तिरुवनन्तपुरम्- 49 तमाः राज्यचलचित्रपुरस्काराः घोषिताः। जयसूर्या तथा सौबिन् षाहिर् च विशिषिटनटौ भवत।। ञान् मेरिक्कुट्टी इति चलचित्रे नायकपात्रस्य अभिनयेन जयसूर्या पुरस्कां प्राप। सुडानि फ्रं नैजीरिया इति चित्रे अभिनयेन सौबिन् षाहिर् पुरस्कारमाप। विशिष्टा नटी निमिषा सजयन् भवति।

     विशिष्टनिदेशकत्वेन श्यामप्रसाद् चितः विशिष्टः छायाग्राहकः के.यूय मोहनन्- चित्रं कार्बण्। विजय् येशुदासः विशिष्टगायकस्य पुरस्कारमाप। तथा श्रेया घोषाल् विशिष्टगायिका च भवति। जोजु जोर्ज् विशिष्टः स्वभावनटः भवति। विशिष्यं चलचित्रं ओरु ञायराय्च

     पुरस्कारनिर्णयसमित्यध्यक्षः कुमार् साह्नि अस्ति। 101 चलचित्राणि प्रतियोगितायां भागमभजन्त। 21 चित्राणि अन्तिमघट्टे प्रविष्टान्यासन्।

नवदिल्ली- पुल्वामा भीकराक्रमणे भारतसैन्येन पाकिस्तानाय प्रत्यादेशो दत्तः। सद्य एव दिल्यां राष्ट्रिय-सुरक्षाकार्य-संसत्समितेः अधिवेशनमारब्धम्।

प्रधानमन्त्रिणः नरेन्द्रमोदिनः आध्यक्ष्ये समारब्धे अधिवेशने राजनाथसिंहः, अरुण् जेय्टिली, निर्मला सीतारामन्, सुषमा स्वराज् प्रभृतयः केन्द्रमन्त्रिणः, राष्ट्रिय-सुरक्षा उपदेष्टा अजित् डोवल् च भागं गृह्णन्ति।
अधिवेशनानन्तरं सेनायाः सपद्याक्रमणमधिकृत्य प्रधानमन्त्री राष्ट्रम् अभिसम्बोधयिष्यति।
१२ मिराष् युद्धविमानान्युपयुज्य कुजवासरे प्रात एव भीकरशिबिरं प्रति आक्रमणं जातम्। जेय्षे शिविराणि नियन्त्रणप्रकोष्ठाश्च भग्नानि कृतानि। ३०० अधिकाः भीकराः व्यापादिताः इत्यावेदयति।

तिरुवनन्तपुरम्- केरलराज्य-परिवहणनिगमस्य नूतनः संरम्भः भवति वैद्युतबस् यानसेवा। सेवेयम् अद्यःप्रभृति प्रवर्तते। शब्दरहित‌ः धूमरहितश्च बस् यानमिति सङ्कल्पः अनया सेवया साध्यो भवति।

     डीजल् उपयुज्य प्रवर्तमानस्य बस् यानस्य व्ययः प्रतिकिलोमीट्टर् ३१ रूप्यकाणि भवन्ति, परं वैद्युतयानार्थं व्ययः केवलं त्रीणि रूप्यकाण्येव इति विशेषः। एकस्मिन् समये वैद्युतविन्यासेन ३०० कि.मी.पर्यन्तं दूरं यातुं शक्यते।

     तिरुवनन्तपुरे एरणाकुले च प्रथमं सेवा भविष्यति। दश बस् यानानि अधुना सेवार्थं सज्जानि भवन्ति। एतानि कांचन समयामनुसृत्य सज्जीकृतानि। समयानुसारं निजीयनिगमस्य यानं चालकसहितं परिवहणनिगमाय दीयते। वैद्युतिः नियन्त्रकश्च परिवहणनिगमेन आयोज्येते।

