तिरुवनन्तपुरम्- केरलेषु  एस्.एस्.एल्.सी., प्लस्-टु परीक्षाणां शुभारम्भः एप्रिल् 8 दिनाङ्के भविष्यति। एप्रिल् षट्दिनाङ्कपर्यन्तं निर्वाचनज्वरे आसीत् केरलाः। इतः परं परीक्षाज्वरे भविष्यन्ति। नवलक्षपरिमितं छात्राः एव परीक्षार्थं सन्नद्धाः।

     एस्.एस्.एल्.सी. परीक्षा एप्रिल् 8तः 12 दिनाङ्कपर्यन्तं मध्याह्नादूर्ध्वं प्रचलिष्यति। एप्रिल् 15तः प्रातः काले प्रचलिष्यति। 29 दिनाङ्के परीक्षायाः पर्यवसानं भविता। प्लस् -टु वी.एच्यएस्सी परीक्षाः एप्रिल् 8तः 26 दिनाङ्कं यावत् प्रचलिष्यति। प्रातः 9.40 वादने एव एताः परीक्षाः।