नवदिल्ली- जूलै 18 दिनाङ्के भारते राष्ट्रपतिनिर्वाचनं नूनं भविष्यतीति निर्णयो जातः। समवायेन राष्ट्रपतिचयनमिति  निर्देशः विपक्षदलैः निरस्तः।  राष्ट्रिय-लोकतान्त्रिक-सख्यस्य स्थानाशत्वेन द्रौपदी मुर्मु वर्या तथा विपक्षदलानां संयुक्तस्थानाशित्वेन यश्वन्त सिह्ना च चितौ।

ओडीषायां भा.ज.पा. दलस्य आदिवासिविभागनेत्री तथा झार्खण्ट् राज्यस्य भूतपूर्वा राज्यपाला च भवति द्रौपदी मुर्मू। सा 64 वयस्का भवति। प्रायोगिकराजनैतिकस्य प्रवक्ता भवति यश्वन्त् सिह्ना। स 84 वयस्कः भवति।  स विहार् राज्यस्य पटना देशीयः। केन्द्रिय परिवहणविभागे सचिवः आसीत् स प्राशासनिकसेवां परित्यज्य राजनैतिकरंगं समासादितः। भूतपूर्वः केन्द्रीय मन्त्री च भवति यश्वन्त सिह्ना।

प्राशासनिक-विपक्षदलयोः बलाबलं परीक्षितुं राष्ट्रपतिनिर्वाचनं निदानं भविष्यति। तस्मिन्नन्तरे महाराष्ट्र राज्ये सामाजिकेषु अस्वस्थतां जनयन् पङ्क्ति परिवर्तनाय यतते भ.ज.पा. दलम् इति सूचना अप्यस्ति। एतत्तु राष्ट्रपतिनिर्वाचने विजयाय  इति वादः अस्ति।

नवदिल्ली- अन्ताराष्ट्रिय-योगदिवसस्य समाचरणार्थं भारतसर्वकारेण अद्य विपुलः कार्यक्रमः आयोज्यते। स्वतन्त्रतायाः पञ्चसप्ततितमेन  वार्षिकेन अमृत् महोत्सवेन संयोज्यैव अस्मिन् वर्षे योगदिवसः आचर्यते।

     राष्ट्रे 75 केन्द्रेष्वेव कार्यक्रमाः समायोजिताः। प्रधानमन्त्री नरेन्द्रमोदीवर्यः मैसूरुनगरे कार्यक्रमस्य नेतृत्वं विदधाति। मैसूरु प्रासादस्थले पञ्चदशसहस्रं जनाः प्रधानमन्त्रिणा सह योगासननिरवहणं विधास्यन्ति। तेषु मैसूरुमहाराजः यदुवीरकृष्णदत्तः, महाराणी प्रमोददेवी, केन्द्रीय आयुष् विभागमन्त्री सर्बानन्द सोनोवालः, कर्णाटकराज्यपालः, मुख्यमन्त्री इत्यादयः सन्ति।

     नवदिल्यां जन्तर् मन्तर् स्थले योगदिवसकार्यक्रमे केन्ज्रीय वित्तमन्त्री निर्मला सीतारामन् वर्या भागं गृह्णाति। शतशः जनाः कार्यक्रमे भागं गृहीतुं तत्र समायाताः।

मलप्पुरम्- एस्-पी-सी- प्रमाणपत्रम् अचिरेण सर्वकारीयवत्त्यर्थं परिगणितं स्यात्। एतदर्थम् आवेगनाय गृहमन्त्रालयः प्रयासः आरब्धः। पुलीस्, अग्निरक्षासेना,एक्सैस्, वनविभागः प्रभृतीनां गणवस्त्रसेनानां नियुक्त्यर्थं श्रेणीनिर्णयसमये अङ्कद्वयस्य प्रामुख्यं दातुमेव निर्णयः भवेत्।

सेनामेधाविनः एनं निर्देशम् अनुकूलरूपेण परिगणयिष्यति इति श्रूयते। एतदर्थं पि०एस्०सी० अनुमतिः आवश्यकी। तदर्थमपि प्रयासः सचिवालयद्वारा पुरोगच्छति।