श्रीकण्ठापुरम्, केरलम्- अन्ताराष्ट्रप्रशस्तम् आयुर्वेदानुसन्धानकेन्द्रं केरले अचिरेण सफलं भविष्यति। कण्णूर् श्रीकण्ठापुरसमीपे कल्याट् देशे अस्य केन्द्रस्य शिलान्यासं मुख्यमन्त्रिणा पिणराय् विजयन् वर्येण कृतम्। स्वास्थ्यमन्त्री शैलजा वर्या अध्यक्षा आसीत्।

     केरलस्य आयुर्वेदपारम्पर्यं संरक्षितुं औषधानां फलप्राप्तिं शास्त्रीयरीत्या अवगन्तुं च अनेन केन्द्रेण साध्यं भविता। जीवितशैलीरोगः अर्बुदरोगः वार्धक्यकालरोगः इत्यादिषु नूतनं गवेषणमत्र भविष्यति।

     अमूल्यानां तालीपत्रग्रन्थानां संरक्षणाय नूतना साङ्केतिकविद्या अत्रोपयुज्यते। केन्द्र-राज्यसर्वकारयोः सहयोगेन ३०० कोटिरूप्यकाणां व्ययेनैव केन्द्रस्यास्य निर्माणं क्रियते।

कालटी- विश्वविद्यालयस्य प्रवर्तनानि योगदानं च सामान्यजनेभ्यो सम्यगवगन्तुं केरलसर्वकारेण आयोजिता परियोजना भवति शास्त्रयान्।
विश्वविद्यालयानुदानायोगस्य ए ग्रेड् लब्धः विश्वविद्यालयः भवति संस्कृतविश्वविद्यालयः। कालटी मुख्यकेन्द्रादृते अष्टौ प्रादेशिककेन्द्राणि च सन्ति अस्य विश्वविद्यालयस्य। भाषा, मानविकविषयाः, अभिनयः, नृत्तं, चित्रकला, सामाजिकपठनं, कायिकपछनम् इत्येवं वैविध्यरूपाः पठनविभागाः अत्र सन्ति।
अस्य वर्षस्य शास्त्रयान् पद्धतिः दर्पणं २०१९ नाम्ना फिब्रुवरी २२, २३ दिनाङ्कयोः आयोजयिष्यति। सामान्यजनानां कृते आयेजिते अस्मिन् कार्यक्रमे ह्रस्वचलचित्राणां प्रदर्शनं भविता। अस्योद्घाटनं २२ दिनाङ्के कोच्ची शास्त्रसाङ्केतिकसर्वकलाशालायाः कुलपतिः प्रोफ. आर्. शशिधरन् निर्वक्ष्यति।

कोच्ची- कोच्चीनगरे एरणाकुलं सौत् रेल्निस्थानस्य समीपे बहुतलमन्दिरे महती अग्निबाधा जाता। अद्य प्रातः ११ वादने पारगण् इति पादुकसंभरणशालायाम् अग्निबाधा जाता। रब्बर् उपयुज्य निर्मिता पादरक्षा अत्र अधिकतया सम्भृता इत्यतः अग्निबाधायाः काठिन्यं वर्धते। रक्षिदलम् अग्निशमनसेनादलं च पावकशमनकर्मणि व्यापृते वर्तेते। अग्निबाधा आरभ्य होराद्वये अतीते अपि सम्पूर्णनियन्त्रणं न जातम्। अस्यां घटनायां जीवनाश‌ नाभवत्, को/पि रुग्णश्च न संजातः।

तिरुवनन्तपुरम्- अद्य आट्टुकाल् मन्दिरे  पोङ्काला महोत्सवः। व्रतशुद्ध्या सह देव्यै पोङ्काला समर्पयितुं लक्षपरिमितानां स्त्रीजनानां सान्निध्यम् अनन्तपुर्यां जातम्। कु्भमासे पूर्वफल्गुनी नक्षत्रं पौर्णमी च युगपदागते दिने एव अयं महोत्सवः आचर्यते।

