तिरुवनन्तपुरम् – केरलविधानसभायाः चेङ्ङन्नूर् सामाजिकः के.के.रामचन्द्रन् नायर् वर्यः दिवंगतः। अद्य प्रातः चतुर्वादने चेन्नै अप्पोलो चिकित्सालये आसीदस्य अन्त्यम्। यकृत् सम्बन्धेन आमयेन पीडितः तस्य चिकित्सायाम् आतुरालयं प्रवेशितः आसीत् ६५ वयस्कः अयम्। अस्य भौतिकं देहम् अद्य मध्याह्ने अनन्तपुरी विमानपत्तनम् आनेष्यति।

     एस्.एफ्.ऐ. नामकस्य विद्यार्थिसङ्घस्य प्रवर्तकरूपेण राजनैतिकक्षेत्रं प्रविष्टः स मार्क्सवादी-साम्यवादी दलस्य वरिष्टनेता आसीत्। २०१६ मेय् मासे चेङ्ङन्नूर् मण्डलात् सामाजिकत्वेन चितः आसीत्।