Daily Archives: December 16, 2020
केरलेषु प्रादेशिकनिर्वाचनम्, अद्य मतगणना,
तिरुवनन्तपुरम्- कोविड् जागरूकतां परिपाल्य केरलेषु चरणत्रयेण प्रवृत्तस्य निर्वाचनस्य मतगणना आद्य प्रातः अष्टवादने आरभ्यते। मध्याह्नेन सम्पूर्णं फलं ज्ञातुं शक्यते। निर्वाचितानि अङ्गानि आगामिनि सोमवासरे शपथं गृहीत्वा पदवीं स्वीकरिष्यन्ति।
प्रादेशिकस्वयंप्रशासनव्यवस्थामनुसृत्य 1199 प्रादेशिकसंस्थासु 21861 निर्वाचनक्षेत्राणि केरलेषु सन्ति। एषप 941 ग्रामपञ्चायत्, 152 व्लोक् पञ्चायत्, 14 जिल्ला पञ्चायत्, 86 नगरसभाः, 6 महानगरसभाश्च भवन्ति। आहत्य 74899 स्थानाशिनः सन्ति। आहत्य 244 मतगणनाकेन्द्राणि सन्ति। एतानि प्रतिमण्डलं दशतः विंशतिपर्यन्तं व्याप्य तिष्ठन्ति।
