तिरुवनन्तपुरम् –  लिगानामिकायाः वैदेशिकवनितायाः परिवाराय केरलसर्वकारेण प्रख्यापितं पञ्चलक्षरुप्यकाणां सहायधनं तस्याः सोदर्यै इल्सायै टूरिसं मन्त्री श्री कटकंपल्लि सुरेन्द्रवर्यः अदात्। लिगायाः अपमृत्युमधिकृत्य आरक्षिदलानामन्वेषणविषये इल्सा तृप्तिं प्राकटयत्। टूरिसं कार्यदर्शी श्रीमती ऱाणी जोर्ज् ऐ.ए.एस्, डो. बालकिरण् ऐ.ए.एस्, जाफर् मालिक् ऐ.ए.एस्, वि.एस् अनिल् प्रभृतयः सन्निहिता आसन्।

तृशूर्-वर्णछत्राणि एकैकक्रमेण वानमुदगच्छत्। पूरप्रेमिणां मनसि अत्युत्साहं जनयन् छत्रविन्यासः। छत्रेषु श्रेष्ठतायै तिरुवम्पाटी पारमेक्काव् देवस्थाने परस्परं स्पर्द्धमाने पूराघोषाय आगतानां जनलक्षाणां मनांसि चोरयन् तेक्किन् काट् स्थलमेकं वर्णोद्यानमभवत्। तदन्तरे अभ्यूहानां विरामं कुर्वन् विस्फोटकवस्तूनां प्रयोगाय अनुमतिं च प्राप। तिरुवम्पाटी पारमेक्काव् देवस्थानयोः एतत्सम्बन्धी निर्देशः दत्तः। श्वः प्रात एव विस्फोटकप्रयोगः। पूर्वम् एतदर्थम् अनुमतिं न लब्धा इत्यतः महान् प्रतिषेधः अवर्तत। अधुना तु सर्वं शुभमभवत्।

तिरुवनन्तपुरम्- राज्यस्थानां प्राथमिक-माध्यमिकस्तरीयाणां छात्राणां कृते मूल्यस्वीकारं विना गणवस्त्राणि दीयन्ते। एषां वितरणम् अस्मिन् मासे एव पूर्णं भविष्यति। सार्धचतुर्लक्षं छात्राः अस्याः पद्धतेः गुणभोक्तारः भवन्ति।हस्तवेमनिर्मितानि वस्त्राण्येव एतदर्थमुपयुज्यन्ते। विद्यालयाधिष्ठितं वर्णवैविध्यं भवेत् इत्यतः विविधेषु वर्णेषु २३ लक्षं मीट्टर् पटाः हान्टेक्स् हान्वीव् संस्थाभ्याम् एतदर्थं सज्जीकृताः सन्ति। तिरुवनन्तपुरतः एरणाकुलपर्यन्तानां सप्तानां दक्षिणजनपदानां कृते हान्टेक्स् संस्था, इतरेषाम् उत्तरजनपदानां कृते हान्वीव् संस्था च गणवस्त्राणि दातुं सन्नद्धे भवतः।प्रतिछात्रं द्वियुगलं गणवस्त्रं दीयते।

तिरुवनन्तपुरम्- राज्ये अद्य आरभ्यमाणम् अनुवैद्यानां कर्मस्थगनसमरं प्रत्यग्रहीत्। तेषामावेदनं परिगणय्य वेतनपरिष्करणाय सर्वकारीणादेशः उद्घोषित इत्यतः समरमुखात् ते प्रतिनिवर्तन्ते। तथापि दैनिकभृतीनां न्यूनतां विरुध्य प्रक्षोभान्तरं आयोक्ष्यन्ते इति अनुवैद्यानां संघः असूचयत्। अद्य प्रचाल्यमानं पथसञ्चलनमपि प्रत्यपाययत्।

अद्य प्रभृति अनिश्चितकालसमरः इति अनुवैद्यानां प्रख्यापनात् पश्चात् ह्यः अपराह्णे एव वेतनपरिष्करणाय आदेशः उद्घोषितः। आदेशस्य हस्तप्राप्तिपर्यन्तं समर इति अनुवैद्यानां संघः(यु.एन्.ए.) पूर्वं निश्चियं करोति स्म। तदपि अधुना निरस्तः।

चेन्नै- महानटः तथा मक्कळ् नीति मय्यम् इति दलस्य नेता च कमलहासः बालपीडकेभ्यो मृत्युदण्ड इति पोक्सो नियमस्य संशोधने वयः परिधिविषये विप्रतिपन्नः अस्ति। अस्मिन्नध्यादेशे वयःपरिधि १६पर्यन्तं भवेदिति स चेन्नैनगरे उक्तवान्।
गतदिने राष्ट्रपतिना अङ्गीकृते अध्यादेशे ऊनद्वादशवयस्कानामुपरि यदि पीडा जायेत तर्हि पीडकेभ्ये मृत्युदण्डः १२ तः १६ पर्यन्तं वयस्कानां पीडा जायेत चेत् पीडकेभ्ये आजीवं कारावासः इति रूपेण पोक्सो नियमे संशोधनमभवत्। अत्र वयः परिधिः ऊनषोडशवयः इति परिवर्तनं करणीयमिति कमलहासः संसूचितवान्।

