कोषिक्कोट्- केरलेषु राज्य-विद्यालयीयकलोत्सवः २०२३ जनुवरिमासस्य तृतीयदिनाङ्कात् सप्तमदिनाङ्कं यावत् कोषिक्कोट् नगरे आयोजयिष्यति। वेस्ट् हिल् विक्रं केलिस्थलमेव मुख्या वेदिका भविता। विविधमण्डलस्थेभ्यः विद्यालयेभ्यः १४००० छात्राः कौमारकलाप्रतियोगितासु भागभाजः भवितारः।

१९५६ तमे वर्षे समारब्धः अयं कलोत्सवः एष्याभूखण्डे बृहत्तम‌ः कौमारकलोत्सवः इति विशिष्यते। कोविड् महामारिकारणेन वर्षद्वयपर्यन्तं विराममभवत्। अस्मिन् वर्षे यथाविधि मत्सराः भविष्यन्ति।

इतः पूर्वं २०२० जनुवरिमासे आयोजिते कलोत्सवे पालक्काट् मण्डलं प्रथमस्थानमावहत्।