आलूर्- चेन्नै गुम्मिडिप्पुण्डि स्थले समायोजितायां दक्षिणभारत-योगाप्रतियोगितायाम् आलूर् उच्चतरविद्यालयस्थः प्रशान्त् पि राजन् नामकः अध्यापकः तृतीयस्थानेन सम्मानितः।

३६-४६- वयोविभागे केरलानां प्रतिनिधिरूपेणैव अयं संस्कृताध्यापकः मत्सरे भागं जग्राह। मातृभूमि सीड् संघे उत्कृष्टः समायोजकः इति पुरस्कारोपि अनेन समासादितः अभवत्।

राष्ट्रस्य अमृताघोषकाले नववाणी समस्यालेखनस्पर्धायां पञ्चसप्ततिश्लोकान् विलिख्य मेप्पयूर् प्रदेशस्थो नारायणः सर्वान् विस्मापितः। “स्वतन्त्रं मम भारतम्” इत्यासीत् समस्या । नववाणी संस्कृत आप् इत्यस्य आभिमुख्ये प्रतिसप्ताहं प्रदत्तमाना समस्या एव नारायणाय कवितालेखने प्रचोदिका जाता ।

नारायणः 1953 तमे वर्षे आगस्त् मासस्य 15 तमे दिने मेप्पयूर न रोत्त् भवने भूजातोSभवत् । उक्कारन् नम्ब्यार् अम्मालु अम्मा चास्तां तस्य पितरौ । आविलकुट्टोत्त् प्राथमिकविद्यालयात् ए२वल्लूर् नारायणविलासमाध्यमिकविद्यालयात्तथा पेराम्ब्रा उच्चविद्यालयाच्च प्राप्तविद्यः सः संस्कृताध्यापकपरीक्षायामापि उत्तीर्णोfभवत् । ततः पेराम्ब्रास्थिते कल्पत्तूर् माध्यमिकविद्यालये 1995 तमे वर्षे संस्कृताघ्यापकत्वेन नियुक्तोfभवत्। तत्र चतुस्त्रिंशत् वर्षाणि छात्रान् पाठयन् समाराध्योfभवत् । तत्पुर्वमेव 1990 तमे वर्षे साक्षरताप्रवर्तनेषु निरतः सः तत्प्रवर्तनानां समायोजकत्वेन च प्राशोभत ।
2009 तमे वर्षे अध्यापनकर्मणः विरतोsपि सः अन्तर्जालीय संस्कृतपाठनप्रवर्तनेषु व्यापरन्नस्ति । नववाणीसंस्थया प्रतिसप्ताहं प्रचाल्यमानायां समस्यापूरणस्पर्धायां विना विलम्बं विनायासं नैकानि समस्यापूरणानि लिखन् विधिनिर्णयसमित्या पुरस्कृतश्चासीत्। राष्ट्रस्य स्वतन्त्रतायाः अमृतमहोत्सवस्य शुभदिने तस्यापि जन्मदिनमिति नैवात्र काकतालीयता। साक्षाज्जन्मदिनं स्वाधीनतादिने एव अभवदिति विशेषोfप्यस्ति । तस्मिन्नेवावसरे  ” स्वतन्त्रं मम भारत” मिति समस्यायाः उदयश्च ।  विना विलम्बं पञ्चसप्ततिश्लोकान् विलिख्य कृतार्थश्च सम्पन्नः । सकुटुम्बं पुत्रपौत्रैश्च साकं कृषिकर्मणि तथा संस्कृतसेवने च व्यामग्नः कुट्टोत्त्  मेप्पयू२ग्रामस्थिते नारोत्त्भवने जीवन्नस्ति । तस्मै आयुरारोग्यसौख्यमेव सदा भूयादिति प्रार्थयते नववाणी |

नववाणी समस्या, प्रश्नोत्तरम् इत्यादिभिः स्पर्घाभिः सहृदयान् संस्कृतानुरागिणश्च चोदयन्ती विराजते ।

तृशूर्- केरल-संस्कृत-अक्कादमीपुरस्कारः घोषितः। नाट्यकलाक्षेत्रे सेवामभिलक्ष्य २०२० तमवर्षस्य संस्कृतिपुरस्कारः श्रीमते पी-के० नारायणन् नम्प्यार् वर्याय, संस्कृते भाषापाण्डित्यप्रचारणक्षेत्रे सेवामादृत्य २०२१ तमवर्षस्य पुरस्कारः श्रीमते प्रोफ-कृष्णकुमार् वर्याय च दास्यति।