     प्रातः 10.15 वादने मन्दिरस्थात् दीपात् अग्निमादाय पण्टार अटुप्प् इति चुल्लिकायां  स्थाप्य एव पोङ्काला आरभते। ततः चुल्लिकातः चुल्लिकं अग्निः संक्राम्यते। मन्दिरात् योजनापर्यन्तं दुरे पोङ्कालार्थं चुल्ल्यः स्थापिता वर्तन्ते। मध्याह्ने 2.15 वादने एव पोङ्काला निवेद्यं समर्प्यते। पोङ्कालादिनमालक्ष्य अनन्तपुरीनगरं सुरक्षावलये अस्ति। स्त्रीणां शवरिमला इति प्रसिद्धं भवति आट्टुकाल् मन्दिरम्।

नवदिल्ली- पुल्वामा भीकराक्रमणसमानं प्रवर्तनं निरोद्धुं गते पञ्चवर्षाभ्यन्तरे केन्द्रसर्वकारेण कोपि प्रयासः कुतो न कृत इति पश्चिमवंगमुख्यमन्त्री ममता बानर्जीवर्या अवदत्। पञ्चदिवसं यावत् अस्मिन् विषये सा मौनमवलम्बते स्म। अधुना पश्चिमवंगदेशे वंशीयविभागाय श्रमो दृश्यते इत्यतः एतत् कार्यं वक्तुं प्रेरिता अभवम् इति सा न्यगादीत्।

वाषिङ्टण्-भीकरवादं विरुध्य स्वयं प्रतिरोधाय तथा भीकरवादमुन्मूलयितुं भारताय अमेरिक्काराष्ट्रस्य आलम्बनम्। स्वयं प्रतिरोधाय भारतस्याधिकारम् अनुमेने इति ऐक्य-अमरिका-राष्ट्रप्रवक्ता सूचितवान्।

     पुल्वामा भीकराक्रमणस्य पश्चात् भारतस्य राष्ट्रिय-सुरक्षा उपदेष्टारं अजित् डोवल् वर्यं दूरवाणीद्वारा आहूय अमरिकायाः राष्ट्रिय-सुरक्षा-उपदेष्टा जोण् बोल्टन् वर्यः एव कार्यमिदमसूचयत्। पुल्वामा भीकराक्रमणे स स्वकीयंअनुशोचनसन्देशं च दूरवाणीद्वारैव दत्तवान्।

     आतङ्कवादिभ्यः आलम्बनं दीयमानस्य पाकिस्तानस्य प्रवर्तनानि नाङ्गीकरणीयानि, एतानि पूर्णतया समापयितुं पाकिस्तानं प्रति पुनरपि आवेदयिष्यति इत्यपि जोण् बोल्टन् वर्यः अवदत्।

श्रीनगरम्- जम्मू काश्मीरे राष्ट्रिय-अन्वेषण-निगमस्य द्वादशाङ्गसंघः अद्यअन्वेषणं विधास्यति। सूक्ष्मनिरीक्षणसन्नाहेन सह अगम्यमानः संघः भीकराक्रमणेन अभिभूते स्थले निरीक्षणम्  आयोजयिष्यति। ऐ.जी. पदवीस्थः अधिकारी एव संघं नयति।

केन्द्रीय गृहमन्त्री राजनाथसिंहश्च अद्य काश्मीरान् प्राप्स्यति। प्रातः प्रथानमन्त्रिणः नेतृत्वे आयोज्यमानस्य मन्त्रिसभासुरक्षासमित्यधिवेशनस्य अनन्तरं स काश्मीरान् गमिष्यति।

भीकराक्रमणेन अभिभूते पुल्वामा स्थले सन्दर्शनानन्तरं वरिष्ठैः सुरक्षाकर्मकरैः तथा रक्षिदलनेतृभिः सह सः आशयविनिमयं करिष्यति। एतस्मिन्नन्तरे जम्मूकाश्मीरे अन्तर्जालसेवानां नियन्त्रणं  समायोजयत्। सुरक्षाकारणेनैवेदं नियन्त्रणं भवति।