद्घाटितम्।
तृशिवपुरम् – संस्कृतलोकान् आह्लादपुलकितान् कृत्वा केरल-शिक्षामन्त्रिणा प्रोफ. रवीन्द्रनाथमहोदयेन नववाणी नाम मॊबैल् आप्लिक्केषन् समुद्घाटितम्। ‘नववाणी’ गवेषणात्मकभाषापठनस्य अनुपममुदारणमिति उद्घाटनभाषणे शिक्षामन्त्रिणा प्रोक्तम्। एतादृशानि प्रवर्तनानि निश्चयेन प्रोत्साहनीयानि इति सो∫वदत्। केरलराज्यस्य विविधजिल्लाभ्य आगतैः संस्कृतज्ञैः अध्यापकैः छात्रैश्च सम्पन्नममासीत् सदः। कृषिमन्त्रिः श्री सुनिलकुमारमहोदयः अस्याः घटनायाः अध्यक्षपदमलंकृतम्। राज्यस्तरीय-संस्कृतोत्सवस्य भागत्वेन समायोजितासीत् इयं विचारसभा। सम्मेलने∫स्मिन् सामान्यविद्याभ्यासाध्यक्षः स्वागतभाषणमकरोत्। टि.एस् विजयः, डो. पि.वि. ओसेफ्, श्रीमती मेरी तोमस् डो. धर्मराज् अटाट्ट्, श्रीमती सुनीतीदेवी च प्रभृतयः भाषणमकुर्वन्। नववाणी जालपुटस्य मुख्यसम्पादकः सी.वी. जोस् महाशयः अपि अस्यां वेदिकायां समादृतः।