केरलेषु शिक्ष-पुलीस् विभागयोः संयुक्ताभिमुख्ये एव विद्यालयेषु एस-पी० सी समारभत।

अङ्कारा- तुर्की राष्ट्रम्  इतं परं नुतने नामधेये प्रसिद्धं भविता। तुर्किये इत्येव नूतनं नाम। ऐक्यराष्ट्रसभायाः प्रमाणेषु नूतने नाम्नि एव तुर्की प्रसिद्धा भविष्यति।

रजब् त्वय्यिब् उर्दूगान् शासनस्य आवश्यम् ऐक्यराष्ट्रसभा अनुमेने। अस्मिन् सप्ताहे एव औद्योगिकप्रमाणेषु नूतनं नाम योजनीयम् इति आवश्यमुन्नीय उर्दूगान् शासनं ऐक्यराष्ट्रसभाधिकारिणं समुपागच्छत्।

गते डिसम्बर् मासे एव राष्ट्रस्यास्य नाम परिवर्त्य उर्दूगानस्य प्रख्यापनमभवत्। राष्ट्रस्थानां जनानां संस्कृतीं नागरिकतां  मूल्यानि च अस्मिन् नाम्नि अन्तर्भवन्तीति उर्दूगान् अवदत्।

तिरुवनन्तपुरम्- कोविड् महामार्याः संहारताण्डवेन आराष्ट्रं पिहिताः विद्यालयाः पुनरपि सजीवाः जायन्ते। वर्षद्वयं यावत् प्रवर्तनरहितानां विद्यालयानां सम्पूर्णं प्रवर्तनम् अस्मिन् अध्ययनवर्षे भविष्यति।
केरलेषु ३८ लक्षं छात्राः अद्य विद्यालयं प्राप्नुवन्ति। तेषां स्वीकरणाय एकैकस्मिन् विद्यालये विपुलाः कार्यक्रमाः समायोजिताः सन्ति। प्रवेशनोत्सवमिति नाम्ना राज्यस्थेषु समस्तेषु विद्यालयेषु वैविध्यपूर्णाः कार्यक्रमाः सन्ति।
सर्वेषां छात्राणां विशिष्य प्रथमस्तरे प्रविश्यमाणानां कृते नववाण्याः शुभाशंसाः।

केरलसर्वकारीय संस्कृत विशिष्ठाघिकारिणी श्रीमती डा: टि. डी. सुनीतीदेवी सेवनरङ्गात् मई मासस्य त्रिशत्तमे दिनाङ्गे वृत्तिविरता जाता । सुहृदः तस्यै समुचितं यात्रामङ्गलं समारचयन्।
एरणाकुलस्थे अध्यापकभवने समायोजितायां सभायां केरलराज्यस्य विविधप्रान्तेभ्यः पञ्चविंशतिमिताः सुहृद: सममिलन् । डाः जी. सहदेवमहाशयस्य आध्यक्ष्ये तस्यै तत्र सङ्गता: आशंसा: समार्पयत् । डा. पि. नारायणन् नम्पूतिरिः, एन. के. रामचन्द्रः, प्रो वि माधवन् पिल्ला, एस् सुरेन्द्रः . मणिलाल् पिल्लै, श्रीमती केरलश्रीमती, रमा टी. एते भाषणमकुर्वन् ।
श्री विजयन् वि पट्टाम्पी आशंसापत्रं समार्पयत्। के. जी. रमाबाय्, डा ई. एन्. उष्णिकृष्णः, अम्बिकाकुमारी च सभाया: सङ्घाटका आसन् । केरलेषु संस्कृतपठनं सजीवं सफलं च कर्तुं विशिष्ठाधिकारिणा प्रदर्शितम् आभिमुख्यं सर्वैरनुस्मृतम् अभिनन्दितं च । डा टि. डी. सुनीतीदेवी सर्वेभ्यो कार्तज्ञपूर्वकं प्रतिवचनं चादात् ॥

कोच्ची- पोप्पुलर् फ्रण्ट् इति दलस्य पथसञ्चलनवेलायां धर्मस्पर्धात्मिकां घोषणां कतवतः बालकस्य पितरम् आरक्षिदलं न्यग्रहीत्। कोच्ची पल्लुरुत्ती स्थले एषां गृहमेत्य एव आरक्षिणा स निगृहीतः। तं बालकम् उपदेशमन्त्रणाय प्रेषयिष्यति।