न्यायभूषणं पी- रामन् नम्प्यार् वर्यस्य नाम्नि तेषां शिष्यप्रवरेण के-टी- माधवन् वर्येण समायोजितः रामप्रभापुरस्कारः श्रीमते हरिप्रसाद् कटम्पूर् वर्याय दास्यति।
१०००० रूप्यकाणि, प्रशस्तिपत्रं फलकं च पुरस्कारे अन्तर्भवन्ति। अस्मिन् मासे २७ तमे दिनाङ्के तृशूर् साहित्य अक्कादमि-वैलोप्रिल्लि वेदिकायां पुरस्कारदानसमारोहः समायोक्ष्यते।

नवदिल्ली- भारतस्य चतुर्दशे उपराष्ट्रपतिपदे जग्दीप् धनकर् वर्यः चितः। स ५२८ मतेनैव चितः। विपक्षदलानां स्थानाशी मार्गरट्ट् आल्वा वर्या १८२ मतम् अलभत। १५ सदस्यानां मतम् असाधुरभवत्। ७८० सदस्येषु ७२५ सदस्याः मतदाने भागमगृह्णन्। आमयकारणेन भा ज पा दलस्य द्वौ सदस्यौ मतदानार्थं नागतौ। सण्णी डियोल्, तथा सञ्जय् दोग्रे च तौ सदस्यौ।

तृणमूल् काण्ग्रेस् दलस्य ३७ सदस्येषु केवलं द्वावेव मतदानार्थमागतौ। अन्यैः ३४ सदस्यैः मतदानं बहिष्कृतम्।

आगामिनि गुरुवासरे उपराष्ट्रपतेः सत्यशपथं भविता। जग्दीप् धनकरः अभिभाषकत्वेन संसत्सदस्यत्वेन च प्रथितयशाः भवति। स राजस्थानराज्ये कित्तान देशीयः अस्ति। इतः पूर्वमसौ पश्चिमबंगराज्ये राज्यपालः आसीत्।

तिरुवनन्तपुरम्- राज्ये वर्षाः शक्ताः जाताः। आगामि दिनचतुष्टयं अतिशक्तां वृष्टिं प्रतीक्षते इति केन्द्रीय पर्यावरणनिरीक्षणकेन्द्रस्य सूचना। प्रथमं मध्य-दक्षिण केरलेषु वृष्टिः भविता। क्रमशः उत्तरकेरलेष्वपि वृष्टिः शक्तिं प्राप्स्यति। वयनाट् कासरगोण मण्डले अतिरिच्य अन्यत्र मण्डलेषु वृष्टिजागरूकता घोषिता। तत्रापि तिरुवनन्तपुरं, केल्लं पत्तनंतिट्ट, आलप्पुष इटुक्कि मण्डलेषु कुङ्कुमाङ्गजागरूकता, शिष्टेषु मण्डलेषु पीतजागरूकता च घोषिता।

ह्यस्तनरात्रेः आरभ्य गिरिप्रदेशेषु वृष्टिः अधिका दृश्यते। अतः तत्रत्यवास्तव्याः नितान्तजागरूकतां पालयेयुः इति दुपन्तनिवारण संघस्य सूचना।

वृष्टेः घटना अधिका चेत् केतन जलबन्धाः उद्घाटितव्याः भवेयुः अतः जनैः नितान्तदागरूकैः भाव्यम् इति सूचना अस्ति।

नवदिल्ली- भारतस्य पञ्चदशतमे राष्ट्रपतिपदे द्रौपदी मुर्मू वर्या निर्वाचिता। अस्मिन् पदे चिता द्वितीया वनिता भवतीयम्। ओडीषाराज्ये मयूर् भञ्ज् मण्डले उपर् बेडायां सान्ताल् गोत्रविभागे भवति द्रौपदी मुर्मू वर्या।

पार्श्वीकृतदनसमाजात् इच्छाशक्तेः प्रतीकत्वेन भारतस्य परमोन्नतपदव्याम् आगता द्रौपदी मुर्मू वर्या नूतनम् इतिहासं रचितवती। अनुसूचितदनजातिविभागात् इगम्प्रथमतया एका परमोन्नतपदवीं प्राप्नोति।

भूतपूर्वः केन्द्रमन्त्री यश्वन्त् सिह्ना आसीत् अस्याः प्रतिद्वन्दी। द्रौपदी मुर्मू वर्यायाः राष्ट्रपतित्वेन सत्यशपथं आगामिनि सोमवासरे (जूलै २५ दिनाङ्के) भविष्यति।

