जापानस्य भूतपूर्वः प्रधानमन्त्री गोलिकाभिः मृतः।

टोक्यो – जापानस्य भूतपूर्वः प्रधानमन्त्री षिन्सो आबे वर्यः [६७] गोलिकाशस्त्रेण मारितः। पश्चिमनगरे नारानामके स्थले निर्वाचनप्रचारणार्थम् आयोजिते अधिवेशने भाषमाण आसीत् सः। तस्य पश्चाद्भागतः भुषुण्डिप्रयोगः जातः। व्योममार्गेण झटित्येव आतुरालयं प्रवेशितः अपि रक्षा न साधिता। घातक इति सन्दिह्यमानः तेट्सुया यामागामि नामकः घटनास्थानादेव आरक्षिभिः निगृहीतः।
जापाने बहुकालं प्रधानमन्त्रिपदमारूढवान् षिन्सो आबे राष्ट्रस्य आर्थिकमण्डलविकासाय निर्णायकं स्थानमावहत्। आत्ममित्रस्य दुरन्ते प्रधानमन्त्री नरेन्द्रमोदी अन्वशोचयत्। आदरसूचकेन राष्ट्रे एकदिवसीयं दुःखाचरणं घोषितम्।

Leave a Reply

Your email address will not be published. Required fields are marked *