नवदिल्ली- प्रजातन्त्रं भीषायामस्तीति उद्घोषयन्तः चत्वारः न्यायाधीशाः वार्ताहरसम्मेलने अभाषन्त। तद्वत् प्रजातन्त्रसंरक्षणार्थं भीतिमपनीय केन्द्रमन्त्रिणः अपि उद्घोषयेयुः इति वरिष्ठः भा.ज.पा. नेता यश्वन्त् सिन्हा वर्यः अवदत्। यावत् नियमनिर्माणसभा हीनसन्धिं करोति, यावच्च सर्वोच्चन्यायालयः यथाविधि न प्रवर्तते तावत् प्रजातन्त्रं भीषायां पतति। सर्वोच्चन्यायालयस्य वरिष्ठाः न्यायाधीशा अपि प्रजातन्त्रस्य भीषा अस्तीति वदन्तः सन्ति। तेषां वचांसि न हेयानि इत्यपि सो/वदत्।