तिरुवनन्तपुरम्- २०२३-२४ वर्षादारभ्य राज्ये बालकानां बालिकानां च कृते पृथक् विद्यालयाः नावश्यकाः इति राज्य बालाधिकारायोगः निरदिशत्। सर्वे विद्यालयाः सङ्कलिताः भवेयुः। एतस्य प्रारम्भरूपेण विद्यालयेषु शौचगृहादीनाम् आधारसुविधानां पर्याप्तता दृढीकरणीया। सहशिक्षामधिकृत्य रक्षाकर्तृणां बोधवत्करणम् आयोजनीयम्।

पृथग्विद्यालयप्रवर्तनेन लिङ्गनीतिनिषेधः भवति, अतः सह शिक्षा आयोजनीया इति सूचयन् ऐसक् पोल् नामकस्य कोल्लं देशीयस्य आवेदनमनुसृत्यैव आयोगस्यायं निर्देशः।

केरलराज्ये बालिकानां कृते २८० विद्यालयाः बालकानां कृते १६४ विद्यालयाश्च सन्ति।

इरिङ्ङालक्कुटा- संस्कृताध्यापकानां छात्राणां इतरेषां संस्कृतोपासकानां च संस्कृताध्ययनाध्यापननैपुणीनां निधानभूतं नववाणी इति संस्कृतजालपुटं देशविदेशेषु संस्कृतप्रणयिनः प्रतिदिनं पश्यन्तः विलसति। संस्कृते पठनपाठनविधयः, कविताः, कथाः, समस्यापूरणानि, शिक्षाविभागस्य सूचनाः, वार्ताः इत्यादीनि जालपुटे उपलभ्यन्ते।

जालपुटस्य प्रवर्तने दशवर्षे अतीते प्रेक्षकाणां संख्या एकलक्षमतीता इति जालपुटादेव साक्षादवगन्तुं शक्यते। कोविड् काले आधिजालिककक्ष्यामभिव्याप्य बहवः कार्यक्रमाः नववाणीद्वारा छात्रेषु अध्यापकेषु च प्रापिताः।

नववाण्याः प्रवर्तनां इतोप्यधिकम् आकर्षकं कर्तुम् उपायाः चिन्त्यन्ते अस्य प्रायोजकैः।

टोक्यो – जापानस्य भूतपूर्वः प्रधानमन्त्री षिन्सो आबे वर्यः [६७] गोलिकाशस्त्रेण मारितः। पश्चिमनगरे नारानामके स्थले निर्वाचनप्रचारणार्थम् आयोजिते अधिवेशने भाषमाण आसीत् सः। तस्य पश्चाद्भागतः भुषुण्डिप्रयोगः जातः। व्योममार्गेण झटित्येव आतुरालयं प्रवेशितः अपि रक्षा न साधिता। घातक इति सन्दिह्यमानः तेट्सुया यामागामि नामकः घटनास्थानादेव आरक्षिभिः निगृहीतः।
जापाने बहुकालं प्रधानमन्त्रिपदमारूढवान् षिन्सो आबे राष्ट्रस्य आर्थिकमण्डलविकासाय निर्णायकं स्थानमावहत्। आत्ममित्रस्य दुरन्ते प्रधानमन्त्री नरेन्द्रमोदी अन्वशोचयत्। आदरसूचकेन राष्ट्रे एकदिवसीयं दुःखाचरणं घोषितम्।

तिरुवनन्तपुरम्- भारतीयसंविधानमधिकृत्य विवादास्पदं परामर्शं कृतवान् इत्यतः सांस्कृतिकविभागमन्त्री सजि चेरियान् वर्यः स्वपदवीं तत्याज। सि-पि-एम् राज्यनेतृत्वस्य निर्देशानुसारमेव स्थानत्यागः। अद्य सायं वार्तहरसम्मेलने तेन इदमसूचयत्।

गते रविवासरे पत्तनं तिट्ट मल्लप्पल्लि देशे समायोजिते अधिवेशने भाषमाणेन मन्त्रिवर्येण अस्माकं संविधानमधिकृत्य विवादपरामर्शः कृतः आसीत्। ततः विपक्षदलमभिव्याप्य सर्वे विमर्शनं कृतवन्तः। साम्यवादीदलस्य अखिलभारतीयसमितेः निर्देशानुसारमेव स त्यागपत्रमदात्।