जयपुर्- औषधपरीक्षणविधेयाः २१ ग्रामीणाः गुरुतरावस्थायां जयपुर् चिकित्सालयं प्रवेशिताः। राजस्थानस्य चारु जनपदे निरक्षरेषु ग्रामीणेष्वेव वैदेशिकम् औषधऩिर्माणप्रमण्डलम् अनधिकृतरीत्या औषधपरीक्षणम् अकरोत्।

     प्रायः मृगेष्वेव एतादृशं परीक्षणं प्रचलति। तत् प्रतिदिनं ५०० रूप्यकाणि दत्वा ग्रामीणेषु परीक्षितमस्ति। अस्य मासस्य १८ तमे दिनाङ्के परीक्षणमारब्धम्।औषधस्य सेवनात् परं ते मुग्धाः अभवन्निति वार्ता अस्ति।अतः प्रमण्डलं विरुध्य ते आवेदनं समर्पितवन्तः।

     विषयं गैरवत्वेन पश्यति अन्विष्य आगस्कारिणं विरुध्य कर्शनः व्यवहारः भविष्यतीति आरोग्यमन्त्री कालिचरण् सरप् अवदत्।

तिरुवनन्तपुरम्- अनुवैद्यानां वेतनपरिष्करणविषये मन्दतां विरुध्य निजीयचिकित्सालयस्थाः अनुवैद्याः केरलसचिवालयं प्रति पथसञ्चलनम् आयोजयन्ति। ऐक्य अनुवैद्य सङ्घस्य (यु.एन्.ए)नेतृत्वे एव पथसञ्चलनम्। चेर्तलातः तिरुवनन्तपुरं पर्यन्तं भवति सञ्चलनं तद् अस्य मासस्य २४ तमे द्नाङ्के समारभ्यते। अनुवैद्यानां राज्यव्यापकं कर्मस्थगनमपि तस्मिन्नेव दिने भविता।
अनुवैद्येभ्यः अवरतः २०००० रूप्यकाणि वेतनत्वेन निर्णीतान्यासीत्। प्रख्यापनानन्तरम् अष्टमासे व्यतीते अपि तादृशः सर्वकारीणनिदेशः न प्रकाशितः एतदेव कर्मस्थगनस्य कारणम्। २४३ दिनानि यावत् ते प्रक्षोभं कुर्वन्ति स्म।

कोच्ची- एरणातुलं कलूरे अट्टत्रययुक्तः प्रासादः निर्माणावस्थायामेव भग्नमभूत्। अपघाते मर्त्यानामपायो नास्ति। ह्यः रात्रौ दशनादने कलूर् मेट्रो निलयसमीपे एव प्रासादः पतित्वा भूमिमन्तर्गतः। अपघातेन मेट्रो सेवनं तात्कालिकतया अवसितम्। निकटस्थं रथ्यागतागतमपि तात्कालिकतया निरुद्धम्। सुरक्षाकारणेनैव सेवनभङ्गः अभवत्।

षार्जा- बालानां दशमवाचनोत्सवस्य षार्जायां समारम्भो/भवत्। दशदिनात्मिकायाम् अस्यां मेलायां नैके छात्राः भागं भजिष्यति। पुस्तकप्रदर्शनं विक्रयः तथा बालानां कृते बहवः कला-शास्त्रकार्यक्रमाः प्रतियोगिताश्च वाचनोत्सवस्य भागत्वेन आयोज्यमानाः सन्ति

ऐक्य-अारब एमिरेट्स् परमोन्नतसमित्यङ्गं तथा षार्जा भरणाधिकारी च षेय्ख् डो. सुल्तान् बिन् मुबम्मद् अल् खासिमि वर्यः एव एक्स्पो केन्द्रे अस्य कार्यक्रमस्य उद्घाटनं व्यदधात्। बालैः तेषां पुस्तकैश्च साकं बहुसमयं व्यतीतवान्।

नवदिल्ली – कठ्वा विषयः अस्माकं राष्ट्रस्य अपमानकर इति राष्ट्रपतिः रामनाथकोविन्दः। किशोराणां सुरक्षा समाजस्य उत्तरदायित्वमस्ति। स्वतन्त्रताप्राप्त्यनन्तरं ७०  वर्षाणि अतीतानि। तथापि ईदृशानां संभवानां प्रभावः राष्ट्रस्य अपमानभूता इत्यपि सः अभिप्रैति स्म। राष्ट्रे नीतिन्यायपरिपालनं भवतीति दृढीकरणमावश्यकमति राष्ट्रपतिः असूचयत्।