विवादघोषणानन्तरं स बालकः पिता च तिरोभूतावास्ताम्। प्रकरणेस्मिन् भागं भदन्तः नैके प्रवर्तकाः अपि आरक्षिनिग्रहे सन्ति।

पथसञ्चलनस्य आयोजकसंघं प्रति व्यवहारः स्वीकर्तव्यः इति उच्चन्यायालयेन आदिष्टमासीत्।

। श्रेष्ठनटविभागे जोजु जोर्ज् (मधुरं, नायाट्ट् इति चलचित्रयोः कृते), बिजु मेनन् (आर्करियाम् इति चलचित्रम्) च चितौ। श्रेष्ठनटी रेवती। भूतकालम् इति चलचित्रे अभिनयः एव पुरस्काराय गणितः।
श्रेष्ठचलचित्रस्य कृते विशिष्ट जूरीपुरस्कारः फ्रीडं फैट् इति जियो बेबीवर्यस्य चलचित्राय दत्तः। चलचित्रग्रन्थस्य कृते पुरस्कारः अटूर् गोपालकृष्णन् महाोशयाय दत्तः।
श्रेष्ठः निदेशकः -दिलीष् पोत्तन्,
श्रेष्ठः चलचित्रग्रन्थः – चमयम्, पट्टणं रषीद्।
नवागतनिदेशक‌ः – कृष्णेन्दु कलेष्।
श्रेष्ठं जनप्रियतलच्चित्रम्- हृदयम्।
नृत्तनिदेशनम्- अरुल् राज्
शब्दयोजनम्- -देवी एस्,
वस्त्रालङ्कारः मेल्वी जे -मिन्नल् मुरली-
रूपसज्जा- रञ्जित् अम्बाटी।
पश्चात्तलगानम्- सितारा कृष्णकुमार्।
सङ्गीतनिदेशनम्- हिषाम् अब्दुल् वहाब्
गानरचना- बी के हरिनारा।णन्
पटकथा- श्यां पुष्करन्

तिरुवनन्तपुरम्- समाजस्पर्धां विद्वेषं च विकीर्यमाणं भाषणं कृतवान् इति व्यवहारे पारिभाव्यव्यवस्थाम् उल्लङ्घितवान् सामाजिकचरः पि-सि- जोर्ज् वर्यः आरक्षिनिग्रहे अस्ति। अनन्तपुरि हिन्दुमहासम्मेलने अस्य विवादपरामर्शे एवायं प्रक्रमः।

पूर्वं व्यवहारेस्मिन् गृहीतः पारिभाव्यं लब्ध्वा पुनः पालारिवट्टं प्रदेशेपि समानं भाषणं कृतवान्। अतः पारिभाव्यं निरसनीयम् इति व्यवहाराभियोगस्य आवेगनम् परिगणय्यैव प्राड्विवाकः अद्य पारिभाव्यं निरस्य जोर्ज् वर्यस्य ग्रहणाय अनुमतिं ददौ।

तिरुवनन्तपुरम्।- राष्ट्रपतिः रामनाथ कोविन्दः अद्य केरलं प्राप्स्यति। द्विदिवसीय पर्यटनार्थमेव राष्ट्रपतिः आगच्छति। सायं 8.30 वादने शङ्खमुखं व्योमसेना विमानपत्तने एव तस्य विमानमागच्छति। अद्य राजभवने विश्रामः। मुख्यमन्त्री पिणरायि विजयन् वर्यः, राज्यपालः आरिफे मुहमेमद् खान् वर्यश्च विमानपत्तने राष्ट्रपतिं प्रत्युद्गमिष्यतः।

आसादी का अमृद् महोत्सवस्य भागत्वेन गुरुवासरे प्रातः राज्यविधानसभायां आयोज्यमानस्य राष्ट्रिय वनिता सामाजिकाधिवेशनस्य उद्घाटनं राष्ट्रपतिः विधास्यति। मध्याह्नभोदनानन्तरं सायं पञ्चवादने दिल्लिं गमिष्यति।